མདུན་ཤོག- གསར་འགྱུར།- ཡུལ་གྲུའི་གསར་འགྱུར།- བོད་ལྗོངས།

བོད་ལྗོངས་ཀྱི་སྲིད་འཛིན་གྲོང་ཚོ22ལ་བོད་རང་སྐྱོང་ལྗོངས་རིམ་པའི་སྐྱེ་ཁམས་གྲོང་ཚོ་ཞེས་པའི་མིང་བཏགས།

  ཡོང་ཁུངས། ཀྲུང་གོའི་བོད་ལྗོངས་དྲ་བ།  2013-06-08 10:47

ཀྲུང་གོའི་བོད་ཀྱི་དྲ་བའི་འཕྲིན། སྤྱི་ཟླ6པའི་ཚེས5ཉིན་གསར་འགོད་པས2012ལོའི་བོད་རང་སྐྱོང་ལྗོངས་ཁོར་ཡུག་གནས་ཚུལ་གསར་འགྱུར་ཁྱབ་བསྒྲགས་སྟེང་ཤེས་གསལ་ལྟར་ན། 2012ལོར་ལྷ་ས་དང་། ཉིང་ཁྲི། ལྷོ་ཁ། ནག་ཆུ་སོགས་གྲོང་ཁྱེར་དང་རྫོང་བཞི་དང་། ཤང་གྲོང་དགུ་བཅུ་གོ་བརྒྱད། སྲིད་འཛིན་གྲོང་ཚོ334བཅས་སུ་རང་སྐྱོང་ལྗོངས་རིམ་པའི་སྐྱེ་ཁམས་རྫོང་དང་། ཤང་གྲོང་། གྲོང་ཚོ་བཅས་གསར་འཛུགས་ལས་དོན་སྤེལ་ནས་སྲིད་འཛིན་གྲོང་ཚོ22ལ་བོད་རང་སྐྱོང་ལྗོངས་རིམ་པའི་སྐྱེ་ཁམས་གྲོང་ཚོ་ཞེས་པའི་མིང་བཏགས།

སྤྱི་ཚོགས་རིང་ལུགས་ཀྱི་ཞིང་གྲོང་གསར་བ་འཛུགས་སྐྲུན་བྱེད་པར་ཤུགས་སྣོན་པ་དང་། བོད་ལྗོངས་ཀྱི་ཞིང་འབྲོག་ས་ཁུལ་གྱི་ཁོར་ཡུག་སྲུང་སྐྱོབ་ལས་དོན་སྒོ་ཀུན་ནས་སྐུལ་འདེད་བཅས་བྱ་ཆེད། བོད་རང་སྐྱོང་ལྗོངས་མི་དམངས་སྲིད་གཞུང་གིས《བོད་རང་སྐྱོང་ལྗོངས་ཞིང་འབྲོག་ས་ཁུལ་གྱི་ཁོར་ཡུག་སྲུང་སྐྱོབ་ལས་དོན་ལ་ཤུགས་སྣོན་པའི་འབྲེལ་ཡོད་བསམ་འཆར》གཤམ་སྤྲོད་གནང་བ་མ་ཟད།《བོད་རང་སྐྱོང་ལྗོངས་ཞིང་འབྲོག་ས་ཁུལ་གྱི་ཁོར་ཡུག་ཕྱོགས་བསྡུས་བཅོས་སྐྱོང་འཆར་འགོད》སྒྲིག་བཟོ་ལག་བསྟར་ཡང་བྱས་པ་རེད།

བོད་ལྗོངས་ཀྱིས་ནུས་ཁོངས་གཙང་མ་བེད་སྤྱོད་ཁྱབ་གདལ་བྱས་པར་བརྟེན་རང་བྱུང་རྩི་ཤིང་འབུད་ཤིང་བྱེད་ཚད་ཇེ་ཉུང་དུ་བཏང་ནས་ཞིང་འབྲོག་ཁུལ་གྱི་སྐྱེ་ཁམས་ཁོར་ཡུག་ལ་སྲུང་སྐྱོབ་གང་ལེགས་ཐོབ་ཅིང་། 《བོད་རང་སྐྱོང་ལྗོངས་ཀྱིས་འབུད་ཤིང་ནུས་ཁོངས་ཚབ་བྱེད་འཆར་འགོད》དང《བོད་རང་སྐྱོང་ལྗོངས་ཞིང་གྲོང་རྫབ་རླངས་འཛུགས་སྐྲུན་འཆར་འགོད》སྒྲིག་བཟོ་བྱས་པ་དང་། རྫབ་རླངས་དང་། ཉི་ནུས། རླུང་ཤུགས་གློག་འདོན་སོགས་ཞིང་གྲོང་ནུས་ཁོངས་འཛུགས་སྐྲུན་རྣམ་གྲངས་ལག་བསྟར་བྱས།

ཤེས་གསལ་ལྟར་ན། 2010ལོ་ནས་བཟུང་བོད་ལྗོངས་ཀྱིས་ལྗོངས་ཡོངས་ཀྱི་ས་ཁུལ7(གྲོང་ཁྱེར)དང་། རྫོང(གྲོང་ཁྱེར་དང་ཁུལ)74བཅས་ཀྱི་སྲིད་འཛིན་གྲོང་ཚོ4761གི་སྡོད་ཁང་ཁོར་ཡུག་འཛུགས་སྐྲུན་དང་ཞིང་གྲོང་གི་ཁོར་ཡུག་ཕྱོགས་བསྡུས་བཅོས་སྐྱོང་སྐོར་གྱི་ལས་དོན་བསྒྲུབས། 2012ལོའི་ལོ་མཇུག་བར་དུ། ཞིང་གྲོང2500ལ་གྲོང་ཚོའི་སྡོད་ཁང་གི་ཁོར་ཡུག་འཛུགས་སྐྲུན་དང་ཁོར་ཡུག་ཕྱོགས་བསྡུས་བཅོས་སྐྱོང་གི་རྣམ་གྲངས་ལག་བསྟར་བྱས།  །

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག