མདུན་ཤོག- གསར་འགྱུར།- ཡུལ་གྲུའི་གསར་འགྱུར།- བོད་ལྗོངས།

“ལྔ་གཅིག”དུས་ཆེན་རིང་བོད་ལྗོངས་ཀྱི་མཛེས་ལྗོངས་ཁུལ18ཀྱི་སྒོ་འཛིན་རིན་མེད་འམ་རིན་གོང་གཅོག་པའི་སྲིད་ཇུས་ལག་བསྟར་བྱེད་རྒྱུ་ཡིན་པ།

  ཡོང་ཁུངས། ཀྲུང་གོའི་བོད་ལྗོངས་དྲ་བ།  2013-04-27 10:34

ཀྲུང་གོའི་བོད་ཀྱི་དྲ་བའི་འཕྲིན། གསར་འགོད་པས་སྤྱི་ཟླ4པའི་ཚེས25ཉིན་བོད་རང་སྐྱོང་ལྗོངས་ཟོག་གོང་ཅུས་ནས་ཤེས་རྟོགས་བྱུང་བར་གཞིགས་ན། འདི་ལོའི“ལྔ་གཅིག”དུས་ཆེན་རིང་བོད་ལྗོངས་ཀྱི་མཛེས་ལྗོངས་ཁུལ18ཀྱི་སྒོ་འཛིན་གྱི་རིན་གོང་གཅོག་ཡིན་པ་དང་དེའི་ཁྲོད་ཀྱི་མཛེས་ལྗོངས་འགའ་ཤས་རིན་མེད་ཀྱི་ལྟ་སྐོར་བྱེད་ཆོག་གི་ཡོད་པ་རེད།

ངོ་སྤྲོད་བྱས་པར་གཞིགས་ན། མཛེས་ལྗོངས་ཁུལ18ཁྲོད་སྨར་ཁམས་ཚྭ་ཁ་དང་། ཀླུ་སྣང་ནགས་ཚལ། གུ་གེ་རྒྱལ་རབས་ཀྱི་གནའ་ཤུལ་སོགས་ཀྱི་རྒྱལ་ཁབ་རིམ་པའི་མཛེས་ལྗོངས་ཁུལ8དང་། གནས་ཆེན་གངས་རིན་པོ་ཆེ་དང་། གནས་མཚོ་མ་ཕམ་གཡུ་མཚོ། སྤང་གོང་མཚོ་སོགས་ཀྱི་རང་སྐྱོང་ལྗོངས་རིམ་པའི་མཛེས་ལྗོངས་ཁུལ6། ད་དུང་ཐེ་ཀྲའོ་གནའ་གྲོང་དང་། བོན་རི་སོགས་གྲོང་ཁྱེར་རིམ་པའི་མཛེས་ལྗོངས་ཁུལ་བཞི་བཅས་བསྡུས་ཡོད་པ་རེད། ཡུལ་ལྗོངས་དེ་དག་ལས་གངས་ལྗོངས་ས་མཐོའི་ངོ་མཚར་ཆེ་བའི་རང་བྱུང་མཛེས་ལྗོངས་དང་བོད་ལྗོངས་ཀྱི་ལོ་རྒྱུས་འཕོ་འགྱུར། རིག་གནས་རྒྱུན་འཛིན། ཆོས་ལུགས་དང་མི་རིགས་ཀྱི་ཡུལ་སྲོལ་གོམས་གཤིས་སོགས་མངོན་རྒྱུ་ཡིན་པ་རེད། མཛེས་ལྗོངས་ཁུལ་ནས་དབྱེ་ནས་མངའ་རིས་ས་ཁུལ་དང་ལྷ་ས་གྲོང་ཁྱེར་དུ་མཛེས་ལྗོངས་ཁུལ5འམ6གི་སྒོ་འཛིན་གྱི་རིན་གོང་གཅོག་རྒྱུ་ཡིན་པ་དང་ཉིང་ཁྲིའི་ཁུལ་གྱི་མཛེས་ལྗོངས་ཁུལ3“ལྔ་གཅིག”དུས་ཆེན་རིང་རིན་གོང་ཁེ་པོ་བྱེད་རྒྱུ་ཡིན་པ་ད་དུང་གཞིས་རྩེ་ས་ཁུལ་དང་ཆབ་མདོ་ཁུལ་གྱི་མཛེས་ལྗོངས་ཁུལ2ཀྱི་རིན་གོང་གཅོག་པའི་སྲིད་ཇུས་ལག་བསྟར་བྱེད་རྒྱུ་ཡིན་པ་རེད།

བོད་རང་སྐྱོང་ལྗོངས་ཟོག་གོང་ཅུས་ཀྱི་ཅུས་ཀྲང་གཞོན་པ་ཝང་ཡན་ལིང་གིས་ཐེངས་དེའི་རིན་གོང་གཅོག་པའི་སྲིད་ཇུས་ལག་བསྟར་བྱེད་རྒྱུའི་དམིགས་ཡུལ་ནི་སྐུ་མགྲོན་རྣམས་ཡུལ་སྐོར་བྱེད་སྐབས་རིན་གོང་འཚམ་པོ་དང་ཡུལ་སྐོར་རིང་གི་ཟད་གྲོན་ལ་སྐུལ་འདེད་དེ་བཞིན་སྔར་ལས་ལྷག་པའི་སྒོ་ནས་བོད་ལྗོངས་ཀྱི་ཡུལ་སྐོར་མཛེས་ལྗོངས་ཀྱི་མིང་གྲགས་གོང་མཐོར་གཏོང་ཆེད་ཡིན་ཅེས་གསུངས།  །

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག