རྔ་བ་ཁུལ་གྱིས་ལོ་གཅིག་གི་སྔོན་ལ་ཞིང་སྡེའི་གཅིག་བསྡུས་ཐོན་དབང་སྒྲིག་སྲོལ་བཅོས་བསྒྱུར་ལེགས་འགྲུབ་བྱས།

ཀྲུང་གོ་བོད་ཀྱི་དྲ་བའི་འཕྲིན། ཟླ1པོའི་ཚེས15ཉིན། རྔ་བ་ཁུལ་ཞིང་ལས་ཞིང་སྡེ་ཅུའུ་ནས་ཤེས་གསལ་བྱུང་བ་ལྟར་ན། 2017ལོར། རྔ་བ་ཁུལ་གྱིས་ཞིང་སྡེའི་གཅིག་བསྡུས་ཐོན་དབང་སྒྲིག་སྲོལ་བཅོས་བསྒྱུར་ཚོད་ལྟའི་བྱ་བ་འགོ་བརྩམས་ཤིང་། ལོ་ངོ3གྱི་རིང་ལ་སྤེལ་བ་བརྒྱུད། ལོ་གཅིག་གི་སྔོན་ལ་ཞིང་ཆེན་ཡོངས་ཀྱི་མི་རིགས་ས་ཁུལ་དུ་སྔོན་ལ་ཚོད་ལྟའི་བྱ་བ་ལེགས་འགྲུབ་བྱས།

2019ལོའི་ལོ་མཇུག་ཏུ། རྔ་བ་ཁུལ་གྱིས་ཁུལ་ཡོངས་ཀྱི་ཞིང་སྡེའི་གཅིག་བསྡུས་མ་རྩ་རྩིས་བཤེར་ལེགས་འགྲུབ་བྱས་ཤིང་། སྡེ་བ1400ཡི་མ་རྩ་སྒོར་དུང་ཕྱུར69.52ཞིབ་རྩིས་བྱས་པ་དང་། སྡེ་བ1088ཡི་ཞིང་སྡེའི་གཅིག་བསྡུས་དཔལ་འབྱོར་རྩ་འཛུགས་ཁོངས་མིའི་ཐོབ་ཐང་གཏན་འཁེལ་བྱ་བ་ལེགས་འགྲུབ་བྱས། ཁོངས་མི་ཁྲི20.2ཡི་མ་རྐང་བདག་པོ་ཁྲི72.16གཏན་འཁེལ་བྱས་ཏེ། སྡེ་བ1088ཡི་རྐང་དབང་ཚད་འཇལ་བྱ་བ་ལེགས་འགྲུབ་བྱས། ཚོང་གཉེར་རང་བཞིན་གྱི་མ་རྩ་སྒོར་དུང་ཕྱུར12ཚད་འཇལ་བྱས། 2020ལོའི་ལོ་མཇུག་ཏུ། ཁུལ་ཡོངས་ཀྱི་སྡེ་བ1055ཞིང་སྡེའི་གཅིག་བསྡུས་དཔལ་འབྱོར་རྩ་འཛུགས་ཀྱིས་ཐོ་འགོད་དཔང་ཡིག་ལེགས་འགྲུབ་བྱས་ལ། 2020ལོའི་ཁུལ་ཡོངས་ཀྱི་ཞིང་སྡེའི་གཅིག་བསྡུས་དཔལ་འབྱོར་ཡོང་སྒོ་སྒོར་དུང་ཕྱུར1.2ལ་སླེབས་ཤིང་། དེ2016ལོ་དང་བསྡུར་ན་སྒོར་དུང་ཕྱུར0.7འཕར་བ་དང་། ལོ་རེའི་ཆ་སྙོམས་འཕར་ཚད་བརྒྱ་ཆའི24ལ་སླེབས་ཡོད།  ། 

རྩོམ་སྒྲིག་པ། རིག་ལྡན་རྒྱ་མཚོ།

དཔྱད་མཆན 0 ཡོད།