མདུན་ཤོག- གསར་འགྱུར།- ཡུལ་གྲུའི་གསར་འགྱུར།- བོད་ལྗོངས།

སྒོར་དུང་ཕྱུར་1.3བཏང་སྟེ་ཞིང་འབྲོག་ཁུལ་གྱི་སློབ་མའི་འཁྲུད་ཁང་གི་དྲོད་སྲུང་འགན་ལེན་བྱས་པ།

  ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ།  2014-04-11 10:25

    ཀྲུང་གོའི་བོད་ཀྱི་དྲ་བའི་འཕྲིན། ཉེ་ཆར་གསར་འགོད་པས་རང་སྐྱོང་ལྗོངས་སློབ་གསོ་ཐིང་ནས་ཤེས་རྟོགས་བྱུང་གསལ།2012ལོ་ནས་བཟུང་རང་ལྗོངས་ཀྱིས་ཆེད་དོན་མ་དངུལ་སྒོར་དུང་ཕྱུར་1.3ལྷག་ཙམ་བཀོད་སྒྲིག་བྱས་ཏེ་རང་ལྗོངས་ཀྱི་གྲོང་གསེབ་ཀྱི་སློབ་གྲྭ་འབྲིང་ཆུང་དུ་ཉི་ནུས་ཀྱི་འཁྲུད་ཁང་སྐྲུན་རྒྱུའི་ཚོད་ལྟའི་འདུ་འགོད་ལག་བསྟར་བྱས་པ་དང་མཐོ་གྲང་དང་ས་བབ་མཐོ་བའི་ཞིང་འབྲོག་ཁུལ་གྱི་སློབ་གྲྭར་དྲོད་སྲུང་གི་འདུ་འགོད་ལག་བསྟར་བྱས་པ་རེད།

    ཤེས་རྟོགས་བྱུང་བར་གཞིགས་ན།2012ལོ་ནས་2013ལོ་བར་རིམ་རྩིས་བྱས་ན་ཉི་ནུས་འཁྲུད་ཁང་གི་ཆེད་དོན་མ་དངུལ་སྒོར་ཁྲི་9201གཤམ་སྤྲོད་བྱས་པ་དང་ཞིང་འབྲོག་ཁུལ་གྱི་ཞག་སྡོད་ལམ་ལུགས་ཀྱི་སློབ་གྲྭ་109རུ་ཉི་ནུས་འཁྲུད་ཁང་གི་འདུ་འགོད་ལག་བསྟར་བྱས་ཡོད།མིག་སྔ་བར་2012ལོར་ལག་བསྟར་བྱས་པའི་སློབ་གྲྭ་45ཡི་འཁྲུད་ཁང་སྐྲུན་རྒྱུ་དེ་ཚང་མ་ལས་མཇུག་འགྲིལ་བ་དང་འབྲེལ་བེད་སྤྱོད་གཏོང་བཞིན་ཡོད་པས་ཞིང་འབྲོག་ཁུལ་གྱི་སློབ་མ་59470ཡི་གཟུགས་པོ་འཁྲུ་དཀའ་བའི་གནད་དོན་ཐག་གཅོད་ཐུབ་པ་དང་།ཆེད་དོན་མ་དངུལ་སྒོར་ཁྲི་4159གཤམ་སྤྲོད་བྱས་ཏེ་མཐོ་གྲང་དང་ས་བབ་མཐོ་བའི་ཞག་སྡོད་ལམ་ལུགས་ཀྱི་སློབ་གྲྭ་151གི་སློབ་ཁྲིད་དང་དེ་བཞིན་འཚོ་བ་སྐྱེལ་སའི་དྲོད་སྲུང་འདུ་འགོད་ལག་བསྟར་བྱས་པས་དགེ་སློབ་ཁྲི་1ལྷག་ཙམ་ལ་ཕན་པ་ཐོབ་པ་རེད།

    ངོ་སྤྲོད་བྱས་པར་གཞིགས་ན།ལྗོངས་ནང་ཁུལ་གྱི་གཙང་སྦྲ་དོད་པའི་སློབ་ཁུལ་གསར་པ་འཛུགས་སྐྲུན་ལ་ཁྱོན་ཡོངས་ནས་སྐུལ་འདེད་གཏོང་ཆེད་རང་ལྗོངས་ཀྱིས་མ་དངུལ་བརྩོན་ལེན་ལ་སྔར་བས་ཤུགས་སྣོན་བརྒྱབ་སྟེ་སློབ་གྲྭ་འབྲིང་ཆུང་གི་འཁྲུད་ཁང་དང་དྲོད་སྲུང་འདུ་འགོད་ཁྱོན་ཡོངས་ནས་ལག་བསྟར་བྱས་པ་དང་།སློབ་གྲྭའི་འཁྲུད་ཁང་དང་དྲོད་སྲུང་འདུ་འགོད་ཀྱི་འཆར་འགོད་དང་གྲབས་གསོག་ལས་དོན་སྔར་བས་ཡག་པོ་བསྒྲུབས་ཡོད་པ་རེད།

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག