དྲག་ཆས་ཉེན་རྟོག་འགྲིམ་འགྲུལ་དཔུང་སྡེས་ཁྲོན་བོད་གཞུང་ལམ་གྱི་གངས་རྡིབ་ལམ་དུམ་ཤར་གཏོང་བྱས།

༡.jpg

ཀྲུང་གོ་བོད་ཀྱི་དྲ་བའི་འཕྲིན། 2020ལོའི་ཟླ3པའི་ཚེས17ཉིན་གྱི་ཐོ་རེངས་སུ་བོད་ཀྱི་ཤར་ལྷོའི་རྒྱུད་དུ་བསྟུད་མར་གངས་བབས་པས་ཁྲོན་བོད་གཞུང་ལམ་ཆབ་མདོ་གྲོང་ཁྱེར་དཔའ་ཤོད་རྫོང་ཁོངས་སུ་གློ་བུར་དུ་རིང་ཚད་ལ་སྨི100དང་ཞེང་ཚད་ལ་སྨི150མཐོ་ཚད་ལ་སྨི5ཡོད་པའི་རྡིབ་ཐེབས་ནས་འགྲིམ་འགྲུལ་འགག་སྟེ་རླངས་འཁོར500ལྷག་རང་སར་ལུས་ཡོད།

༢.jpg

གངས་རྡིབ་ཀྱི་གནོད་འཚེ་ཐོན་རྗེས། དྲག་ཆས་ཉེན་རྟོག་འགྲིམ་འགྲུལ་དཔུང་སྡེ་ཞིག་གི་ཉིང་ལག་རུ་ཁག་གསུམ་པས་འཕྲལ་སྡོམ་རོགས་སྐྱོབ་ཇུས་གཞི་ལག་བསྟར་བྱས་ཏེ་དཔའ་ཤོད་རྫོང་དང་ར་འོག་གྲོང་རྡལ་གྱི་འགྲིམ་འགྲུལ་དོ་དམ་སྡེ་ཚན་དང་འབྲེལ་བ་བྱས་ནས་འགྲིམ་འགྲུལ་བཀག་སྡོམ་བྱས་པ་རེད། ཉིང་ལག་རུ་ཁག་དེའི་རུ་ཆེན་བཞི་པའི་ལམ་སྐྱོང་རུ་འབྲིང་བཅོ་ལྔ་པའི་དཔོན་དམག་ཚོས་ལྡུག་འཁོར་དང་རྐོ་འདྲུའི་འཕྲུལ་འཁོར་བཏང་ནས་གནོད་འཚེ་ཐོན་སར་བསྐྱོད་དེ་ལམ་ཤར་གཏོང་གི་ལས་དོན་སྤེལ་བ་རེད།

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།