བོད་ལྗོངས་ཀྱི་ལོ་རེའི་སྔོ་ཚལ་ཐོན་ཚད་ཏུན་ཁྲི77ལ་སླེབས་པ།

6159252dd42a2834cafadc8eefee0bed14cebfbf.jpeg

ཀྲུང་གོ་བོད་ཀྱི་དྲ་བའི་འཕྲིན། གཞི་གྲངས་གསར་ཤོས་ལས་མངོན་པ་ལྟར་ན། བོད་ལྗོངས་ཀྱི་སྔོ་ཚལ་འདེབས་འཛུགས་རྒྱ་ཁྱོན་མུའུ་ཁྲི38.75ལ་སླེབས་པ་དང་། ལོ་རེའི་ཐོན་ཚད་ཏུན་ཁྲི77.19ཟིན་པ། དབྱར་སྟོན་དུས་ཀྱི་གྲོང་ཁྱེར་དང་གྲོང་རྡལ་གཙོ་བོས་སྔོ་ཚལ་རང་མཁོ་རང་སྤྲོད་བྱེད་ཚད85%ལ་སླེབས་པ། དགུན་དཔྱིད་དུས་ཀྱི་རང་མཁོ་རང་སྤྲོད་བྱེད་ཚད་ཀྱང65%ཟིན་ཡོད། བོད་རང་སྐྱོང་ལྗོངས་ཞིང་ལས་གྲོང་གསེབ་ཐིང་འདེབས་འཛུགས་དོ་དམ་ཁྲུའུ་ཡི་ཁྲུའུ་ཀྲང་དབྱང་ཅན་པིན་གྱིས“ཉེ་བའི་ལོ་ཤས་རིང་། བོད་ལྗོངས་ཀྱི་སྔོ་ཚལ་འདེབས་འཛུགས་རྒྱ་ཁྱོན་རིམ་བཞིན་ཆེ་རུ་ཕྱིན་པ་དང་སྦྲགས། ལྗོངས་ཕྱིར་གཏོང་འདྲེན་བྱས་པས་བོད་ལྗོངས་ཀྱི་གྲོང་མིའི་སྔོ་ཚལ་གྱི་དགོས་མཁོ་གཞི་རྩའི་ཆ་ནས་སྐོང་ཐུབ་ཡོདཅེས་བཤད་པ་རེད།

4b90f603738da97791105def1f0a3a1e8718e39f.jpeg

གྲོང་མིས་སྔོ་ཚལ་ཟ་དཀའ་བའི་གནད་དོན་ཐག་གཅོད་བྱ་ཆེད། བོད་ལྗོངས་ཀྱིས“ཚོད་སླེ”ལས་གཞི་དེ་དམངས་འཚོ་ཇེ་ལེགས་སུ་གཏོང་བའི་ལས་དོན་གལ་ཆེན་ལ་བརྩིས་ཏེ་སྔོ་ཚལ་གཙོ་བོར་བྱེད་པའི“ཚོད་སླེ”ཐོན་སྐྱེད་འཕེལ་རྒྱས་ཤུགས་ཆེན་བཏང་ནས་སྔོ་ཚལ་ཐོན་སྐྱེད་རྟེན་གཞི་བཙུགས་པ་རེད། བོད་ལྗོངས་ཀྱིས་ད་དུང་བོད་བྱ་གསོ་སྤེལ་ཐོན་ལས་འཕེལ་རྒྱས་ཤུགས་ཆེན་བཏང་ནས་བོད་བྱ་གསོ་སྤེལ་ལ་སྐུལ་འདེད་བཏང་བས2019ལོར་བོད་ལྗོངས་ཀྱི་བྱ་སྒོང་ཐོན་ཚད་ཏུན5366.44ལ་སླེབས་ཡོད།

730e0cf3d7ca7bcb0af93e9a0a52a964f724a86c.jpeg

དེང་སྐབས་སྔོ་ཚལ་དང་བྱ་སྒོང་སོགས་བོད་ལྗོངས་ཀྱི་གྲོང་མིའི་གསོལ་ལྕོག་ཐོག་བཤམས་ཡོད་ལ། དུས་ཚིགས་གང་ཡིན་རུང་བོད་ལྗོངས་ཀྱི་གྲོང་མིས་ཞོ་དང་སྐམ་ཤ་སོགས་བོད་ཀྱི་ཁྱད་ལྡན་ཟས་རིགས་ཟ་ཐུབ་པ་མ་ཟད། ད་དུང་སྔོ་ཚལ་དང་བྱ་སྒོང་སོགས་ཀྱང་ཟ་ཐུབ་པ་རེད། །

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།