ལྷ་སར་བཟའ་བཅའི་བདེ་འཇགས་གཅིག་སྡུད་དྲིལ་བསྒྲགས་བྱེད་སྒོ་སྤེལ།

W020200713586885597970.jpg

ཀྲུང་གོ་བོད་ཀྱི་དྲ་བའི་འཕྲིན། ཉེ་ཆར།  ལྷ་ས་གྲོང་ཁྱེར་བཟའ་བཅའ་བདེ་འཇགས་ཨུ་ལྷན་གྱི་ཁོངས་མིའི་ཚན་པ་དང་བཟའ་བཅའ་ཐོན་སྐྱེད་གཉེར་སྐྱོང་ཁེ་ལས28ཀྱིས་མཉམ་འབྲེལ་ཐོག  བར་སྐོར་ཚོང་གྲོང་དུ་བཟའ་བཅའི་བདེ་འཇགས་འགན་སྲུང་བྱ་རྒྱུ་མི་ཚང་མར་འགན་འཁྲི་ཡོད་ཅེས་བརྗོད་དོན་གཙོ་བོར་བྱས་པའི་བཟའ་བཅའི་བདེ་འཇགས་གཅིག་སྡུད་དྲིལ་བསྒྲགས་བྱེད་སྒོ་སྤེལ་བ་རེད།

W020200713586885684540.jpg

བྱེད་སྒོར་དྲ་ཐོག་དང་དྲ་འོག་གི་རྣམ་པ་སྤྱད་དེ་ཟས་རིགས་བདེ་འཇགས་ཀྱི་གནས་བབ་བརྡ་ཁྱབ་གཏོང་བ་དང་།  སྤྱི་ཕན་བརྡ་ཁྱབ་གཤམ་སྤྲོད།  ཤེས་བྱའི་དྲིས་ལན་འདེབས་པ་དང་།  འགྲེམས་སྟེགས་དང་འགྲེམས་པང་སྒྲིག་སྦྱོར་དང་ས་གནས་ས་ཐོག་གི་བློ་འདྲི།  བདེ་འཇགས་ལྡན་པའི་བཟའ་བཅའ་འགྲེམས་སྟོན།  དྲིལ་བསྒྲགས་དཔྱད་གཞི་སྤྲོད་པ་སོགས་ཀྱི་བྱ་ཐབས་སྣ་ཚོགས་སྤྱད་དེ།  གྲོང་མི་མང་ཚོགས་ལ་བཟའ་བཅའི་བདེ་འཇགས་ཀྱི་ཁྲིམས་ལུགས་ཁྲིམས་སྲོལ་དང་ཚན་རིག་ཁྱབ་གདལ་གྱི་རྒྱུན་ཤེས་དྲིལ་བསྒྲགས་བྱས་ཏེ།  གྲོང་མི་མང་ཚོགས་ཀྱི་བཟའ་བཅའི་བདེ་འཇགས་ཀྱི་གལ་ཆེའི་རང་བཞིན་ལ་ངོས་འཛིན་དང་དེར་ཞུགས་པའི་འདུ་ཤེས་ཟབ་ཏུ་བཏང་ནས།  བཟའ་བཅའ་ཐོན་སྐྱེད་གཉེར་སྐྱོང་བྱེད་མཁན་དང་རྒྱ་ཆེའི་གྲོང་མི་མང་ཚོགས་ཐུན་མོང་ཐོག་བཟའ་བཅའི་བདེ་འཇགས་ལས་དོན་ནང་ཞུགས་རྒྱུར་ཁྲིད་སྟོན་ཧུར་ཐག་བྱས་པ་རེད།

ཤེས་རྟོགས་བྱས་པར་གཞིགས་ན།  ཉིན་དེའི་བྱེད་སྒོར་འགྲེམས་སྟེགས30བཙུགས་པ་དང་འགྲེམས་པང85འགྲེམས་སྟོན་བྱས་ཡོད་ལ།  ད་དུང་ཟས་རིགས་བདེ་འཇགས་ཀྱི་འབྲེལ་ཡོད་དཔྱད་གཞི6000ལྷག་ཙམ་དང་།  དྲིལ་བསྒྲགས་པར་དེབ་དང་གསལ་བརྡ2500དེ་བཞིན་དྲིལ་བསྒྲགས་མཁོ་ཆས་ཁག1700བཅས་སྤྲད་པ་མ་ཟད།  གྲོང་མི་མང་ཚོགས་མི་ཐེངས500ལྷག་ཙམ་གྱི་བློ་འདྲི་དང་ལེན་བྱས་པ་རེད།།

རྩོམ་སྒྲིག་པ། མཁའ་མཚོ་སྐྱིད།

དཔྱད་མཆན 0 ཡོད།