ཀྲུང་གོ་བོད་ཀྱི་དྲ་བའི་འཕྲིན།གསར་འགོད་པས་སྤྱི་ཟླ་12པའི་ཚེས་23ཉིན་སི་ཁྲོན་དཀར་མཛེས་གེ་སར་གནམ་གྲུ་ཐང་ཚད་ཡོད་འགན་འཁྲི་སྤྱི་གཉེར་ཁང་ལས་ཤེས་རྟོགས་བྱུང་བ་ལྟར་ན། དཀར་མཛེས་ཀྱི་གནམ་གྲུ་ཐང་འཛུགས་སྐྲུན་གྱི་ལས་གཞིར་སྤྱི་ཟླ་12པའི་ཚེས་15ཉིན་རྒྱལ་སྲིད་སྤྱི་ཁྱབ་ཁང་དང་ཀྲུང་དབྱང་དམག་དོན་ཨུ་ཡོན་ལྷན་ཁང་གིས་དངོས་སུ་ཆོག་མཆན་གནང་ཡོད་ཅིང་། གནམ་གྲུ་ཐང་ལེགས་འགྲུབ་བྱུང་རྗེས་ཁྲེན་ཏུའུ་ནས་དཀར་མཛེས་རྫོང་བར་ཆུ་ཚོད་གཅིག་གིས་སླེབ་ཐུབ།

དཀར་མཛེས་ཀྱི་གནམ་གྲུ་ཐང་ལ་འགྲོ་བའི་གཞུང་ལམ་2014ལོའི་སྤྱི་ཟླ་1པོའི་ཚེས་29ཉིན་འཛུགས་སྐྲུན་བྱེད་མགོ་ཚུགས་པ་དང་། མིག་སྔར་ལམ་གཞིའི་ཨར་ལས་ཀྱི་ལས་ཀ་ལེགས་གྲུབ་ཟིན་ཡོད་ལ། ར་བ་ཕྱི་རོལ་གྱི་གློག་མཁོ་སྤྲོད་ལས་གཞིའི་སྒྲིག་སྦྱོར་ལེགས་འགྲུབ་བྱུང་སྟེ་སྙན་ཞུ་ཡར་སྤྲོད་བྱས། ས་རྡོ་དང་རྩིག་རྨང་གི་ཐག་གཅོད་ཚོད་ལྟའི་དུས་མཚམས་ཇུས་གཞིར་སྤྱི་ཟླ་11པའི་ནང་ཞིབ་དཔྱད་གྲོས་འཆམ་བྱུང་། འཆར་གཞི་ལྟར་ན་ད་ལོའི་སྤྱི་ཟླ་12པའི་མཇུག་ཏུ་འཛུགས་སྐྲུན་གྱི་འགོ་འཛུགས་རྒྱུ་རེད།

ད་སྔ། དཀར་མཛེས་ཁུལ་ལ་དར་མདོའི་གནམ་གྲུ་ཐང་དང་འདབ་པ་ཉི་བརྟེན་གནམ་གྲུ་ཐང་གཉིས་ཡོད་ཅིང་། དཀར་མཛེས་གནམ་གྲུ་ཐང་བསྐྲུན་རྗེས། ཁུལ་དེར་དམངས་སྤྱོད་གནམ་གྲུ་ཐང་གསུམ་ཡོད་པར་འགྱུར་རྒྱུ་རེད། །

རྩོམ་སྒྲིག་པ། ཀླུ་མོ་མཚོ།
རྩོམ་སྒྲིག་འགན་འཁུར་བ། གཡང་བྷ།


འབྲེལ་ཡོད་རྩོམ་ཡིག

རྒྱལ་ཁབ་ཀྱི་རི་མོ་ཆེ་གྲས་མཛེས་པའི་བོད་ལྗོངས་ཞེས་པ་ལྷ་སར་འགྲེམ་སྟོན་བྱས་པ།

ལྷོ་ཁ་ས་ཁུལ་་གྱི་ལས་རིགས་སློབ་གསོ་མགྱོགས་མྱུར་འཕེལ་རྒྱས་བྱུང་བ།

བོད་ལྗོངས་སྤྱི་བདེ་མཐའ་སྲུང་སྐྱིད་རོང་ཞིབ་བཤེར་ས་ཚིགས་ཀྱི་དཔོན་དམག་ཚོས་གེགས་སེལ་མྱུར་སྐྱོབ་ལས་དོན་སྤེལ་བ།

ཁྲིམས་སྐྱོང་ལྷ་ས་འཛུགས་སྐྱོང་བྱེད་པའི་ལས་དོན་ལ་གྲུབ་འབྲས་མངོན་གསལ་དོད་པོ་ཐོབ་པ།

བོད་ལྗོངས་འཐུས་མི་ཚོགས་པའི་ཚང་འཛོམས་གྲོས་ཚོགས་སྨྱན་སྦྱོར་ཚོགས་པར་སྒོ་མོ་དབྱེ་བ།

སྐབས་དང་པོའི་བོད་ལྗོངས་ཀྱི་འགྲེམས་ཚོགས་ཚེས་25ཉིན་འགོ་ཚུགས་པ།

དྲ་རྒྱའི་སྨྱན་སྦྱོར་ལྷ་སར་བསྐྱོད་ཅེས་པའི་གསར་འགྱུར་བཅར་འདྲིའི་བྱེད་སྒོ་འགོ་ཚུགས་པ།

བོད་ཀྱི་སྲོལ་རྒྱུན་རོལ་མོའི་རིག་གནས།