ལྷོ་ཁ་གྲོང་ཁྱེར་གྱི་མང་ཚོགས་ཁྲི5.78དབུལ་ཐར་བྱུང་ནས་དབུལ་བོ་དབུལ་ནག་མེད་པར་བཟོས།

ཀྲུང་གོ་བོད་ཀྱི་དྲ་བའི་འཕྲིན། བོད་ལྗོངས་གཞུང་ཕྱོགས་ཀྱིས་ཚེས30ཉིན་ལྷ་ས་ནས་གསར་འགྱུར་ཁྱབ་བསྒྲགས་ཚོགས་འདུ་བསྡུས་ཏེ། ལྷོ་ཁ་གྲོང་ཁྱེར་གྱི་དབུལ་ཐར་གྲུབ་འབྲས་བརྡ་ཁྱབ་སྤེལ། ལྷོ་ཁ་གྲོང་ཁྱེར་གྱི་གྲོང་ཁྱེར་འགོ་འཛིན་གཞོན་པའམ་ལྷོ་ཁ་གྲོང་ཁྱེར་དབུལ་ཐར་མཁྲེགས་གཏོར་བཀོད་འདོམས་པུའུ་ཡི་བཀོད་འདོམས་པ་གཞོན་པ་ཀྲང་ཧྥུའུ་ཁྲེང་གིས་བཤད་རྒྱུར། 2016ལོའི་རིང་ལ། ལྷོ་ཁ་གྲོང་ཁྱེར་གྱིས་ཚགས་འཛུགས་བྱང་སྒྲིག་དབུལ་ཕོངས་ཁྱིམ་ཚང19191ཡི་མི57844དབྱེ་འབྱེད་བྱས་ཏེ། ཚགས་འཛུགས་བྱང་སྒྲིག་དབུལ་བོ་མེད་པ་དང་དབུལ་ཕོངས་བྱུང་ཚད་མེད་པར་བཟོས་ཏེ། དབུལ་བོ་དབུལ་ནས་མེད་པར་བཟོས་བ་མངོན་འགྱུར་བྱས་ཟེར།

ཀྲང་ཧྥུའུ་ཁྲེང་གིས་བཤད་རྒྱུར། ལོ5ཡི་རིང་ལ། ལྷོ་ཁ་གྲོང་ཁྱེར་གྱིས་མཐོར་འདེགས་ལས་གཞི་བཅུའི་རྣམ་གྲངས253ལག་བསྟར་བྱས་ཏེ། བསྡོམས་པས་དངུལ་གཏོང་སྒོར་དུང་ཕྱུར272.32ལེགས་འགྲུབ་བྱས། ལྷོ་ཁ་གྲོང་ཁྱེར་གྱི་ཞིང་སྡེའི་གཞུང་ལམ་དང་། ཞིང་ཁའི་ཆུ་བེད། འཚོ་སྡོད་ཁོར་ཡུག་སོགས་རྒྱུན་མཐུད་ངང་ལེགས་བཅོས་བྱུང་སྟེ། ཐོན་ལས་དངོས་འབེབས་ཕྱོགས་ནས། ལྷོ་ཁ་གྲོང་ཁྱེར་གྱིས་ལོ5ཡི་ནང་མ་དངུལ་སྒོར་དུང་ཕྱུར44.8བཏང་སྟེ། མང་ཚོགས་ཁྲི2.8ལྷག་གི་ཡོང་སྒོ་འཕར་བར་སྣེ་ཁྲིད་བྱས་ཤིང་། དབུལ་བོ་མི་ཁྲི1.68ལྷག་གིས་ཐོན་ལས་ལ་བརྟེན་ནས་དབུལ་ཐར་བྱུང་།

དབུལ་ཐར་སྲ་བརྟན་དུ་གཏོང་བའི་ཕྱོགས་ནས། ལྷོ་ཁ་གྲོང་ཁྱེར་གྱིས་ཡུན་རིང་གི་ལམ་ལུགས་འཐུས་ཚང་དུ་བཏང་བ་དང་། ལམ་ལུགས་ཀྱིས་གྲུབ་འབྲས་སྲ་བརྟན་དུ་བཏང་། དབུལ་བོའི་ངལ་ནུས་སྤོ་སྒྱུར་བྱེད་པ་དེ་དབུལ་ཐར་མཁྲེགས་གཏོར་སྲ་བརྟན་དུ་གཏོང་བའི་འཆང་གཟུང་གལ་ཆེན་དུ་བརྩིས་ནས། ངལ་ནུས་ཕྱིར་གཏོང་བྱ་རྒྱུ་རྩ་འཛུགས་གནད་སྨིན་བྱས་ནས་ལས་གཞི་གལ་ཆེན་གྱི་རྣམ་གྲངས་གྱིས་ལས་ཞུགས་ལ་སྐུལ་ཁྲིད་བྱེད་པའི་ནུས་བ་འདོན་སྤེལ་ཧུར་ཐག་བྱས།

ལྷོ་ཁ་གྲོང་ཁྱེར་གྱི་དབུལ་སྐྱོར་གཞུང་སྒྲུབ་ཁང་གི་ཏང་ཙུའུ་ཧྲུའུ་ཅི་ཚེ་རིང་ཟླ་བས་བཤད་རྒྱུར། སྐྱེ་ཁམས་དབུལ་སྐྱོར་བྱེད་ཐབས་དངོས་འབེབས་བྱེད་པ་དང་བསྟུན་ནས། ལྷོ་ཁས“བྱེ་བཅོས་ལ་བརྟེན་ནས་མི་ཕྱིར་འཐེན་བྱེད་པའི”རྣམ་པ་བཀག་འགོག་ནུས་ལྡན་བྱས། ཉེ་བའི་ལོ་5ཡི་ནང་ལྗང་མདོག་ཁེ་ལས་སྐོར་ཞིག་སྔ་གཞུག་ཏུ་ནང་འདྲེན་བྱས་ནས་མུའུ་ཁྲི་ཡི་སྡོང་ཕྲུག་རྟེན་གཞི་དང་། མུའུ་སྟོང་གི་ཀུ་ཤུ། མུའུ་སྟོང་གི་རྒུན་འབྲུམ་འདེབས་འཛུགས་རྟེན་གཞི་སོགས་བསྐྲུན་ཡོད། “ཡར་ཀླུང་གཙང་བོའི་ངོགས་གཉིས་ཀྱི་སྐྱེ་ཁམས་རྣམ་གྲངས་ལག་བསྟར་བྱེད་པའི་རིང་། བསྡོམས་པས་སྐྱེ་ཁམས་ལས་གནས་ཁྲི1.4མཁོ་འདོན་བྱས་པ་དང་ལོར་མི་རེར་ཆ་སྙོམས་ཡོང་འབབ་སྒོར3500འཕར་སྣོན་བྱུང་བ་དང་། ནགས་སྲུང་བའི་ལས་གནས1200ལྷག་མཁོ་འདོན་བྱས་པ་དང་ལོ་རེར་མི་རེའི་ཆ་སྙོམས་ཡོང་འབབ་སྒོར་ཁྲི1.2ལ་སླེབས་ཡོད་ཟེར།  །

རྩོམ་སྒྲིག་པ། མཁའ་མཚོ་སྐྱིད།

དཔྱད་མཆན 0 ཡོད།