འདི་ནི་ལྷོ་ཁ་ས་ཁུལ་ཆུ་གསུམ་རྫོང་སློབ་འབྲིང་གི་སློབ་མའི་འོད་གློག་སྐར་ལྟས་དཔྱད་ཆས་བརྒྱུད་དེ་གནམ་དཔྱད་ཤེས་བྱ་རྒྱུས་ལོན་བྱེད་བཞིན་པའི་ཚུལ་རེད།
ཀྲུང་གོའི་བོད་ཀྱི་དྲ་བའི་འཕྲིན། ཀྲུང་དབྱང་དང་རང་སྐྱོང་ལྗོངས་སྲིད་གཞུང་གི་ཐུགས་འཁུར་ཆེན་པོའི་འོག བོད་ལྗོངས་རོང་འབྲོག་ཁུལ་གྱི་སློབ་གསོ་དེ་མི་རེ་རེའི་འདྲ་མཉམ་ངང་སློབ་གསོ་མྱོང་བར་འགན་སྲུང་བྱེད་རྒྱུ་དེ་གཞི་རྩ་རུ་བཟུང་སྟེ། སློབ་གསོ་དྲང་སྙོམས་བྱ་བར་བསྟུད་མར་སྐུལ་འདེད་བཏང་ནས། སློབ་གསོའི་ཐོན་ཁུངས་ལུགས་མཐུན་ངང་བཀོད་སྒྲིག་བྱས་པ་མ་ཟད། ལོ15ཡི་རིན་མེད་སློབ་གསོ་དང་འགན་ལེན་གསུམ་གྱི་སྲིད་ཇུས་མུ་མཐུད་དུ་འཐུས་ཚང་དུ་བཏང་བས། རོང་འབྲོག་ཁུལ་གྱི་སློབ་མ་ཡོངས་རྫོགས་ཀྱིས་འདྲ་མཉམ་ཡིན་ཞིང་ལུགས་མཐུན་ཡིན་པའི་སློབ་གསོའི་ཐོན་ཁུངས་བེད་སྤྱོད་བྱེད་ཐུབ་པ་བྱུང་བ་རེད། །
