མདུན་ཤོག- གསར་འགྱུར།- ཡུལ་གྲུའི་གསར་འགྱུར།- བོད་ལྗོངས།

ཀྲུང་གོའི་བོད་རིག་པའི་ཞིབ་འཇུག་ལྟེ་གནས་དང་དབྱི་ཐ་ལིའི་ནཱ་པུ་ལི་སི་སློབ་ཆེན་གཉིས་ཀྱིས་མཉམ་འབྲེལ་བརྡ་ཡིག་གི་ཆིངས་ཡིག་བཀོད།

  ཡོང་ཁུངས། མཚོ་སྔོན་བོད་སྐད་རླུང་འཕྲིན།  2014-09-20 11:13

ཀྲུང་གོའི་བོད་རིག་པའི་ཞིབ་འཇུག་ལྟེ་གནས་དང་དབྱི་ཐ་ལིའི་ནཱ་པུ་ལི་སི་སློབ་ཆེན་གཉིས་ཀྱིས་མཉམ་འབྲེལ་བརྡ་ཡིག་གི་ཆིངས་ཡིག་བཀོད།
ཀྲུང་གོའི་བོད་རིག་པའི་ཞིབ་འཇུག་ལྟེ་གནས་དང་དབྱི་ཐ་ལིའི་ནཱ་པུ་ལི་སི་སློབ་ཆེན་གཉིས་ཀྱིས་མཉམ་འབྲེལ་བརྡ་ཡིག་གི་ཆིངས་ཡིག་བཀོད།

ཀྲུང་གོའི་བོད་ཀྱི་དྲ་བའི་འཕྲིན། ཟླ་དགུ་བའི་ཚེས་བཅུ་བདུན་ཉིན་གྱི་སྔ་དྲོར། ཀྲུང་གོའི་བོད་རིག་པའི་ཞིབ་འཇུག་ལྟེ་གནས་དང་དབྱི་ཐ་ལིའི་ནཱ་པུ་ལི་སི་སློབ་ཆེན་གཉིས་ཀྱིས་མཉམ་འབྲེལ་བརྡ་ཡིག་གི་ཆིངས་ཡིག་འགོད་པའི་མཛད་སྒོ་དེ་པེ་ཅིང་དུ་བསྡུས་ཤིང་། བོད་རིག་པའི་ཞིབ་འཇུག་ལྟེ་གནས་ཀྱི་སྤྱི་ཁྱབ་འགན་འཛིན་གཞོན་པའམ་ཞིབ་འཇུག་པ་དགྲ་འདུལ་སོགས་མི་སྣ་སྐོར་དང་། དབྱི་ཐ་ལིའི་ནཱ་པུ་ལི་སི་སློབ་ཆེན་གྱི་འབྲེལ་ཡོད་མི་སྣ། ཏེ་ཀྲུང་ཧེ་ཞིབ་འཇུག་གླིང་གི་འགོ་གཙོ་རོ་བྷོ་ཐི་ཐོ་ཐོ་ལེ(Prof. Roberto Tottoli)སོགས་འབྲེལ་ཡོད་མི་སྣ་དག་ཆིངས་ཡིག་འགོད་པའི་མཛད་སྒོར་ཞུགས།

ཀྲུང་གོའི་བོད་རིག་པའི་ཞིབ་འཇུག་ལྟེ་གནས་ཀྱི་སྤྱི་ཁྱབ་འགན་འཛིན་གཞོན་པ་དགྲ་འདུལ་གྱིས་ཀྲུང་གོའི་བོད་རིག་པའི་ཞིབ་འཇུག་ལྟེ་གནས་ཀྱིས་རྒྱལ་ཡོངས་བོད་རིག་པའི་ཞིབ་འཇུག་བྱ་བའི་འགན་ནུས་དང་བོད་རིག་པའི་ཞིབ་འཇུག་ལས་ཁུངས་ཁྲོད་ཀྱི་གོ་གནས་གཙོ་བོ། དེ་མིན་བོད་རིག་པའི་ཞིབ་འཇུག་ལྟེ་གནས་ཀྱི་ཕྱི་འབྲེལ་དང་མཉམ་འབྲེལ་ལས་གཞིའི་རྣམ་གྲངས་ཀྱི་གནས་ཚུལ་སོགས་མཚམས་སྦྱོར་གནང་།

དབྱི་ཐ་ལིའི་ནཱ་པུ་ལི་སི་སློབ་ཆེན་གྱི་དགེ་རྒན་ཆེན་མོ་རོ་བྷོ་ཐི་ཐོ་ཐོ་ལི་ཡིས་བསྟན་དོན། དབྱི་ཐ་ལིའི་ནཱ་པུ་ལི་སི་སློབ་ཆེན་ནི་དབྱི་ཐ་ལིས་ཤར་ཕྱོགས་ཞིབ་འཇུག་བྱེད་པའི་ཆེས་སྔ་བའི་སློབ་གྲྭ་ཞིག་ཡིན་པ་དང་། ཐེངས་འདིའི་མཉམ་འབྲེལ་དང་གླེང་མོལ་ཁྲོད་ཁོ་རང་ཉིད་ནས་ཤེས་བྱ་མི་དམན་པ་ཐོབ་པར་མ་ཟད་རྒྱལ་ཁབ་གཉིས་ཀྱི་རིགས་གཞུང་ཁྱབ་ཁོངས་ཀྱི་འབྲེལ་བ་ཡང་མཐོར་འདེགས་སུ་བཏང་། ཐེངས་འདིར་ཆིངས་ཡིག་བཀོད་པ་ནི་ཕྱོགས་གཉིས་འཐབ་ཇུས་རང་བཞིན་གྱི་མཉམ་འབྲེལ་ཞིག་ཡིན་པར་མ་ཟད། ཕྱོགས་གཉི་གའི་ཕན་ཚུན་གྱི་ཡིད་ཆེས་ཡང་ཇེ་ཟབ་ཏུ་བཏང་། དེར་བརྟེན། ཀྲུང་གོའི་བོད་རིག་པའི་ཆེད་མཁས་པ་རྣམས་ཀྱིས་དབྱི་ཐ་ལིའི་ནཱ་པུ་ལི་སི་སློབ་ཆེན་དུ་སྔར་ལས་མང་བའི་འབྲེལ་འདྲིས་དང་མཉམ་འབྲེལ་ལས་གཞི་སྤེལ་བའི་རེ་བ་བཏོན།

ཆིངས་ཡིག་བཀོད་ཚར་རྗེས། ཀྲུང་གོའི་བོད་རིག་པའི་ཞིབ་འཇུག་ལྟེ་གནས་ཀྱིས་ཀྲུང་དབྱི་མཉམ་འབྲེལ་དཔེ་སྐྲུན་གྱི་དཔྱད་རྩོམ་ཕྱོགས་བསྡུས«ཏེ་ཀྲུང་ཧེ་ནས་ཧི་མ་ལ་ཡ»ཞེས་པ་དང་ལེགས་སྦྱར་སྐད་ཀྱི་དཔེ་དེབ་ལེགས་སྐྱེས་སུ་ཕུལ་བ་རེད།  ། 

 

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག