སྟོད་ལུང་བདེ་ཆེན་རྫོང་གིས་བོད་ནས་ཀྱི་ཐོན་ཁུངས་བེད་སྤྱོད་གང་ལེགས་བྱས་ནས་ས་གཙང་འབྱུང་འཕྲོད་ཐོན་ལས་གོང་འཕེལ་བཏང་པ།

ཀྲུང་གོ་བོད་ཀྱི་དྲ་བའི་འཕྲིན།ཉེ་བའི་ལོའི་ནང་སྟོད་ལུང་བདེ་ཆེན་རྫོང་གིས། བོད་ཀྱི་ཐུན་མོང་མ་ཡིན་པའི་ནས་ཀྱི་ཐོན་ཁུངས་བེད་སྤྱོད་གང་ལེགས་བྱེད་པ་དང་། ཤིའི་ཧྭ་སློབ་ཆེན་གྱི་ཚན་རིག་ཞིབ་འཇུག་གི་ལེགས་ཆར་བརྟེན་ཏེ། ནས་ཀྱི་ཐོན་རྫས་དེ་ཚན་རྩལ་གྲུབ་འབྲས་ཀྱི་འབྲས་བུར་འགྱུར་རྒྱུའི་ཐད་ཁྲིད་སྟོན་བྱས་ཐོག་ས་གཙང་འབྱུང་འཕྲོད་ཐོན་ལས་གོང་འཕེལ་ཤུགས་ཆེ་བཏང་བ་རེད།

ཉེ་དུས་ཚོགས་པའི་སྟོད་ལུང་བདེ་ཆེན་རྫོང་གི་སྔོ་ལྗང་ནས་ཞིང་ཞེས་པའི་མུ་འབྲེལ་ཐོན་རྫས་ཀྱི་སྤུས་རྟགས་འགྲེམས་བསྒྲགས་ཚོགས་འདུའི་ཐོག སྟོད་ལུང་བདེ་ཆེན་རྫོང་ཨུད་ཀྱི་ཧྲུའུ་ཅི་གཞོན་པ། སྲིད་གྲོས་ཀྱི་ཀྲུའུ་ཞི་ཀོའོ་ཀྲི་ཧྥུང་གིས་གསར་འགོད་པར། ད་ལོ་སྟོད་ལུང་བདེ་ཆེན་རྫོང་ས་གཙང་འབྱུང་འཕྲོད་ཐོན་ལས་མ་འཇོག་གསར་སྤེལ་ཚད་ཡོད་ཀུང་སིས་སྟོད་ལུང་བདེ་ཆེན་རྫོང་གི་སྤུས་ལེགས་ནས་འདེབས་ཁུལ་དམར་ཤང་དང་བདེ་ཆེན་ཤང་གི་ཞིང་དུད་300ལྷག་ཙམ་དང་ནས་ཉོ་སྒྲུབ་ཀྱི་གན་རྒྱ་བཞག་པ་མ་ཟད། ཁྲོམ་རའི་རིན་གོང་ལས་བརྒྱ་ཆ་10ཡིས་མཐོ་བའི་ཐོག་ནས། ནས་རྒྱ་མ་ཁྲི་ཚོ་10ལྷག་ཙམ་ཉོ་སྒྲུབ་བྱས་པ་རེད། སྔོན་དཔག་བྱས་ན་དུས་སང་ཞིང་པའི་ས་ནས་ནས་ཉོ་སྒྲུབ་བྱེད་ཚད་རྒྱ་མ་ཁྲི་ཚོ་30ལས་བརྒལ་བཟོ་ཡོད་པ་དང་དུས་མཚུངས་ཉོ་སྒྲུབ་བྱེད་སའི་ཞིང་དུད་མང་དུ་གཏོང་རྒྱུ་རེད་ཅེས་གསུངས་པ་རེད།

གནད་འཕིགས་དབུལ་སྐྱོར་དང་གནད་འཕིགས་དབུལ་སྒྲོལ་གྱི་དགོངས་དོན་ལ་གཞིགས་ནས། སྔོ་ལྗང་ནས་ཞིང་ཞེས་པའི་མུ་འབྲེལ་ཐོན་རྫས་གསར་སྤེལ་བྱེད་རྒྱུར་གཞོགས་འདེགས་བྱ་ཆེད། ད་ལོ་སྟོད་ལུང་བདེ་ཆེན་རྫོང་གིས་རིན་གོང་ཁེ་བའི་ནས་ཀྱི་ཐོན་ཁུངས་དེ་ལྗང་མདོག་ཁམས་བདེའི་ཟུར་སྣོན་རིན་ཐང་མཐོ་བའི་ཐོན་རྫས་སུ་འགྱུར་ཐུབ་པ་བྱས་ཏེ། ནས་འདེབས་ལས་དང་དེང་རབས་བཟའ་བཅའི་བཟོ་ལས་ཟུང་འབྲེལ་ཡག་པོ་ཡོང་རྒྱུར་སྐུལ་འདེད་གཏོང་རྒྱུ་དང་། བོད་ཀྱི་ནས་ཀྱི་ཐོན་ལས་གྲུབ་ཆ་ལེགས་སྒྲིག་དང་རིམ་སྤོར་ཡོང་རྒྱུར་སྐུལ་འདེད་གཏོང་རྒྱུ་མ་ཟད། ནས་ཀྱི་གོང་ཚད་མཐོ་རུ་བཏང་སྟེ་ཞིང་པའི་དངུལ་སྨར་ཡོང་འབབ་འཕར་སྣོན་ཡོང་བ་དང་ཞིང་པར་ནས་བཏབ་པ་ལས་ཁེ་བཟང་དེ་བས་ཆེ་བ་ཐོབ་པ་བྱེད་རྒྱུ་རེད།

རྩོམ་སྒྲིག་པ། ཀླུ་མོ་མཚོ།
རྩོམ་སྒྲིག་འགན་འཁུར་བ། གཡང་བྷ།

---

འབྲེལ་ཡོད་རྩོམ་ཡིག

རྒྱལ་ཁབ་ཀྱི་རི་མོ་ཆེ་གྲས་མཛེས་པའི་བོད་ལྗོངས་ཞེས་པ་ལྷ་སར་འགྲེམ་སྟོན་བྱས་པ།

ལྷོ་ཁ་ས་ཁུལ་་གྱི་ལས་རིགས་སློབ་གསོ་མགྱོགས་མྱུར་འཕེལ་རྒྱས་བྱུང་བ།

བོད་ལྗོངས་སྤྱི་བདེ་མཐའ་སྲུང་སྐྱིད་རོང་ཞིབ་བཤེར་ས་ཚིགས་ཀྱི་དཔོན་དམག་ཚོས་གེགས་སེལ་མྱུར་སྐྱོབ་ལས་དོན་སྤེལ་བ།

ཁྲིམས་སྐྱོང་ལྷ་ས་འཛུགས་སྐྱོང་བྱེད་པའི་ལས་དོན་ལ་གྲུབ་འབྲས་མངོན་གསལ་དོད་པོ་ཐོབ་པ།

བོད་ལྗོངས་འཐུས་མི་ཚོགས་པའི་ཚང་འཛོམས་གྲོས་ཚོགས་སྨྱན་སྦྱོར་ཚོགས་པར་སྒོ་མོ་དབྱེ་བ།

སྐབས་དང་པོའི་བོད་ལྗོངས་ཀྱི་འགྲེམས་ཚོགས་ཚེས་25ཉིན་འགོ་ཚུགས་པ།

དྲ་རྒྱའི་སྨྱན་སྦྱོར་ལྷ་སར་བསྐྱོད་ཅེས་པའི་གསར་འགྱུར་བཅར་འདྲིའི་བྱེད་སྒོ་འགོ་ཚུགས་པ།

བོད་ཀྱི་སྲོལ་རྒྱུན་རོལ་མོའི་རིག་གནས།