ཀྲུང་གོ་བོད་ཀྱི་དྲ་བའི་འཕྲིན། བོད་ལྗོངས་ཀྱི་གཞོན་ནུ་ལོ་ཆུང་བྱིས་པའི་རིག་རྩལ་དཔེ་ཀློག་དང་གསར་རྩོམ་གོང་འཕེལ་ཆེན་པོ་ཡོང་རྒྱུར་སྐུལ་སྤེལ་གཏོང་ཆེད། སྤྱི་ཟླ5བའི་ཚེས30ཉིན་གྱི་ཕྱི་དྲོ། རང་སྐྱོང་ལྗོངས་ཏང་ཨུད་དྲིལ་བསྒྲགས་པུས་གཙོ་གཉེར་བྱས་པ་དང་། རང་སྐྱོང་ལྗོངས་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་ཀྱིས་ལྷ་ས་གཡག་གུ་བྱིས་པའི་རིག་གནས་གོང་འཕེལ་ཚད་ཡོད་ཀུང་སི་དང་མཉམ་འབྲེལ་ཐོག་གཉེར་འགན་འཁུར་བའི་རིག་དཔལ་དར་བའི་བོད་ལྗོངས་ཅེས་པའི་དམངས་ཡོངས་ཀྱི་དཔེ་ཀློག་མུ་འབྲེལ་བྱེད་སྒོ་སྤེལ་ཞིང་། རིག་དཔལ་དར་བའི་བྱིས་དུས། བྱིས་པའི་རྩོམ་རིག་གསར་རྩོམ་ཞིབ་གྲོས་ཚོགས་འདུ་ཡང་ལྷ་སར་འཚོགས་པ་རེད།
ཤེས་རྟོགས་བྱས་པར་གཞིགས་ན། ཞིབ་གྲོས་ཚོགས་འདུའི་ཐོག་རིགས་གཅིག་མཁས་ཅན་དང་མཁས་དབང་ཚོས་བོད་དུ་བྱིས་པའི་རྩོམ་རིག་གསར་རྩོམ་གྱི་ད་ལྟའི་གནས་ཚུལ་དང་བོད་དུ་བྱིས་པའི་སྒྲུང་གཏམ་གསར་རྩོམ་གྱི་ལམ་བུ་གསར་པ་སོགས་ཐད་ཀྱི་གྲོས་གཞིར་གྲོས་བསྡུར་གཏིང་ཟབ་བྱས་པ་རེད།།
རྩོམ་སྒྲིག་པ། མཁའ་མཚོ་སྐྱིད།
བོད་ལྗོངས་ཀྱིས་གཞོན་ནུ་ལོ་ཆུང་བྱིས་པའི་རིག་རྩལ་དཔེ་ཀློག་དང་གསར་རྩོམ་གོང་འཕེལ་ཆེན་པོ་ཡོང་རྒྱུར་སྐུལ་སྤེལ་བཏང་།