ལྷ་ས་གྲོང་ཁྱེར་གྱིས་ལས་གཏོད་གསར་གཏོད་ཀྱི་རྟེན་གཞི22བསྐྲུན་པ།

ཀྲུང་གོ་བོད་ཀྱི་དྲ་བའི་འཕྲིན། ཉེ་ཆར། གསར་འགོད་པས་ལྷ་ས་གྲོང་ཁྱེར“གཉིས་གཏོད་དཔེ་སྟོན”གཞུང་ལས་ཁང་ནས་ཤེས་རྟོགས་བྱུང་བར་གཞིགས་ན། མིག་སྔའི་བར་ལྷ་ས་གྲོང་ཁྱེར་དུ་ཀུན་གཏོད་བར་མཐོངས50དང་ལས་གཏོད་གསར་གཏོད་རྟེན་གཞི22བསྐྲུན་ཡོད།

ལྷ་ས་གྲོང་ཁྱེར“གཉིས་གཏོད་དཔེ་སྟོན”གཞུང་ལས་ཁང་གི་འབྲེལ་ཡོད་འགན་འཁུར་བས། ཉེ་བའི་ལོ་ཤས་རིང་ལྷ་ས་གྲོང་ཁྱེར་གྱིས་དེ་བས་ལེགས་པའི་ལས་གཏོད་གསར་གཏོད་ཀྱི་སྲིད་ཇུས་ལག་ལེན་བསྟར་ནས་ལས་གཏོད་གསར་གཏོད་ཞབས་ཞུ་རྒྱུན་ཆད་མེད་པར་འཐུས་སྒོ་ཚང་དུ་བཏང་སྟེ། བོད་ལྗོངས་ཀྱི་ཁྱད་ཆོས་དང་ལྷ་སའི་དམིགས་བསལ་ཁྱད་ཆོས་ལྡན་པའི་གཉིས་གཏོད་ཀྱི་ཐབས་ལམ་གསར་པ་འཚོལ་ཞིབ་ཧུར་ཐག་བྱས་པ་རེད། 2018ལོའི་བར་ལྷ་ས་གྲོང་ཁྱེར་གྱི་གཉིས་གཏོད་རྟེན་གཞི་ཁག་གིས་ལས་གཏོད་གསར་གཏོད་ཀྱི་ཚོགས་པ724དང་། གསོ་སྐྱོང་བྱེད་བཞིན་པའི་ཕྲན་ཚེགས་ཁེ་ལས1214 མཐོ་སློབ་མཐར་ཕྱིན་སློབ་མའི་ལས་གཏོད་ཚོགས་པ392བཅས་ནང་འདྲེན་བྱས་ཡོད།

ད་ལོའི་ཚུན་དུ་ལྷ་ས་གྲོང་ཁྱེར་གྱིས་མཐོ་སློབ་མཐར་ཕྱིན་སློབ་མའི་ལས་གཏོད་གསར་གཏོད་སྲིད་ཇུས་ཀྱི་ཁ་གསབ་མ་དངུལ་སྒོར་ཁྲི1239.3དོན་འཁྱོལ་བྱས་པ་དང་། དེའི་ཁྲོད་དུ་རང་བརྟེན་ལས་གཏོད་ལ་ཁ་གསབ་སྒོར་ཁྲི362.6བྱས་པ་རེད། ཐེམ་ཁུངས་ལྷ་ས་ནས་ཡིན་པའི་ལས་གཏོད་མཐོ་སློབ་མཐར་ཕྱིན་སློབ་མ44ལ་ལས་གཏོད་བྱ་དགའི་དངུལ་སྒོར་ཁྲི40.4དོན་འཁྱོལ་བྱས་པ་དང་། མཐོ་སློབ་མཐར་ཕྱིན་སློབ་མ5ལ་ལས་གཏོད་ཁག་ཐེག་དངུལ་བུན་སྒོར་ཁྲི150བསྐྱིས་པ་རེད། །

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།