ད་ལོ་བོད་ལྗོངས་ཀྱིས་ཐོན་འབབ་མཐོ་བའི་ནས་སོན་གསར་བ་ཞིག་ཁྱབ་གདལ་གཏོང་རྒྱུ་རེད།

ཀྲུང་གོ་བོད་ཀྱི་དྲ་བའི་འཕྲིན། གསར་འགོད་པས་རང་སྐྱོང་ལྗོངས་ཞིང་ལས་ཚན་རིག་ཁང་ནས་ཤེས་རྟོགས་བྱུང་བར་གཞིགས་ན།  ད་ལོ་བོད་ལྗོངས་ཀྱིས་ལྷ་ས་དང་གཞིས་རྩེ།  ལྷོ་ཁ།  ཆབ་མདོ་སོགས་ཀྱི་རྫོང་དྲུག་ཏུ13.5171.7(ཚབས་རྟགས)རྟགས་ཅན་གྱི་ནས་སོན་གསར་པ་མུའུ་ཁྲི་ཁ་ལོན་པ་ཁྱབ་གདལ་གཏོང་རྒྱུ་རེད།

རང་སྐྱོང་ལྗོངས་ཞིང་ལས་ཚན་རིག་ཁང་གི་དབུ་འཛིན་ཉི་མ་བཀྲ་ཤིས་ནས་ངོ་སྤྲོད་གནང་བར་གཞིགས་ན།  ནས་སོན་གསར་པ་དེར་སྙེ་རྐང་མི་ཆག་པ་དང་།  ཞིང་འཕྲུལ་གྱིས་བརྔ་བསྡུར་འཚམས་པ།  ཐོན་འབབ་ཆེ་བ་སོགས་ཀྱི་ལེགས་ཆ་མངོན་གསལ་དོད་པོ་ཡོད་པ་དང་།  ཚོད་འདེབས་ལོ་གཉིས་བྱས་པ་བརྒྱུད་སོ་ནམ་པས་དགའ་པོ་བྱེད་ཀྱི་ཡོད་པ་དང་།  ཆུ་ལུད་སོགས་གཡོག་བྱེད་སྟངས་གཅིག་མཚུངས་ཀྱི་ཆ་རྐྱེན་འོག  ནས་སོན་གསར་པ་དེ་དེང་སྐབས་ཁྱབ་གདལ་གཏོང་བཞིན་པའི་བོད་ནས་ཨང2000ལས་བརྒྱ་ཆ10ཡན་གྱི་ཐོན་འབབ་ཆེ་བ་དང་།  ཧི་མ་ལ་ཨང22ལས་བརྒྱ་ཆ5ཡན་གྱི་ཐོན་འབབ་ཆེ་བ་ཡོད་པ་རེད།

ད་ལོ་རང་སྐྱོང་ལྗོངས་ཞིང་ལས་ཚན་རིག་ཁང་གིས13.5171.7(ཚབས་རྟགས)རྟགས་ཅན་གྱི་ནས་སོན་རྒྱ་མ་ཁྲི་ཚོ18ལ་སྨན་ཐུམ་རྒྱག་རྒྱུ་ཡིན་ཞིང་།  སོན་གསར་དེ་འདེབས་ཁུལ་གྱི་ཞིང་འབྲོག་མང་ཚོགས200ལ་འདེབས་འཛུགས་ལག་རྩལ་སོགས་དང་འབྲེལ་བའི་ཤེས་བྱ་སྦྱོང་བརྡར་སྤྲོད་རྒྱུ་རེད།  གཞན་ཡང་དེང་སྐབས་དཔེ་སྟོན་ཁུལ་འཆར་འགོད་དང་འདེབས་འཛུགས་ཞིང་ཁ་འདེམས་པ།  ས་དཔྱད་ལུད་སྦྱོར།  སོན་འདེམས་སྒྲུག་སོགས་ཀྱི་ལས་དོན་སྤེལ་ཟིན་ནས་སོན་བཟང་དེ་རིམ་བཞིན་ལྗོངས་ཡོངས་སུ་ཚོད་འདེབས་བྱེད་རྒྱུ་རེད།།

རྩོམ་སྒྲིག་པ། མཁའ་མཚོ་སྐྱིད།

དཔྱད་མཆན 0 ཡོད།