མདུན་ཤོག- གསར་འགྱུར།- ཡུལ་གྲུའི་གསར་འགྱུར།- བོད་ལྗོངས།

མངའ་རིས་ས་ཁུལ་གྱི་བྱིས་པའི་ཕན་བདེ་ཁང་འཛུགས་སྐྲུན་བྱེད་འགོ་ཚུགས་རྒྱུ་རེད།

རྩོམ་པ་པོ། མཁའ་མཚོ་སྐྱིད་ཀྱིས་བསྒྱུར།  ཡོང་ཁུངས། བོད་ལྗོངས་ཉིན་རེའི་ཚགས་པར།  2014-04-17 11:10

ཀྲུང་གོའི་བོད་ཀྱི་དྲ་བའི་འཕྲིན། 2013ལོར་བོད་ལྗོངས་ཡོངས་སུ“ཕྱོགས་བསྡུས་གཉིས”ཀྱི་བྱ་བ་སྤེལ་འགོ་བརྩམས་པ་ནས་བཟུང་། མངའ་རིས་ས་ཁུལ་གྱིས་མཐོང་ཆེན་གནང་སྟེ་བཀོད་སྒྲིག་ཡག་པོ་བྱས་པ་དང་། རང་སྐྱོང་ལྗོངས་མི་དམངས་སྲིད་གཞུང་གིས་ཕྱོགས་ཡོངས་ནས་འགན་སྲུང་ལྔའི་ཁྱིམ་ཚང་དང་དྭ་ཕྲུག་ཕྱོགས་བསྡུས་ངང་གསོ་སྐྱོང་བྱེད་པའི་བྱ་བའི་བསམ་འཆར་ལ་གཞིགས་ནས། བྱ་བ་སོ་སོ་དངོས་འབེབས་བྱེད་པར་དམ་འཛིན་བྱེད་བཞིན་ཡོད།

རྒྱུས་ལོན་ལྟར་ན། ད་ལྟ་མངའ་རིས་ས་ཁུལ་དུ་དྭ་ཕྲུག171ཡོད་པ་དང་། དེའི་ཁྲོད་དྭ་ཕྲུག་གསུམ་ཕྱི་རོལ་ས་ཁུལ་དུ་སློབ་གྲྭ་འགྲིམས་བཞིན་ཡོད་དེ། ལྷག་མའི་དྭ་ཕྲུག169བོ་མངའ་རིས་ས་ཁུལ་དུ་ཁ་ཐོར་ངང་གསོ་སྐྱོང་བྱེད་བཞིན་ཡོད། མངའ་རིས་ས་ཁུལ་དམངས་སྲིད་སྡེ་ཁག་གིས་དུས་ལྟར་དྭ་ཕྲུག་རྣམས་ལ་རོགས་དངུལ་སྟེར་བཞིན་ཡོད་ལ། དོན་དངོས་དང་བསྟུན་པའི་སྒོ་ནས་དྭ་ཕྲུག་གི་གཞི་རྩའི་འཚོ་བར་ཁག་ཐེག་བྱས།

ཤེས་རྟོགས་བྱུང་བ་ལྟར་ན། མངའ་རིས་ས་ཁུལ་གྱིས་བྱིས་པའི་ཕན་བདེ་ཁང་འཛུགས་སྐྲུན་རྣམ་གྲངས་ཐད་རང་སྐྱོང་ལྗོངས་ཀྱིས་མ་དངུལ་སྒོར་ཁྲི2052བཏང་བ་དང་། འཆར་གཞི་ལྟར་ན་ཉལ་ཁྲི171བཀོད་སྒྲིག་བྱ་རྒྱུ་དང་། རགས་རྩིས་ལྟར་ན་མ་དངུལ་སྒོར་ཁྲི2109.49གཏོང་དགོས་ཤིང་། གཞི་ཁྱོན་སྨི་གྲུ་བཞི་མ11200ཟིན། མིག་སྔར་ལས་གཞིའི་གྲ་སྒྲིག་བྱ་བ་རང་སྐྱོང་ལྗོངས་དམངས་སྲིད་ཐིན་གྱིས་ཞིབ་བཤེར་བྱས་པ་བརྒྱུད་དེ་ཆོག་མཆན་ཐོབ་པས། ཚོད་རྩིས་ལྟར་ན2014ལོའི་ཟླ6པར་དམིགས་འགུགས་དམིགས་འཇོག་སོགས་ཀྱི་བྱ་བ་ལེགས་འགྲུབ་འབྱུང་རྒྱུ་ཡིན་ལ། ཟླ6པར་དངོས་སུ་འཛུགས་སྐྲུན་བྱེད་འགོ་ཚུགས་རྒྱུ་རེད།འཛུགས་སྐྲུན་ལས་གཞི་ལེགས་འགྲུབ་བྱུང་རྗེས་དངོས་སུ་བེད་སྤྱོད་བྱེད་པའི་དུས་དེར། མངའ་རིས་ས་ཁུལ་གྱི་དྭ་ཕྲུག་ཕྱོགས་བསྡུས་ངང་གསོ་སྐྱོང་བྱེད་ཚད100%ལ་སླེབས་རྒྱུ་རེད།  །

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག