བོད་ལྗོངས་ཀྱི་ས་ཁུལ་ཁག་དང་སྡེ་ཚན་ཁག་གིས་བརྗོད་དོན་གཙོ་བོའི་སློབ་གསོར་སྐུལ་འདེད་གཏིང་ཟབ་བཏང་བ།

ཀྲུང་གོ་བོད་ཀྱི་དྲ་བའི་འཕྲིན། “ཐོག་མའི་བསམ་འདུན་མ་བརྗེད་པར་འགན་འཁྲི་བློ་ལ་བརྟན་པོར་འཆང་བའི”བརྗོད་དོན་གཙོ་བོའི་སློབ་གསོ་ཕྱོགས་ཡོངས་ནས་སྤེལ་ཚུན། བོད་ལྗོངས་ཀྱི་ས་ཁུལ་ཁག་དང་སྡེ་ཚན་ཁག་གིས་སྒྲིག་འཛུགས་ཞིབ་ཚགས་དང་གོ་རིམ་ལྡན་པའི་ངང་སྐུལ་འདེད་གཏོང་བ་དང་། གནད་དོན་ལ་ཐད་ཀར་གཏུགས་པ་དང་གྲི་དངོ་ནང་ལ་གཏད་པ། སྤྱི་ཡོངས་ལ་དམིགས་ཏེ་ལས་འགན་གཙོ་བོ་དོན་འཁྱོལ་བྱེད་པ་དང་མང་ཚོགས་ཀྱི་སེམས་ནད་ཡག་པོ་སེལ་རྒྱུར་ཤུགས་རྒྱག་པ། དོན་དངོས་དང་བསྟུན་ནས་ཆེད་དོན་བཅོས་སྒྲིག་གི་ལས་ཀའི་ཇུས་གཞི་བཟོ་བ་བཅས་བྱས་ནས་དངོས་དངོས་རྗེན་རྗེན་གྱི་དག་ཐེར་གྲུབ་འབྲས་ཐོག་ནས་མི་སེམས་ཐོབ་པ་བྱས་ཡོད།

ཚེས9ཉིན་ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་རང་སྐྱོང་ལྗོངས་ཀྱི་ཀྲུའུ་ཞི་ཆེ་དགྲ་ལྷས་རང་སྐྱོང་ལྗོངས་མི་དམངས་སྲིད་གཞུང་ཏང་ཙུའུ་ཡི“ཐོག་མའི་བསམ་འདུན་མ་བརྗེད་པར་འགན་འཁྲི་བློ་ལ་བརྟན་པོར་འཆང་བའི”བརྗོད་དོན་གཙོ་བོའི་སློབ་གསོའི་བརྟག་ཞིབ་གྲུབ་འབྲས་ཀྱི་སྤེལ་རེས་ཚོགས་འདུ་གཙོ་སྐྱོང་གནང་ཞིང་། ཚོགས་འདུའི་ཐོག་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱ་རྒྱུ་མཐའ་འཁྱོངས་ཀྱིས་བརྟག་ཞིབ་གྲུབ་འབྲས་ལ་སྤེལ་རེས་བྱས་པ་དང་འབྲེལ་བརྟག་ཞིབ་ཁྲོད་ལྷག་པའི་གནད་དོན་དང་དེ་བཞིན་མིག་སྔའི་གཙོ་གནད་ལས་དོན་ལ་བསྐྱར་དུ་བཀོད་སྒྲིག་ཀྱང་བྱས་ཡོད། ད་དུང་དངོས་བཤེར་དངོས་བཅོས་ཀྱི་གྲུབ་འབྲས་ཐོག་ནས་ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ཐབས་ཇུས་བཀོད་སྒྲིག་གལ་ཆེན་དོན་འཁྱོལ་དང་ལྗོངས་ཏང་ཨུད་ཀྱི་ལས་ཀའི་བཀོད་སྒྲིག་དོན་འཁྱོལ་ལ་ནུས་ཤུགས་ཡོད་རྒུས་སྐུལ་འདེད་གཏོང་བ་དང་དངོས་བཤེར་དངོས་བཅོས་ཀྱི་གྲུབ་འབྲས་ཐོག་ནས་དམངས་ཀྱི་ཡིད་ཆེས་ཐོབ་པ་བྱས་ཏེ་བརྗོད་དོན་གཙོ་བོའི་སློབ་གསོ་གཏིང་ཟབ་ཀྱི་ཕྱོགས་སུ་སྤེལ་རྒྱུར་སྐུལ་འདེད་བཏང་ཡོད། ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ་ཀྲོང་ཡན་དང་། ལྗོངས་ཏང་ཨུད་ཀྱི་རྒྱུན་ཨུ་རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ་ནོར་བུ་དོན་གྲུབ་དང་ཅང་ཅེ། རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་རྡོ་རྗེ་ཚེ་གྲུབ་དང་། རྒྱལ་མཚན། དབང་ཧའེ་ཀྲོའུ། ཧྲེ་མོའུ་ཅུན། ཀྲང་ཡུང་ཙེ། ཀྲང་ཡན་ཆིང་། ལུའོ་མེ། མོང་ཞའོ་ལིན། འཇམ་དཔལ་བཅས་ཀྱིས་སྤེལ་རེས་གཏམ་བཤད་གནང་བ་རེད། ལྗོངས་ཏང་ཨུད་ཀྱི“ཐོག་མའི་བསམ་འདུན་མ་བརྗེད་པར་འགན་འཁྲི་བློ་ལ་བརྟན་པོར་འཆང་བའི”བརྗོད་དོན་གཙོ་བོའི་སློབ་གསོ་འགོ་ཁྲིད་ཚོགས་ཆུང་གཞུང་དོན་ཁང་གི་འབྲེལ་ཡོད་འགན་འཁུར་བློ་མཐུན་ཚོས་ཚོགས་འདུ་འཚོག་ཡུལ་དུ་ཕེབས་ནས་མཛུབ་ཁྲིད་གནང་བ་རེད།

“ཐོག་མའི་བསམ་འདུན་མ་བརྗེད་པར་འགན་འཁྲི་བློ་ལ་བརྟན་པོར་འཆང་བའི”བརྗོད་དོན་གཙོ་བོའི་སློབ་གསོ་སྤེལ་ཚུན། ཏང་ཀྲུང་དབྱང་གི་གཅིག་གྱུར་བཀོད་སྒྲིག་དང་ལྗོངས་ཏང་ཨུད་ཀྱི་ལས་ཀའི་བཀོད་སྒྲིག་གཞིར་བཟུང་། རང་སྐྱོང་ལྗོངས་སྲིད་གཞུང་གི་ཏང་ཙུའི་ཁོངས་མིས“མི་བྱེད་པ་བཞི་དང་ཐད་ཀར་གཉིས”སོགས་ཀྱི་བྱེད་ཐབས་སྤྱད་དེ་ལྗོངས་ཡོངས་ཀྱི་སྒྱུར་འཕེལ་བརྟན་གསུམ་དང་ཏང་འཛུགས་སྐྱོང་གི་གཙོ་གནད་ལས་འགན་ལ་དམིགས་པ་དང་། གཞི་རིམ་གྱི་འཐབ་ཕྱོགས་དང་པོ་དང་ལས་བགོས་དོ་དམ་ཁོངས་གཏོགས་སུ་བརྟག་དཔྱད་ཞིབ་འཇུག་བྱེད་པར་བསྐྱོད་པས། མཐོང་ཐོས་མྱོང་སྒྲུབ་ཀྱི་དཔྱད་གཞི་འབོར་ཆེན་ཁོང་དུ་ཆུད་པ་དང་སྤུས་ཚད་མཐོ་བའི་བརྟག་ཞིབ་སྙན་ཞུ་ཁག་གཅིག་གྲུབ་ཡོད་པ་རེད། སྤེལ་རེས་ཚོཌ་འདུའི་ཐོག ཚང་མས་རང་ངོས་ཀྱི་ལས་ཀ་དང་བརྟག་ཞིབ་ཀྱི་བརྗོད་གཞི་ཟུང་འབྲེལ་གྱིས་རང་སོ་སོའི་འགན་འཁྲི་དང་ལས་དོན་དཔེར་དྲངས་ནས་འགན་ཟླའི་གནད་དོན་ལ་མི་གཡོལ་བ་དང་འགག་རྩར་དབྱེ་ཞིབ་བྱས་ཏེ་དམིཌ་སའི་རང་བཞིན་དང་བཀོལ་སྤྱོད་ཆོག་པའི་ཁ་གཏད་གཅོག་ཐབས་རབ་དང་རིམ་པ་བཏོན་པ་རེད།

ཟླ8ཚེས10ཉིན། རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་རྩ་འཛུགས་པུའི་པུའུ་ཀྲང་ཁྲེན་ཡུང་ཆིས། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོཌ་རིང་ལུཌ་ཀྱི་དགོངས་པ་དང་ཏང་འཛུཌ་སྐྱོང་སྐོར་གྱི་སྤྱི་ཁྱབ་ཧྲུའུ་ཅིའི་རྣམ་བཤད་གལ་ཆེན་སློབ་སྦྱོང་དང་ལག་བསྟར་བྱས་པའི་རང་ཉིད་མྱོང་བ་དང་ཟུང་འབྲེལ་དང་སློབ་སྦྱོང་དང་བརྟག་ཞིབ་ཀྱི་རྨང་གཞིའི་ཐོག་བསམ་བློ་དང་ལས་ཀའི་དོན་དངོས་དང་འབྲེལ་བ་བྱས་ཏེ“གསལ་པོར་བརྗོད་དགོས་པ་བཞིའི”བླང་བྱ་གཞིར་བཟུང་། བརྙན་ལམ་ཚོགས་འདུའི་རྣམ་པའི་ཐོག་ནས་ལྗོངས་ཡོངས་ཀྱི་རྩ་འཛུགས་ཁོངས་གཏོགས་ཀྱི་ཏང་ཡོན་ལས་བྱེད་པར་ཆེད་དོན་ཏང་གི་སློབ་ཚན་ཁྲིད་པ་རེད།

ཉིན་ཤས་གོང་། ལྗོངས་མི་སྤྱི་ཐིང་ཏང་ཙུའུ་ཡིས་བརྗོད་དོན་གཙོ་བོའི་སློབ་གསོ་གོ་སྐབས་སུ་བྱས་ཏེ་བརྟག་ཞིབ་འཆར་གཞི་འཐུས་སྒོ་ཚང་དུ་བཏང་བ་དང་ཐིང་གི་ཚན་ཁག་ཁོངས་མིས་རུ་སྣེ་ཁྲིད་དེ་གཞི་རིམ་དུ་བརྟག་ཞིབ་བྱེད་པར་བསྐྱོད་ནས་མང་ཚོགས་ཀྱི་སེམས་ཁྲལ་ཕྱོགས་ཡོངས་ནས་ཤེས་རྟོགས་དང་ཁོང་དུ་ཆུད་པར་བྱས་པ་རེད།

ཉེ་ཆར། གསར་འགོད་པས་ལྗོངས་ཚོང་དོན་ཐིང་ནས་ཤེས་རྟོགས་བྱས་པར། “ཐོག་མའི་བསམ་འདུན་མ་བརྗེད་པར་འགན་འཁྲི་བློ་ལ་བརྟན་པོར་འཆང་བའི”བརྗོད་དོན་གཙོ་བོའི་སློབ་གསོ་སྤེལ་ཚུན། ཐིང་དེའི་ཏང་ཙུའུ་ཡིས་བཀོད་སྒྲིག་མཐའ་དག“ཐོག་མའི་བསམ་འདུན”ལ་གཞིགས་ནས་འཆར་འགོད་དང་ལས་དོན་མཐའ་དག“འགན་འཁྲིར”གཞིགས་ནས་ཞབས་འདེགས་ཞུ་རྒྱུ་མཐའ་འཁྱོངས་བྱས་ཏེ་ལྷ་རྩེ་རྫོང་སྔོན་མོ་གྲོང་ཚོ་དང་བྱང་ཀོང་གྲོང་ཚོའི་བཅའ་སྡོད་བྱ་ཡུལ་དུ་བསྐྱོད་ནས་རོགས་སྐྱོར་མང་ཚོགས་དང་འབྲེལ་གཏུག་བྱེད་པའི་ལག་ལེན་བྱེད་སྒོ་སྤེལ་བ་རེད།

ཉིན་ཤས་བསྟུད་མར། ལྷོ་ཁ་གྲོང་ཁྱེར་གྱི་རྒྱ་ཆེའི་ཏང་ཡོན་ལས་བྱེད་པས་དོན་དངོས་དང་ཟུང་འབྲེལ་བྱས་ཏེ་སློབ་སྦྱོང་སྤེལ་རེས་དང་སྔོན་ཐོན་དཔེ་མཚོན་ལ་ཞིབ་བསྡུར་བྱེད་པའི་ཁྲོད་གནད་དོན་ཤེས་རྟོགས་དང་ཧེ་བག་བཙལ་བ་མ་ཟད། ད་དུང་སློབ་སྦྱོང་བྱེད་ཞོར་དུ་ཞིབ་བཤེར་དང་དག་ཐེར་བྱས་པ་དང་གནད་དོན་ཤེས་རྟོགས་ཐུབ་ཚད་འཕྲལ་མར་དག་ཐེར་དང་དངོས་འབྲེལ་དག་ཐེར་བྱས་ནས་ལས་དོན་ལ་སྐུལ་འདེད་བཏང་བ་རེད།

ཉེ་ཆར། ལྗོངས་རླུང་འཕྲིན་བརྙན་འཕྲིན་ཅུས་ཀྱི་ཏང་ཙུའི་ཁོངས་མིས་རྫོང་དང་ཁྲུའུ་རིམ་པའི་ཏང་ཡོན་ལས་བྱེད་པ་ལྷ་ས་དང་། གཞིས་རྩེ། ཉིང་ཁྲི། ནག་ཆུ་བཅས་ཀྱི་གཞི་རིམ་ཚན་པར་བརྟག་ཞིབ་བྱེད་པར་ཁྲིད་དེ། མཐོང་ཐོས་མྱོང་སྒྲུབ་ཀྱི་དཔྱད་གཞི་ཁོང་དུ་ཆུད་པ་དང་གཞི་རིམ་ལ་དངོས་ཡོད་ཀྱི་གནད་དོན་ཐག་གཅོད་བྱེད་རོགས་བྱས་པ་རེད། །

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།