མདུན་ཤོག- གསར་འགྱུར།- ཡུལ་གྲུའི་གསར་འགྱུར།- བོད་ལྗོངས།

མལ་གྲོ་གུང་དཀར་རྫོང་གིས་སྨན་བཅོས་རོགས་སྐྱོབ་བཅས་ཀྱི་མ་ལག་འཐུས་ཚང་དུ་བཏང་བ།

  ཡོང་ཁུངས། ཀྲུང་གོའི་བོད་ལྗོངས་དྲ་བ།  2014-09-21 10:33

ཀྲུང་གོའི་བོད་ཀྱི་དྲ་བའི་འཕྲིན། ཏང་གི་མང་ཚོགས་ལམ་ཕྱོགས་ལག་ལེན་གཏིང་ཟབ་བསྟར་ནས། རྒྱ་ཆེའི་ཞིང་འབྲོག་མང་ཚོགས་ཀྱི་ན་ཚ་ལྟ་དཀའ་བའི་གནད་དོན་ཐག་གཅོད་བྱེད་ཆེད། བོད་རང་སྐྱོང་ལྗོངས་མལ་གྲོ་གུང་དཀར་རྫོང་གིས་སྨན་བཅོས་རོགས་སྐྱོབ་ཀྱི་གྲངས་ཚད་མཐོ་ཤོས་ཟིན་པ་དང་རོགས་སྐྱོབ་བསྡུར་གྲངས་མཐོ་རུ་གཏོང་བ། སྨན་བཅོས་རོགས་སྐྱོབ་བྱེད་སྟངས་འཐུས་ཚང་བཟོ་བ། ལྟ་སྐུལ་ཞིབ་བཤེར་ཁྱོན་ཡོངས་ནས་བྱེད་པ། མ་དངུལ་དོ་དམ་ཚད་ལྡན་བཟོ་བ་སོགས་བྱས་ནས། རྒྱུན་ཆད་མེད་པར་རྒྱ་ཆེའི་ཞིང་འབྲོག་མང་ཚོགས་ཀྱི་སྨན་བཅོས་ནད་བསྟེན་དང་སྨན་བཅོས་སྲོག་སྐྱོབ། རོགས་སྐྱོབ་བཅས་ཀྱི་མ་ལག་འཐུས་སྒོ་ཚང་དུ་བཏང་བ་རེད།

ཤེས་རྟོགས་བྱུང་བར་གཞིགས་ན། ད་ལོའི་ལོ་སྟོད་དུ་མལ་གྲོ་གུང་དཀར་རྫོང་གིས་ཞིང་འབྲོག་མང་ཚོགས་ཀྱི་སྨན་བཅོས་རོགས་སྐྱོབ་མ་དངུལ་སྒོར་ཁྲི་ཚོ 217 ལྷག་ཙམ་རྩིས་ཞུ་བྱས་པ་རེད། རྫོང་དེའི་སྨན་བཅོས་རོགས་སྐྱོབ་མ་དངུལ་ཐད་ཀྱི་གཏོང་སྒོ་སྒོར་ཁྲི་ཚོ 120 མི་དམངས་སྨན་ཁང་གཉིས་པ་དང་ལྷ་ས་གྲོང་ཁྱེར་མི་དམངས་སྨན་ཁང་སོགས་སྨན་ཁང་དྲུག་ལ་སྤྲད་པས། གྲོང་ཁྱེར་དང་གྲོང་གསེབ་ཀྱི་སྨན་པ་བསྟེན་མཁན་མང་ཚོགས་ཚོའི་སྨན་བཅོས་དང་འགྲོ་སོང་རྩིས་ཞུ་ལམ་སེང་བྱེད་ཐུབ་ཅིང་། ཚད་གཞི་མཐོ་ཤོས་ཀྱི་སྒོ་ནས་མང་ཚོགས་ལ་ཞབས་ཞུ་དང་སྟབས་བདེ་བསྐྲུན་ཐུབ་ཡོད།

མལ་གྲོ་གུང་དཀར་རྫོང་གིས་ལོ་ལྟར་རིམ་པ་དེ་གའི་ནོར་སྲིད་ནས་སྒོར་ཁྲི་ཚོ 300བཏང་སྟེ། རྫོང་རིམ་པའི་ནད་ཆེན་རོགས་སྐྱོབ་ཀྱི་གཅེས་སེམས་ཐེབས་རྩ་བཙུགས་ནས་སྨན་བཅོས་གོང་གི་རོགས་སྐྱོབ་བྱེད་པ་དང་རོགས་སྐྱོབ་གོ་རིམ་སྟབས་བདེ་རུ་བཏང་ཡོད། ད་བར་རྫོང་དེའི་ནད་ཆེན་རོགས་སྐྱོབ་ཀྱི་གཅེས་སེམས་ཐེབས་རྩས་མི 210ལ་ཕན་པ་ཐོབ་ཡོད།  ། 

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག