ཆེ་དགྲ་ལྷས་བོད་ལྗོངས་ཀྱི་གཙོ་གནད་གཞུང་ཁོངས་ཁེ་ལས་སུ་ནད་ཡམས་འགོག་ཟོན་དང་ཐོན་སྐྱེད་སླར་གསོར་བརྟག་ཞིབ་གནང་།

ཀྲུང་གོ་བོད་ཀྱི་དྲ་བའི་འཕྲིན། སྤྱི་ཚེས21ཉིན།  ལྗོངས་ཏང་ཨུད་ཀྱི་ཧྲུའུ་ཅི་གཞོན་པ། རང་སྐྱོང་ལྗོངས་ཀྱི་ཀྲུའུ་ཞི་ཆེ་དགྲ་ལྷས་རྣམ་གྲངས་སྐྲུན་ཡུལ་དང་རང་སྐྱོང་ལྗོངས་ཀྱི་གཙོ་གནད་གཞུང་ཁོངས་ཁེ་ལས་སུ་གཟབ་སྐྱོད་གནང་སྟེ།  ནད་ཡམས་འགོག་ཟོན་དང་།  ཨར་སྐྲུན་དང་ཐོན་སྐྱེད་སླར་གསོ།  ཁེ་ལས་ཀྱི་ཐོན་སྐྱེད་གཉེར་སྐྱོང་བཅས་ཐད་བརྟག་ཞིབ་གནང་བ་མ་ཟད་བཞུགས་མོལ་ཚོགས་འདུ་སྐོང་ཚོགས་གནང་བ་རེད།  རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་འཇམ་དཔལ་བརྟག་ཞིབ་གནང་བར་ལྷན་དུ་ཕེབས་ཡོད། 

ཆེ་དགྲ་ལྷས་བོད་ལྗོངས་ལིང་ཧྥུང་རྒྱལ་སྤྱིའི་རིག་ནུས་ཟོག་འགྲེམས་སྡེ་གླིང་དུ་ནད་ཡམས་འགོག་ཟོན་ལ་གཟིགས་ཞིབ་གནང་སྐབས།  ཚན་རིག་དང་མཐུན་ཞིང་ལུགས་དང་མཐུན་པའི་ནད་ཡམས་འགོག་ཟོན་བྱ་ཐབས་སྔ་སྣུར་དུ་བཟོས་ནས།  འབྲེལ་ཡོད་ལས་དོན་གང་མགྱོགས་སླར་གསོ་ཐུབ་པ་བྱེད་དགོས་པའི་བླང་བྱ་བཏོན་གནང་བ་དང་།  བོད་ལྗོངས་མཐོ་རྩོད་ཨར་སྐྲུན་རྒྱུ་ཆ་མ་རྐང་ཚད་ཡོད་ཀུང་སིར་ནད་ཡམས་འགོག་ཟོན་དང་ཐོན་ནུས་སླར་གསོ།  ཐོད་སྐྱེད་གཉེར་སྐྱོང་།  འབྲེལ་ཡོད་ཁེ་ལས་ཀྱི་ལས་དོན་སླར་གསོ་སོགས་ཐད་ཀྱི་གནས་ཚུལ་མཁྱེན་རྟོག་ཞིབ་ཕྲ་གནང་བ་མ་ཟད།  ནད་ཡམས་ཐོན་ཚུན་ཁེ་ལས་ཀྱིས་སྔོན་འགོག་ཚོད་འཛིན་བྱ་ཐབས་ནན་པོ་བཟུང་བ་དང་།  རྒྱུན་ལྡན་གྱི་ཐོན་སྐྱེད་མཁོ་སྤྲོད་རྒྱུན་འཁྱོངས་བྱས་པར་ཁས་ལེན་གང་ལེགས་གནང་བ་དང་སྦྲགས།  ཁེ་ལས་ཀྱི་འགན་འཁུར་བར་བྱེད་པོའི་འགན་འཁྲི་ཡག་པོ་སྒྲུབ་པ་དང་ཁྲོམ་རའི་འདུ་ཤེས་སྔར་བས་ཟབ་ཏུ་བཏང་སྟེ།  ཐོན་རྫས་ཀྱི་ཞབས་ཞུའི་སྤུས་ཚད་ལེགས་སུ་གཏོང་དགོས་པའི་བཀའ་མངགས་གནང་བ་རེད། 

བརྟག་ཞིབ་གནང་ཚར་རྗེས་ཆེ་དགྲ་ལྷས་རང་སྐྱོང་ལྗོངས་ཀྱི་གཙོ་གནད་གཞུང་ཁོངས་ཁེ་ལས་ཀྱི་ཨར་སྐྲུན་དང་ཐོན་སྐྱེད་སླར་གསོ་དང་ཐོན་སྐྱེད་གཉེར་སྐྱོང་གནས་ཚུལ་གྱི་བཞུགས་མོལ་ཚོགས་འདུ་གཙོ་སྐྱོང་གནང་བ་དང་།  ཚོགས་འདུའི་ཐོག་གཙོ་གནད་གཞུང་ཁོངས་ཁེ་ལས་ཀྱིས་གཙོ་ཤུགས་དམག་གི་ནུས་པ་འདོན་སྤེལ་གང་ལེགས་བྱས་ཏེ།  ནད་ཡམས་འགོག་ཟོན་བྱེད་པའི་རྨང་གཞིའི་ཐོག་ཁེ་ལས་ཀྱི་ཨར་སྐྲུན་དང་ཐོན་སྐྱེད་སླར་གསོར་སྐུལ་འདེད་ཤུགས་ཆེ་བཏང་ནས།  ནད་ཡམས་འགོག་ཟོན་དང་དཔལ་འབྱོར་སྤྱི་ཚོགས་གོང་འཕེལ་གྱི་དམིགས་ཚད་གཉིས་ཀ་སྒྲུབ་ཐུབ་པ་བྱེད་དགོས་པ་དང་།  གཞུང་ཁོངས་མ་རྩ་དང་གཞུང་ཁོངས་ཁེ་ལས་བསྒྱུར་བཅོས་ལ་སྐུལ་འདེད་རྒྱུན་མཐུད་གཏོང་བ།  གཞུང་ཁོངས་མ་རྩར་ལྟ་སྡོམ་བྱེད་སྟངས་རྒྱུན་མཐུད་ལེགས་སུ་བཏང་སྟེ།  གཞུང་ཁོངས་ཁེ་ལས་རྒྱ་སྟོབས་ཆེ་རུ་གཏོང་དགོས་པ་དང་ཨར་སྐྲུན་དང་ཐོན་སྐྱེད་སླར་གསོ་བྱས་པའི་ཁེ་ལས་སུ་ནད་ཡམས་འགོག་ཟོན་ལས་ཀར་གཅིག་འགྱུར་འཆར་འགོད་ངང་མཐུན་སྦྱོར་བྱེད་ཤུགས་ཆེ་རུ་བཏང་ཐོག  དུས་ཚིགས་དང་པོའི་དཔལ་འབྱོར་འཁོར་རྒྱུག་ཡག་པོ་ཐུབ་པ་བྱེད་དགོས་པ་བཅས་ཀྱི་ནན་གསུངས་གནང་བ་རེད།  །

རྩོམ་སྒྲིག་པ། མཁའ་མཚོ་སྐྱིད།

དཔྱད་མཆན 0 ཡོད།