ཀྲུང་གོའི་བོད་ཀྱི་དྲ་བའི་འཕྲིན། ཉེ་སྔོན། བོད་ལྗོངས་ཀྱི་ཉིང་ཁྲི་ས་ཁུལ་དང་རྫོང་གི་ཁོར་ཡུག་སྲུང་སྐྱོང་ཅུའུ་ཡིས་མཉམ་དུ་འབད་བརྩོན་བྱས་པ་བརྒྱུད། ཉིང་ཁྲི་ས་ཁུལ་གྱི་རྫོང6གི་རྒྱལ་ཁབ་རིམ་པའི་སྐྱེ་ཁམས་གྲོང་རྡལ28དང་རྫོང4ཡི་རྒྱལ་ཁབ་རིམ་པའི་སྐྱེ་ཁམས་གྲོང་ཚོ28ཡི་སྙན་ཞུ་ཡིག་ཆ་དེ་རང་སྐྱོང་ལྗོངས་ཁོར་ཡུག་སྲོང་སྐྱོང་ཐིན་ལ་སྤྲད་དེ་ཞིབ་བཤེར་དང་ཡུལ་དངོས་ནས་དཔྱད་ཞིབ་བྱས་ཤིང་། ཁོར་ཡུག་སྲོང་སྐྱོང་ཐིན་གྱིས་དཔྱད་ཞིབ་ཆ་རྐྱེན་དང་མཐུན་པའི་གྲོང་རྡལ་དང་གྲོང་ཚོ་དག་ཁྱབ་བསྒྲགས་བྱས།
རྒྱུས་ལོན་ལྟར་ན། ཉིང་ཁྲི་ས་ཁུལ་ཁོར་ཡུག་སྲུང་སྐྱོང་ཅུའུ་ཡིས་བྱ་བའི་བྱེད་ཐབས་གསར་གཏོད་བྱས་ཏེ། ཆེད་མཁས་པར་ཞུ་བ་དང་། ནང་ལོག་ས་ཁུལ་གྱི་ཉམས་མྱོང་བསྡུ་ལེན་བྱེད་པ། གཅིག་བསྡུས་ངང་གསོ་སྦྱོང་བྱེད་པ། འཚོལ་བསྡུ་ཡིག་ཆ་ལེགས་སྒྲིག་བྱེད་པ་སོགས་བྱེད་ཐབས་མང་པོ་བེད་སྤྱད་དེ་གནད་དོན་རེ་རེ་ཐག་གཅོད་བྱས། རྫོང་སོ་སོའི་ཁོར་ཡུག་སྲོང་སྐྱོང་ཅུའུ་ཡིས་ཉམས་མྱོང་དཀོན་པ་དང་། སྙན་ཞུ་ཡིག་ཆ་འགོད་དཀའ་བའི་གནད་དོན་ལ་དམིགས་ཏེ། རང་འགུལ་གྱིས་བོད་ལྗོངས་སློབ་ཆེན་ཞིང་ཕྱུགས་སློབ་གླིང་དང་འབྲེལ་བ་བཙུགས་ཏེ། ཞིང་ཕྱུགས་སློབ་གླིང་གི་ཆེད་མཁས་པ་དང་དག་རྒན་དག་གིས་འཛུགས་སྐྲུན་འཆར་འགོད་དང་སྙན་ཞུ་ཡིག་ཆ་ལ་རྩོམ་སྒྲིག་བྱས། ཉིང་ཁྲི་ས་ཁུལ་ཁོར་ཡུག་སྲུང་སྐྱོང་ཅུའུ་ཡིས་ཧྥུ་ཅན་ཞིང་ཆེན་ཉིན་ཏི་གྲོང་ཁྱེར་གྱི་ཁོར་ཡུག་སྲུང་སྐྱོང་ཅུའུ་དང་། ཀོང་ཏུང་ཞིང་ཆེན་ཁོར་ཡུག་ཚན་རིག་གླིང་། པེ་ཅིན་ཞིང་ལས་སློབ་ཆེན་གྱི་ཆེད་མཁས་པ་དག་རྩ་འཛུགས་བྱས་ཏེ་ཞིང་ཕྱུགས་སློབ་གླིང་གི་དགེ་རྒན་དང་རྫོང་ཁོར་ཡུག་སྲུང་སྐྱོང་ཅུའུ་ཡི་འབྲེལ་ཡོད་མི་སྣར་གཅིག་བསྡུས་ངང་གསོ་སྦྱོང་བྱས་ཏེ། བཟོ་འགོད་ཕྱོགས་ཀྱི་གནད་འགག་དང་ཚད་ལྡན་་བྱེད་དགོས་སར་འགྲེལ་བཤད་བྱས། དེ་ནས་རྫོང་ཁོར་ཡུག་སྲུང་སྐྱོང་ཅུའུ་ཡི་འབྲེལ་ཡོད་ལས་བྱེད་མི་སྣ་དང་ཞིང་ཕྱུགས་སློབ་གླིང་གི་དགེ་རྒན་གྱིས་སྙན་ཞུ་ཡིག་ཆ་ལ་མུ་མཐུད་དུ་དག་བཅོས་དང་འཐུས་ཚང་དུ་བཏང་བ་རེད། །
