བོད་ལྗོངས་སློབ་ཆེན་གྱི་དཔེ་མཛོད་ཁང་དུ་རྩིས་འཁོར་དགེ་འོས་ཆེད་ལས་སློབ་ཆེན་ལོ་རིམ་གསུམ་པའི་སློབ་མ་བསོད་ནམས་ཚེ་སྒྲོན་གྱིས་བོད་ཡིག་Windowsབླུགས་པའི་གློག་ཀླད་ཅིག་གི་སྟེང་ནས་བྱང་ཆ་དོད་པོའི་ངང་བོད་ཡིག་གི་ལམ་ནས་དཔྱད་གཞི་འཚོལ་གྱི་འདུགམ་ལག་དང་མཉེན་ཆས་དེ་དག་ཚང་མ་ནི་བོད་ལྗོངས་སློབ་ཆེན་བོད་ཡིག་ཆ་འཕྲིན་ལག་རྩལ་ཞིབ་འཇུག་ལྟེ་གནས་ཀྱིས་ཞིབ་འཇུག་གསར་སྤེལ་བྱས་པ་ཤ་སྟག་རེད།ཞིབ་འཇུག་ལྟེ་གནས་དེའི་དགེ་རྒན་ཆེ་མོ་གཞོན་པ་རིན་ཆེན་ནོར་བུས་ང་ཚོར་རྒྱུན་སྤྱོད་མཉེན་ཆས་ཤིག་སྟེ།རྒྱ་བོད་ལོ་ཙཱའི་སྨྱན་མང་གློག་རྡུལ་ཚིག་མཛོད་བཀོལ་སྤྱོད་བྱེད་སྟངས་སྟོན་ཞོར་དུ“འདི་ནི་གློག་རྡུལ་ཚིག་མཛོད་ཅིག་ཡིན་ལ།བོད་ཡིག་དང་རྒྱ་ཡིག་གཉིས་ཕན་ཚུན་ལོ་ཙཱ་བྱེད་ཐུབ།སྟེང་ནས་རྒྱ་ཡིག་ཀློག་ཐུབ་ལ་འོག་ནས་བོད་ཡིག་ཀྱང་ཀློག་ཐུབ།ཐ་སྙད་འདི་ལ་དཔེ་བཞག་ན།རྒྱ་སྐད་དུ‘吉祥如意’དང་བོད་སྐད་དུ‘བཀྲ་ཤིས་བདེ་ལེགས’ཞེས་ཀློག་གི་ཡོད”ཅེས་བཤད་བྱུང་།
ཞིབ་འཇུག་ལྟེ་གནས་ཀྱི་དགེ་རྒན་ཆེ་མོ་གཞོན་པ་ཀྲའོ་ཏུང་ཚའེ་ཡིས་ཞིབ་འཇུག་ལྟེ་གནས་ཀྱི་མིག་སྔའི་གྲུབ་འབྲས་གལ་ཆེ་ཤོས་ནི་བོད་ཡིག་ཆ་འཕྲིན་བརྗེ་རེས་ཀྱི་ཚད་གཞིའི་མ་ལག་འདི་རེད།མ་ལག་འདི་བཏོད་པ་ལས་རང་རྒྱལ་གྱིས་བོད་ཡིག་ཆ་འཕྲིན་བཀོལ་སྤྱོད་ཐད་ཀྱི་གཙོ་ཁྲིད་དབང་ཆ་དམ་པོར་འཛིན་ཐུབ་པའི་ཁར་རྒྱལ་སྤྱིའི་མཉེན་ཆས་ཁེ་ལས་ཀྱིས་སོ་སོའི་ཐོན་རྫས་འཐུས་ཚང་དུ་བཏང་ནས་བོད་ཡིག་ལ་རྒྱབ་སྐྱོར་བྱེད་རྒྱུར་སྐུལ་འདེད་ཀྱང་བཏང་ཡོད།“（ཆ་འཕྲིན་ལག་རྩལ་ཁྲོད་ཀྱི）བྱ་དངོས་གང་ཡིན་ཡང་གལ་ཆེ་ཤོས་ནི་ཚད་གཞི་ཡིན།གལ་སྲིད་ཚད་གཞི་ཁོང་དུ་ཆུད་པ་ཡིན་ན་གཙོ་ཁྲིད་ཀྱི་དབང་ཆ་ཡང་ཁོང་དུ་ཆུད་པ་རེད།ང་ཚོས་བོད་ཡིག་ཆ་འཕྲིན་བཀོལ་སྤྱོད་བརྗེ་རེས་ཚད་གཞིའི་མ་ལག་གཏན་འཁེལ་བྱས་པས་ང་ཚོ་ཕྱི་རྒྱལ་བའི་རྗེས་སུ་སྙེག་མི་དགོས་པར་ཕྱི་རྒྱལ་བ་ང་ཚོའི་རྗེས་སུ་བསྙེག་དགོས་ཀྱི་ཡོད།ད་ཆ་ཕྱི་རྒྱལ་བ་ང་ཚོའི་རྗེས་སུ་བསྙེགས་ནས་ཡོང་གི་ཡོད”ཅེས་ངོ་སྤྲོད་བྱས་པ་རེད།
ཆ་འཕྲིན་ལག་རྩལ་དང་སྒུལ་བདེ་དྲ་སྦྲེལ་ཐོན་ལས་འཕེལ་རྒྱས་མགྱོགས་པོ་ཕྱིན་པའི་དེང་གི་སྐབས་འདིར་བོད་ལྗོངས་སློབ་ཆེན་བོད་ཡིག་ཆ་འཕྲིན་ལག་རྩལ་ཞིབ་འཇུག་ལྟེ་གནས་ཀྱིས་ལས་དོན་ཏན་ཏིག་སྒྲུབ་པ་ལ་བརྟེན་ནས་བོད་ཀྱི་སྲོལ་རྒྱུན་རིག་གནས་རྒྱུན་འཛིན་དང་སྲུང་སྐྱོང་བྱེད་ཀྱི་ཡོད་པ་མ་ཟད།ད་དུང་ཚན་རྩལ་ལ་བརྟེན་ནས་བོད་རིགས་མང་ཚོགས་ཚོའི་རིག་གནས་འཚོ་བའི་ཆུ་ཚད་ཀྱང་མཐོ་རུ་གཏོང་གི་ཡོད།བོད་ཡིག་ཆ་འཕྲིན་ཅན་ཞིབ་འཇུག་དང་འཛུགས་སྐྲུན་ཐད་ཁོང་ཚོ“འཛམ་གླིང་གི་ཡང་རྩེ”གཞན་ཞིག་ཏུ་འགྱུར་བཞིན་ཡོད་པ་རེད། །
