མདུན་ཤོག- གསར་འགྱུར།- ཡུལ་གྲུའི་གསར་འགྱུར།- བོད་ལྗོངས།

ལྷ་སའི་གྲོང་མི་དུད་ཚང་ཁྲི་10.5ཙམ་ལ་དྲོད་རླངས་མཁོ་འདོན་བྱས་པ།

  ཡོང་ཁུངས། བོད་ལྗོངས་གསར་འགྱུར་དྲ་བ།  2014-12-28 10:46

འདི་ལོའི་དགུན་ཁ་དེ་བས་དྲོ་སྐྱིད་ལྡན།

ཀྲུང་གོའི་བོད་ཀྱི་དྲ་བའི་འཕྲིན། དེ་སྔ་ལྷ་ས་གྲོང་ཁྱེར་ཁྲེང་ཀོན་ཆུས་བདེ་སྡོད་ཁུལ་ཆུང་ནང་སྡོད་མཁན་ལྷག་པ་ཚེ་རིང་ནང་མི་ཚོས་སྔ་པོ་ནས་རྡོ་སོལ་ཉོས་ཏེ་དགུན་སྒྲོལ་གྱི་གྲ་སྒྲིག་བྱེད་ཀྱི་ཡོད།“དེ་སྔ་ཐབ་བཏང་ནས་དྲོད་སྲུང་སྐབས་ཁང་པའི་ནང་དུ་བས་ཁེངས་པ་མ་ཟད་གང་སར་ནག་རྐྱང་ཆགས་ཀྱི་འདུགདྲོད་རླངས་མཁོ་འདོན་བྱས་རྗེས་ཁང་པའི་ནང་དྲོ་པོ་ཡོད་པ་མ་ཟད།དུ་བ་སོགས་གང་ཡང་མེད་པས་རྒན་རྒོན་དང་བྱིས་པ་ཚོ་དགུན་ཁ་སྐྱིད་པོ་ཞིག་སྐྱེལ་རྒྱུ་འདུག”ཅེས་ལྷག་པ་ཚེ་རིང་གིས་བརྗོད་ཅིང་།འདི་ནི་ལྷག་པ་ཚེ་རིང་གིས་དྲོ་སྐྱིད་ལྡན་པའི་ཁྱིམ་ཚང་ནང་ཚ་བོར་ལྟ་རྟོག་བྱེད་པའི་གནས་ཚུལ་ཡིན་པ།

ཚེས་14ཉིན་གསར་འགོད་པར་ལྷ་ས་གྲོང་ཁྱེར་གྱི་གྲོང་ཁྱེར་དྲོད་རླངས་མཁོ་འདོན་ལས་གྲྭའི་རྣམ་གྲངས་འཛུགས་སྐྲུན་བཀོད་འདོམས་པུའུ་ནས་ཤེས་རྟོགས་བྱུང་བར།མིག་སྔར་གྲོང་ཁྱེར་གྱི་དྲོད་རླངས་མཁོ་འདོན་འཆར་འགོད་ཁུལ་དུ་དྲོད་རླངས་མཁོ་འདོན་ཐུབ་ཚད་98%ཟིན་པ་དང་གྲོང་མི་དུད་ཚང་ཁྲི་10.5ཙམ་ལ་དྲོད་རླངས་མཁོ་འདོན་ཐུབ་ནས་དྲོ་སྐྱིད་ལྡན་པའི་དགུན་ཁ་ཞིག་སྐྱེལ་རྒྱུ་བྱུང་ཡོད་པ་རེད།

ལྷ་ས་གྲོང་ཁྱེར་གྱི་གྲོང་ཁྱེར་དྲོད་རླངས་མཁོ་འདོན་ལས་གྲྭ་ནི་རང་སྐྱོང་ལྗོངས་ཏང་ཨུད་དང་སྲིད་གཞུང་གིས་ལྷ་སའི་མི་དམངས་ཀྱིས་རེ་སྒུག་ཡུན་རིང་བྱས་པར་དམིགས་ཏེ་ཐབས་ཇུས་བཀོད་སྒྲིག་བྱས་པའི་ལས་གྲྭ་ཞིག་ཡིན་པ་དང་ལས་གྲྭར་དོ་ཁུར་བྱེད་ཚད་དེ་འདྲའི་མཐོ་བ་དང་།འབྲེལ་ཡོད་ཁྱབ་རྒྱ་དེ་འདྲའི་ཆེ་བ།ལས་ཡུན་བླང་བྱ་དེ་འདྲའི་ནན་པ།ཨར་ལས་དཀའ་ཚད་དེ་འདྲའི་ཆེ་བ།ལག་རྩལ་ཚད་གཞི་དེ་འདྲའི་ནན་པ་བཅས་ནི་བོད་དང་ཐ་ན་རྒྱལ་ཡོངས་སུ་སྔར་བྱུང་མྱོང་མེད་པ་ཞིག་རེད།ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་དམིགས་བསལ་ཐུགས་ཁུར་འོག་ལས་གྲྭ་དེ་2012ལོའི་ཟླ་བཞི་པར་ལས་འགོ་ཚུགས་ཤིང་།མིག་སྔའི་བར་རང་བྱུང་སོལ་རླངས་ཀྱི་མདོང་དྲ་ཨ་མ་སྤྱི་ལེ་63དང་།རང་བྱུང་སོལ་རླངས་ཀྱི་ཡན་ལག་མདོང་དྲ་སྤྱི་ལེ་256 སྒོ་རའི་མདོང་དྲ་སྤྱི་ལེ་1200ལྷག་ཙམ་བསྐྲུན་ཡོད།གྲོང་ཁྱེར་གྱི་དྲོད་རླངས་མཁོ་འདོན་འཆར་འགོད་ཁུལ་གྱི་དྲོད་རླངས་མཁོ་འདོན་ཐུབ་པའི་གྲོང་མི་དུད་གྲངས་ཁྲི་10.7ཟིན་པ་དང་དྲོ་རླངས་མཁོ་འདོན་ཐུབ་ཚད་98%ཟིན་ཡོད་པ་རེད།2012ལོ་ནས་2014ལོའི་བར་དུ་སྔོན་དཔག་བྱས་ན་མ་དངུལ་སྒོར་དུང་ཕྱུར་92.4གཏོང་རྒྱུ་ཡིན་པ་དང་མ་དངུལ་སྒོར་དུང་ཕྱུར་7ལྷག་རྒྱུ་རེད།

མིག་སྔར་ལྷ་ས་གྲོང་ཁྱེར་གྱི་གྲོང་ཁྱེར་དྲོད་རླངས་མཁོ་འདོན་ལས་གྲྭ་འཛུགས་སྐྲུན་བྱེད་མཇུག་འགྲིལ་ཉེར་ཡོད་པ་རེད།འབྲེལ་ཡོད་ཚན་པས་སླད་ཕྱིན་གཉེར་སྐྱོང་དོ་དམ་བྱེད་སྐབས་བདེ་འཇགས་ངང་རང་བྱུང་སོལ་རླངས་སྤྱོད་རྒྱུའི་འདུ་ཤེས་ཟབ་ཏུ་བཏང་ནས་བསམ་བློའི་ཐོག་ནས་ཁྲིད་སྟོན་བྱ་རྒྱུ་དོན་ཐོག་ཏུ་འཁྱོལ་ཐུབ་པའི་འགན་ལེན་བྱ་རྒྱུ་དང་།བརྒྱུད་རིམ་ལྡན་ལ་ཚད་ལྡན་གྱི་འདུ་ཤེས་ཟབ་ཏུ་བཏང་ནས་གཉེར་སྐྱོང་དོ་དམ་བྱ་རྒྱུ་དོན་ཐོག་ཏུ་འཁྱོལ་ཐུབ་པའི་འགན་ལེན་བྱ་རྒྱུ།དོགས་ཟོན་འཕྲལ་སྡོམ་གྱི་འདུ་ཤེས་ཟབ་ཏུ་བཏང་ནས་དྲོད་རླངས་མཁོ་འདོན་བྱེད་རིང་གི་བདེ་འཇགས་འགན་ལེན་བྱ་རྒྱུ།དམངས་ཆེད་དམངས་ཕན་གྱི་འདུ་ཤེས་ཟབ་ཏུ་བཏང་ནས་སེམས་ཁུར་བྱ་རྒྱུ་དང་ཞབས་འདེགས་ཞུ་རྒྱུ་དོན་ཐོག་ཏུ་འཁྱོལ་ཐུབ་པའི་འགན་ལེན་བྱ་རྒྱུ་བཅས་རེད།  ། 

 

རྩོམ་སྒྲིག་པ། ཚེ་རྒྱ།
རྩོམ་སྒྲིག་འགན་འཁུར་བ། མགོན་པོ།

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག