བསམ་གྲུབ་རྩེ་ཆུས་ཀྱིས་རོང་འབྲོག་མང་ཚོགས་ཀྱི་ལས་ཞུགས་རྩལ་ནུས་ཇེ་མཐོར་བཏང་།

ཀྲུང་གོ་བོད་ཀྱི་དྲ་བའི་འཕྲིན། 2021ལོ་ནི་ལོ་བརྒྱ་གཉིས་ཀྱི་འབད་འཐབ་དམིགས་ཚད་ཀྱི་ལོ་རྒྱུས་སྦྲེལ་མཚམས་ཤིག་ཡིན་པས།  ད་ལོའི་དུས་ཚིགས་དང་པོར་གཞིས་རྩེ་གྲོང་ཁྱེར་བསམ་གྲུབ་རྩེ་ཆུས་ཀྱིས་ལོ་ལྔ་ཚན་བཅུ་བཞི་པའི་འགོ་ཡག་པོ་འཛུགས་པ་དང་རྨང་གཞི་བརྟན་དུ་གཏོང་བ་སོགས་ལ་དམིགས་ནས།  ཆུས་དེའི་མི་རིགས་ཁག་གི་ལས་བྱེད་མང་ཚོགས་ཚོས་ཕན་ཚུན་སྤེལ་རེས་བྱེད་ཚད་ཟབ་ཏུ་གཏོང་བ་དང་།  རིག་གནས་འཚོ་བ་ཕུན་སུམ་ཚོགས་སུ་གཏོང་བ།  ངལ་རྩོལ་རིན་ཐང་གཏོད་པ།  ཕྱོགས་ཡོངས་འཕེལ་རྒྱས་བཅས་ལ་སྐུལ་འདེད་ཧུར་ཐག་བཏང་སྟེ།  སློབ་སྦྱོང་སྒྲོག་འགྲེལ་དང་།  གསོ་སྦྱོང་མཛུབ་སྟོན།  རིག་རྩལ་འཁྲབ་སྟོན་སོགས་བྱེད་སྒོ་ཐེངས5000ལྷག་རྒྱ་ཁྱབ་ཏུ་སྤེལ་ནས།  ཤང་༼ ཁྲོམ་གཞུང་དོན་གཅོད་ཁང་ ༽12 ཀྱི་གྲོང་ཚོ༼ སྡེ་ཁུལ ༽176 དང་།  ལྗོངས་ཐད་གཏོགས་ཚན་པ60ལྷག་གི་མི་ཐེངས་ཁྲི3ལྷག་ཞུགས་རྒྱུར་སྐུལ་སློང་གང་ལེགས་བྱས་ཡོད།

མང་ཚོགས་ཕྱུག་འགྱུར་ཡོང་རྒྱུར་དམིགས་ནས་ཏང་གི་ལོ་རྒྱུས་སློབ་སྦྱོང་སློབ་གསོ་དང་།  སྣང་ཆེན་བཞི་དང་དགའ་ཞེན་བཞིའི་མང་ཚོགས་ཀྱི་སློབ་གསོ་ལག་ལེན་བྱེད་སྒོ་དང་ཟུང་འབྲེལ་བྱས་ཏེ།  གཞི་རིམ་དུ་བཅའ་སྡོད་དང་ཆ་སྒྲིག་རོགས་སྐྱོར།  ཆེད་དོན་སྒྲོག་འགྲེལ་བཅས་བརྒྱུད་སྒྲོག་འགྲེལ་ཐེངས200ལྷག་བྱས་པར་མང་ཚོགས་མི་ཐེངས་ཁྲི2ལྷག་ལ་སློབ་གསོ་ཐེབས་པ་དང་།  རིག་གནས་ཀྱི་ཆུ་ཚད་མི་འདྲ་བ་དང་གསོ་སྦྱོང་གི་དགོས་མཁོར་དམིགས་ནས་ཏང་གི་སློབ་གྲྭ་དང་མི་སྤྱི་ཚན་པ།  བུད་མེད་མཉམ་འབྲེལ་ལྷན་ཚོགས།  ཞིང་འབྲོག་ཚན་པ་བཅས་ཀྱིས་གཙོ་ཁྲིད་བྱས་ཏེ།  གསོ་སྦྱོང་དུས་ཐེངས13སྒྲིག་འཛུགས་བྱས་པའི་ཁྲོད་མ་བྱན་དང་གློག་ལས་བཟོ་པ།  བསླས་འཐག  ཁྱིམ་ཆས་ཀྱི་ཚོན་པ་སོགས་ཀྱི་ལས་རིགས་གསོ་སྦྱོང་བྱས་ཏེ།  ཞིང་འབྲོག་མང་ཚོགས839ཡི་ལས་ཞུགས་རྩལ་ནུས་ཇེ་མཐོར་བཏང་ཡོད། །

རྩོམ་སྒྲིག་པ། ཀླུ་མོ་མཚོ།