ཀྲུང་གོ་བོད་ཀྱི་དྲ་བའི་འཕྲིན། ད་ལོའི་ཚུན་དུ། མངའ་རིས་ས་ཁུལ་གྱིས་དུས་རབས་གསར་པའི་ཤེས་དཔལ་ལག་ལེན་ལས་ཀར་མཐོང་ཆེན་པོ་བྱས་ནས། རྫོང་དང་ཤང（གྲོང་རྡལ）（གྲོང་ཚོ）（སྡེ་ཁུལ）བཅས་རིམ་པ་གསུམ་གྱི་མཉམ་འགུལ་དྲ་བ་བཙུགས་ཏེ། ནུས་ཤུགས་ཡོད་རྒུས་དུས་རབས་གསར་པའི་ཤེས་དཔལ་ལག་ལེན་ལས་དོན་གཞི་རིམ་དུ་དོན་འཁྱོལ་ཡོང་རྒྱུར་སྐུལ་འདེད་བཏང་བས། དེང་སྐབས་མངའ་རིས་ས་ཁུལ་གྱི་རྫོང7དང་ཤང（གྲོང་རྡལ）37གྲོང་ཚོ（སྡེ་ཁུལ）195བཅས་ཚང་མས་དུས་རབས་གསར་པའི་ཤེས་དཔལ་ལག་ལེན་ལྟེ་གནས་དང་ལག་ལེན་ཟོའོ། ལག་ལེན་ས་ཚིགས་བཅས་ཀྱི་སྒོ་བྱང་འགེལ་བའི་ལས་དོན་ལེགས་སྒྲུབ་ཟིན་ཡོད།
དུས་རབས་གསར་པའི་ཤེས་དཔལ་ལག་ལེན་ལྟེ་གནས་ཚོད་ལྟ་འཛུགས་སྐྱོང་གི་ལས་དོན་སྤེལ་ཚུན། མངའ་རིས་ས་ཨུད་ཀྱི་འགོ་ཁྲིད་གཙོ་བོས་བཀོད་སྒྲིག་དང་། དྲིལ་བསྒྲགས་དང་རྩ་འཛུགས། ནོར་སྲིད། མི་སྤྱི། རིག་གནས་སོགས་ཚན་པས་གཞོགས་འདེགས་དམ་ཟབ་བྱས་ནས། ལས་ཀར་མཛུབ་ཁྲིད་དང་མི་སྣ་བཀོད་སྒྲིག གྲོན་དངུལ་འགན་སྲུང་བཅས་ཀྱི་ནུས་པ་འདོན་སྤེལ་ཡག་པོ་བྱས་ཏེ། གཞི་རིམ་གྱི་སེམས་ཁྲལ་སེལ་བ་དང་རྫོང་ཁག་གིས་བློ་ཁོག་ཆེན་པོས་ལས་དོན་སྤེལ་རྒྱུར་རྒྱབ་སྐྱོར་བྱེད་པ། མང་ཚོགས་ཀྱི་ཐོན་སྐྱེད་དང་འཚོ་བའི་དགོས་མཁོར་གཞིགས་ནས། མང་ཚོགས་ཀྱི་བསམ་ཕྱོགས་དང་མཐུན་པའི་དྲིལ་བསྒྲགས་སློབ་གསོ་དང་བསམ་པའི་དཔལ་ཡོན་འཛུགས་སྐྱོང་། རིག་གནས་ལུས་རྩལ་བྱེད་སྒོ དང་བླངས་ཞབས་ཞུ་སོགས་ལས་དོན་སྤེལ་ཏེ། དུས་རབས་གསར་པའི་ཤེས་དཔལ་ལག་ལེན་ལས་ཀར་རྒྱུན་མཐུད་སྐུལ་འདེད་གཏོང་བཞིན་ཡོད།
མངའ་རིས་ས་ཁུལ་དུ་དུས་རབས་གསར་པའི་ཤེས་དཔལ་ལག་ལེན་ལྟེ་གནས་ཀྱི་སྒོ་བྱང་འགེལ་བའི་ལས་དོན་ལེགས་སྒྲུབ་ཟིན་པ་དེའི་ཐོག་ནས། ས་ཁུལ་དེ་ཡོངས་ཀྱི་བསམ་བློ་ཁྲིད་སྟོན་དང་ཀུན་སྤྱོད་སློབ་གསོ། དམངས་ཕན་ཞབས་ཞུ་བཅས་བྱེད་ནུས་གཞི་གཅིག་ཏུ་སྒྲིལ་བའི་གཞི་རིམ་ཕྱོགས་བསྡུས་དྲིལ་བསྒྲགས་སློབ་གསོའི་ཞབས་ཞུའི་ལས་སྟེགས་རགས་ཙམ་སྐྲུན་ཟིན་ནས། མང་ཚོགས་ལ་དྲིལ་བསྒྲགས་དང་སློབ་གསོ། ཞབས་ཞུ་བཅས་བྱེད་རྒྱུར་འཕྲད་པའི་མཐའ་མའི་འགག་གནད་སེལ་བ་མཚོན་གྱི་ཡོད། །
རྩོམ་སྒྲིག་པ། མཁའ་མཚོ་སྐྱིད།
མངའ་རིས་ས་ཁུལ་གྱིས་དུས་རབས་གསར་པའི་ཤེས་དཔལ་ལག་ལེན་ལས་དོན་གཞི་རིམ་དུ་དོན་འཁྱོལ་ཡོང་རྒྱུར་སྐུལ་འདེད་བཏང་།