ཉིང་ཁྲི་གྲོང་ཁྱེར་གྱི2021ལོའི་ལས་རིགས་རྩལ་ནུས་འགྲན་བསྡུར་ཆེན་པོ་བདེ་བླག་ངང་གཉེར་བ།

ཀྲུང་གོ་བོད་ཀྱི་དྲ་བའི་འཕྲིན། ཉེ་ཆར་ཉིང་ཁྲི་གྲོང་ཁྱེར་གྱི་2021ལོའི་ལས་རིགས་རྩལ་ནུས་འགྲན་བསྡུར་ཆེན་པོ་ཉིང་ཁྲི་གྲོང་ཁྱེར་ལག་རྩལ་བཟོ་པའི་སློབ་གྲྭར་བདེ་བླག་ངང་གཉེར་ཞིང་། འགྲན་བསྡུར་ཆེན་པོར་ཀྲུང་ལུགས་ཀྱི་ཟ་མ་གཡོས་སྦྱོར་བ་དང་། མགྲོན་ཁང་གི་ཞབས་ཞུ་བ། རྒན་འཁོགས་ལ་གཡོག་བྱེད་མཁན། བརྐོ་འདྲུའི་འཕྲུལ་འཁོར་གཏོང་མཁན། གློག་བཟོ་བ་བཅས་ཀྱི་ལས་རིགས་ལྔའི་འགྲན་བསྡུར་བཀོད་སྒྲིག་བྱས་པ་དང་། གྲོང་ཁྱེར་ཡོངས་ཀྱི་ལས་རིགས་མང་པོ་ནས་སླེབས་པའི་བདམས་ཐོན་པ་75མཐའ་བསྡུར་ལ་ཞུགས་ཡོད་པ་རེད།

འགྲན་བསྡུར་དྲག་པོ་བྱས་པ་བརྒྱུད་མཐར་ཀྲུང་ལུགས་ཀྱི་ཟ་མ་གཡོས་སྦྱོར་བ་ཡུས་ཡུན་ཁྲོན་དང་། མགྲོན་ཁང་གི་ཞབས་ཞུ་བ་ཀརྨ་རིག་འཛིན། རྒན་འཁོགས་ལ་གཡོག་བྱེད་མཁན་བདེ་ཆེན། བརྐོ་འདྲུའི་འཕྲུལ་འཁོར་གཏོང་མཁན་ཉི་མ་ཚེ་རིང་། གློག་བཟོ་བ་ཐུབ་བསྟན་བཅས་འགྲན་བསྡུར་ལ་ཞུགས་མཁན་བདམས་ཐོན་པ་5ལ་འགྲན་བསྡུར་ཆེན་པོའི་གསེར་གྱི་བྱ་དགའ་ཐོབ་པ་དང་། གྲོང་ཁྱེར་ལག་རྩལ་བཟོ་པའི་སློབ་གྲྭ་སོགས་ཚན་པ་7ལ་འགྲན་བསྡུར་ཆེན་པོའི་ཕུལ་བྱུང་སྒྲིག་འཛུགས་ཀྱི་བྱ་དགའ་ཐོབ་ཡོད། ཉིང་ཁྲི་གྲོང་ཁྱེར་མི་སྤྱི་ཅུས་ཀྱིས་ས་གནས་ས་ཐོག་ཏུ་འགྲན་བསྡུར་ཆེན་པོའི་གསེར་དང་དངུལ་གྱི་བྱ་དགའ་འཐོབ་མཁན་བདམས་ཐོན་པ་15ལ“ཉིང་ཁྲི་གྲོང་ཁྱེར་གྱི་ལག་རྩལ་འཇོན་ཐང་ཅན”གྱི་གཟི་བརྗིད་མཚན་སྙན་སྤྲད་པ་མ་ཟད། གོ་རིམ་ལྟར་ཁོ་ཚོའི་ལས་རིགས་ཀྱི་རྩལ་ནུས་རིམ་པ་དམིགས་བསལ་གྱིས་མཐོ་རུ་བཏང་བ་རེད། །

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།