གོ་ལ་ཧྲིལ་པོའི་གནམ་གཤིས་དྲོ་རུ་ཕྱིན་པའི་རྐྱེན་གྱིས་ཇོ་མོ་གླང་མའི་འཁྱགས་རོམ་གྱི་རྒྱ་ཁྱོན་ཆུང་དུ་ཕྱིན་པ།

ཀྲུང་གོ་བོད་ཀྱི་དྲ་བའི་འཕྲིན། ཀྲུང་གོ་ཚན་རིག་ཁང་གྲང་ངར་ཁུལ་དང་ཐན་པའི་ཁུལ་གྱི་ཁོར་ཡུག་དང་ལས་གཞི་ཞིབ་འཇུག་ཁང་དང་མཚོ་བོད་ས་མཐོའི་ཞིབ་འཇུག་ཁང་། ཧུའུ་ནན་ཚན་རྩལ་སློབ་ཆེན། ཇོ་མོ་གླང་མའི་གསའ་གཟིགས་སྲུང་སྐྱོབ་ལྟེ་གནས་བཅས་ཀྱིས་ཉེ་དུས་མཉམ་འབྲེལ་ཐོག་འགྲེམ་སྤེལ་བྱས་པའི་ཇོ་མོ་གླང་མའི་ཁུལ་གྱི་གནམ་གཤིས་ཁོར་ཡུག་འགྱུར་ལྡོག་དཔྱད་དཔོགས་ཞེས་པའི་ནང་མངོན་པར་གཞིགས་ན། གོ་ལ་ཧྲིལ་པོའི་གནམ་གཤིས་དྲོ་རུ་ཕྱིན་པའི་རྐྱེན་གྱིས་དུས་རབས་གོང་མའི་ལོ་རབས་བདུན་ཅུ་པ་ནས་ད་བར་རང་རྒྱལ་གྱི་ཇོ་མོ་གླང་མའི་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་གྱི་འཁྱགས་རོམ་རྒྱ་ཁྱོན28%ཆུང་དུ་ཕྱིན་ཡོད།

རང་རྒྱལ་གྱི་ཇོ་མོ་གླང་མའི་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་དུ་དེང་སྐབས་འཁྱགས་རོམ་ཁུལ1476ཡོད་པར་རྒྱ་ཁྱོན་སྤྱི་ལེ་ངོས་སྙོམས་གྲུ་བཞི་མ2030ཡོད། ཉེ་བའི་ལོའི་རིང་གནམ་གཤིས་དྲོ་རུ་ཕྱིན་པ་དེ་གོ་ལ་ཧྲིལ་པོའི་རང་བཞིན་གྱི་གནད་དོན་ཞིག་ལ་འགྱུར་ཡོད་པ་དང་། མཚོ་བོད་ས་མཐོ་དེ་གོ་ལ་ཧྲིལ་པོའི་འཕྲེད་ཐིག་བར་མའི་ས་ཁོངས་ནང་ནས་ས་བབ་མཐོ་ཤོས་ཀྱི་ས་ཆ་ཤིག་ཡིན་པའི་ངོས་ནས་གོ་ལ་ཧྲིལ་པོའི་གནམ་གཤིས་དྲོ་རུ་ཕྱིན་པའི་ཤུགས་རྐྱེན་ཐེབས་ཚད་མངོན་གསལ་དོད་པོ་ཡོད་པ་དང་། དེའི་ནང་ནས་ཇོ་མོ་གླང་མའི་ཁུལ་དུ་མངོན་གསལ་དེ་བས་ཆེ་བ་ཡོད།  །

རྩོམ་སྒྲིག་པ། མཁའ་མཚོ།
རྩོམ་སྒྲིག་འགན་འཁུར་བ། གཡང་བྷ།

---

འབྲེལ་ཡོད་རྩོམ་ཡིག

རྒྱལ་ཁབ་ཀྱི་རི་མོ་ཆེ་གྲས་མཛེས་པའི་བོད་ལྗོངས་ཞེས་པ་ལྷ་སར་འགྲེམ་སྟོན་བྱས་པ།

ལྷོ་ཁ་ས་ཁུལ་་གྱི་ལས་རིགས་སློབ་གསོ་མགྱོགས་མྱུར་འཕེལ་རྒྱས་བྱུང་བ།

བོད་ལྗོངས་སྤྱི་བདེ་མཐའ་སྲུང་སྐྱིད་རོང་ཞིབ་བཤེར་ས་ཚིགས་ཀྱི་དཔོན་དམག་ཚོས་གེགས་སེལ་མྱུར་སྐྱོབ་ལས་དོན་སྤེལ་བ།

ཁྲིམས་སྐྱོང་ལྷ་ས་འཛུགས་སྐྱོང་བྱེད་པའི་ལས་དོན་ལ་གྲུབ་འབྲས་མངོན་གསལ་དོད་པོ་ཐོབ་པ།

བོད་ལྗོངས་འཐུས་མི་ཚོགས་པའི་ཚང་འཛོམས་གྲོས་ཚོགས་སྨྱན་སྦྱོར་ཚོགས་པར་སྒོ་མོ་དབྱེ་བ།

སྐབས་དང་པོའི་བོད་ལྗོངས་ཀྱི་འགྲེམས་ཚོགས་ཚེས་25ཉིན་འགོ་ཚུགས་པ།

དྲ་རྒྱའི་སྨྱན་སྦྱོར་ལྷ་སར་བསྐྱོད་ཅེས་པའི་གསར་འགྱུར་བཅར་འདྲིའི་བྱེད་སྒོ་འགོ་ཚུགས་པ།

བོད་ཀྱི་སྲོལ་རྒྱུན་རོལ་མོའི་རིག་གནས།