ཀྲུང་གོའི་བོད་ཀྱི་དྲ་བའི་འཕྲིན། “ཉེ་བའི་ལོ་ཤས་རིང་། བོད་བྱའི་ཤ་ལ་རྒྱ་ཆེའི་འཛད་སྤྱོད་པའི་ཁས་ལེན་ཐོབ་པར་བརྟེན་བོད་བྱའི་ཐོན་རྫས་ཀྱི་རིན་ཐང་འཕར་བཞིན་ཡོད”ཅེས་སྤེན་འཛོམས་ཀྱིས་བཤད།

ལྷ་ས་གྲོང་ཁྱེར་ཆུ་ཤུར་རྫོང་གནམ་ཤང་གནམ་གྲོང་ཚོའི་ཧྲུའུ་ཅི་དང་པོ་ཡིན་པའི་སྤེན་འཛོམས་ཀྱི་སྐད་ཆ་ལས་ས་གནས་དེ་གའི་མང་ཚོགས་ལ་སེམས་ཁུར་བྱེད་ལུགས་ལེགས་པར་མཚོན་ཡོད།

གནམ་གྲོང་ཚོའི་ངོས་ནས་བརྗོད་ན། བོད་བྱ་གསོ་ཚགས་བྱ་རྒྱུ་ནི“སྲོལ་རྒྱུན་གྱི་རྣམ་གྲངས”ཤིག་རེད་ཅེས་བརྗོད་ཆོག སྤེན་འཛོམས་ཀྱིས“དེ་སྔོན་བོད་བྱ་གསོ་ཚགས་ར་བ་ཕུད་བོད་བྱ་གསོ་ཚགས་བྱེད་མཁན་དུད་ཚང་གིས་གྲོང་ཚོ་ཡོངས་ཀྱི་15%བཟུང་ཁར། བོད་བྱ་དང་བོད་སྒོང་གི་རིན་གོང་རྒྱུན་ཆད་མེད་པར་འཕར་བས་ཉེ་བའི་ལོ་ཤས་རིང་། ཞིང་དུད་མང་པོ་ཞིག་རིམ་བཞིན་ཐོན་ལས་དེའི་ནང་ཞུགས་ཡོད། ཞིང་དུད་སྔར་བས་མང་བ་ཞིག་བོད་བྱ་གསོ་ཚགས་ལས་ཕྱུག་འགྱུར་ཡོང་བར་ལྕག་སྐུལ་དང་སྣེ་ཁྲིད་བྱ་ཕྱིར། ང་ཚོས་ལོ་ལྟར་བྱ་ཕྲུག་ནང་འདྲེན་བྱས་ནས་ས་གནས་དེ་གའི་དུད་ཚང་རེར་བྱ་ཕྲུག་10ནས་50བར་བགོས་ཀྱི་ཡོད”ཅེས་ཤོད་ཀྱི་འདུག

ཕྱིར་ཚོང་གི་གནད་དོན་སྐོར་གླེང་སྐབས་སྤེན་འཛོམས་ཀྱིས། མང་ཚོགས་ཀྱི་ཁེ་ཕན་སྔར་བས་འགན་ལེན་བྱ་ཕྱིར་དུད་ཚང་གིས་གསོ་ཚགས་བྱས་པའི་བོད་བྱ་དང་བོད་སྒོང་མང་ཆེ་བ་གསོ་ཚགས་རྟེན་གཞིས་གཅིག་གྱུར་ཐོག་ཉོ་སྒྲུབ་དང་ཕྱིར་ཚོང་བྱེད་ཀྱི་ཡོད། དེའི་ཁེ་བཟང་ཚང་མ་གྲོང་མིར་ཕྱིར་སློག་བྱེད་ཀྱི་ཡོད་པ་དེ་ནི་བོད་བྱ་དེ་དག་ལ་འབྲུ་རིགས་སྟེར་ནས་གསོས་པ་མ་ཟད་བོད་བྱའི་ཐོན་རྫས་དེ་དག་ཁྲོམ་རར་བྲིན་ཁ་རྒྱུག་པོ་ཡོད་པས་རེད་ཅེས་ཤོད་ཀྱི་འདུག

འོ་ན། གནམ་གྲོང་ཚོས་བོད་བྱ་གསོ་ཚགས་བྱེད་པར་ལེགས་ཆ་གང་ཡོད་དམ། གནད་དོན་དེའི་སྐོར་གླེང་སྐབས་སྤེན་འཛོམས་ཀྱིས་ཡིད་ཆེས་ཀྱིས་ཁེངས་བཞིན་དུ་སྤུས་ཚད་ཡག་པའི་བོད་བྱ་གསོ་ཚགས་བྱེད་པར་ཁ་ཐོར་གསོ་ཚགས་ཀྱི་ཁོར་ཡུག་ཧ་ཅང་ཡག་པོ་དགོས་ཀྱི་ཡོད་ཅེས་བཤད། ཆུ་ཤུར་རྫོང་ཁོངས་ལ་ཆུ་བོ་ཆེ་ཆུང་མང་བས་ཆུའི་ཐོན་ཁུངས་ཕུན་སུམ་ཚོགས་པོ་ཡོད་པ་དང་། གཞན་ཡང་ཆུ་ཤུར་རྫོང་ལ་ནགས་སའི་ཐོན་ཁུངས་ཀྱང་ཧ་ཅང་ཕུན་སུམ་ཚོགས་པོ་ཡོད་པ་དེ་ཆུ་ཤུར་རྫོང་ལ་བཅར་འདྲིར་སྐྱོད་རིང་སྨྱུག་འཛིན་པར་མྱོང་ཚོར་ཟབ་མོ་བྱུང་། ཆུ་ཤུར་རྫོང་གི་ཐུན་མོང་མ་ཡིན་པའི་རང་བྱུང་ཁོར་ཡུག་གི་ལེགས་ཆ་དེར་བརྟེན་ནས་2013ལོར་ཆུ་ཤུར་རྫོང་གི་འབྲེལ་ཡོད་སྡེ་ཚན་གྱི་རོགས་རམ་འོག་གཞི་ཁྱོན་མུའུ་36ཟིན་པའི་གྲོང་ཚོའི་མཉམ་སྡེབ་ཀྱི་ནགས་འཕྲོད་བོད་བྱའི་གསོ་ཚགས་དཔེ་སྟོན་རྣམ་གྲངས་ལག་ལེན་བསྟར་ནས་བྱ་ཚང9བརྒྱབ་པ་རེད། 2014ལོར་དཔེ་སྟོན་རྟེན་གཞིས་གཞི་ཁྱོན་མུ་མཐུད་ཆེ་རུ་བཏང་ནས་སྔར་ཡོད་ཀྱི་རྨང་གཞིའི་ཐོག་བྱ་ཚང་གསར་པ་བརྒྱབ་པ་དང་། བྱ་ཕྲུག་ནང་འདྲེན་བྱེད་པ། ར་སྐོར་རིང་ཚད་སྨི་3600བསྐོར་བ་བཅས་བྱས་པ་མ་ཟད་བོད་བྱ་4000ལྷག་ཙམ་གསོ་ཚགས་བྱས་པ་རེད།  ། 

རྩོམ་སྒྲིག་པ། ཚེ་རྒྱ།
རྩོམ་སྒྲིག་འགན་འཁུར་བ། དབྱང་བྷ།


འབྲེལ་ཡོད་རྩོམ་ཡིག

ལྷོ་ཁ་ས་ཁུལ་་གྱི་ལས་རིགས་སློབ་གསོ་མགྱོགས་མྱུར་འཕེལ་རྒྱས་བྱུང་བ།

བོད་ལྗོངས་སྤྱི་བདེ་མཐའ་སྲུང་སྐྱིད་རོང་ཞིབ་བཤེར་ས་ཚིགས་ཀྱི་དཔོན་དམག་ཚོས་གེགས་སེལ་མྱུར་སྐྱོབ་ལས་དོན་སྤེལ་བ།

ཁྲིམས་སྐྱོང་ལྷ་ས་འཛུགས་སྐྱོང་བྱེད་པའི་ལས་དོན་ལ་གྲུབ་འབྲས་མངོན་གསལ་དོད་པོ་ཐོབ་པ།

བོད་ལྗོངས་འཐུས་མི་ཚོགས་པའི་ཚང་འཛོམས་གྲོས་ཚོགས་སྨྱན་སྦྱོར་ཚོགས་པར་སྒོ་མོ་དབྱེ་བ།

སྐབས་དང་པོའི་བོད་ལྗོངས་ཀྱི་འགྲེམས་ཚོགས་ཚེས་25ཉིན་འགོ་ཚུགས་པ།

དྲ་རྒྱའི་སྨྱན་སྦྱོར་ལྷ་སར་བསྐྱོད་ཅེས་པའི་གསར་འགྱུར་བཅར་འདྲིའི་བྱེད་སྒོ་འགོ་ཚུགས་པ།

བོད་ཀྱི་སྲོལ་རྒྱུན་རོལ་མོའི་རིག་གནས།

བོད་ལྗོངས་ཀྱིས་རྒྱང་རིང་གི་ཤང་གྲོང་ཁག་ཏུ་གཞུང་ལམ་ཇེ་མང་སྐྲུན་རྒྱུ་ཡིན་པ།