བོད་ལྗོངས་ཀྱི་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་གྱི་སྐྱེ་ཁམས་སྤྱི་ཕན་གཏུག་བཤེར་ཞིབ་དཔྱོད་ཀྱི་འབྲེལ་གཏུག་ཁང་དང་པོའི་སྒོ་བྱང་བཀལ་བ།

ཀྲུང་གོ་བོད་ཀྱི་དྲ་བའི་འཕྲིན། ཉེ་ཆར། བོད་ལྗོངས་ཀྱི་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་གྱི་སྐྱེ་ཁམས་སྤྱི་ཕན་གཏུག་བཤེར་ཞིབ་དཔྱོད་ཀྱི་འབྲེལ་གཏུག་ཁང་དང་པོ་སྟེ། བོད་ལྗོངས་སྨར་ཁམས་ཀྱི་ཡུན་ནན་སྤྲེལ་ཁྲའི་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་སྨར་ཁམས་རྫོང་སྤྱི་ཕན་གཏུག་བཤེར་ཞིབ་དཔྱོད་ཀྱི་འབྲེལ་གཏུག་ཁང་གི་སྒོ་བྱང་དངོས་སུ་བཀལ་ནས་བཙུགས་པ་རེད།

སྤྱི་ཕན་གཏུག་བཤེར་ཞིབ་དཔྱོད་ཀྱི་འབྲེལ་གཏུག་ཁང་དེ་ཆབ་མདོ་གྲོང་ཁྱེར་སྨར་ཁམས་རྫོང་མི་དམངས་ཞིབ་དཔྱོད་ཁང་དང་སྨར་ཁམས་རྫོང་ནགས་ལས་དང་རྩྭ་ཐང་ཅུས་ཀྱིས་ཐུན་མོང་ཐོག་བཙུགས་པ་ཞིག་ཡིན་ཞིང་། མི་སྣའི་གྲུབ་ཆའི་ཐད“1+1+1”(ཞིབ་དཔྱོད་དཔོན་1དང་། ཞིབ་དཔྱོད་དཔོན་གྱི་ལས་རོགས་1 ཟིན་ཐོ་འགོད་མཁན་1)བཅས་བཀོད་སྒྲིག་བྱས་པ་དང་། གཞུང་ལས་ཁང་དེ་སྨར་ཁམས་རྫོང་ནགས་ལས་དང་རྩྭ་ཐང་ཅུས་སུ་བཙུགས་ཡོད།

ཤེས་རྟོགས་བྱུང་བར་གཞིགས་ན། རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་གྱི་སྤྱི་ཕན་གཏུག་བཤེར་ཞིབ་དཔྱོད་ཀྱི་འབྲེལ་གཏུག་ཁང་བཙུགས་པ་དེས་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་གྱི་ཕྱོགས་བསྡུས་བཅོས་སྐྱོང་ལ་ཤུགས་སྣོན་རྒྱག་པ་དང་རང་བྱུང་སྲུང་སྐྱོང་ཁུལ་གྱི་ཁྲིམས་འཛིན་སྟོབས་ཤུགས་ནུས་ལྡན་ངང་གསབ་རྒྱུར་ཕན་པ་ཡོད་ལ། སྲིད་འཛིན་ཁྲིམས་འཛིན་བྱ་སྤྱོད་སྔར་བས་ཚད་ལྡན་དུ་བཏང་ནས་སྐྱེ་ཁམས་ཁོར་ཡུག་ལ་གཏོར་བཤིག་གཏོང་བའི་བྱེད་སྤྱོད་ལ་རྡུང་རྡེག་ཚ་ནན་གཏོང་ཆེད་ཁྲིམས་འཛིན་གྱི་འགན་ལེན་ནུས་ལྡན་ཡང་བྱས་ཡོད། །

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།