ལིག་ཁྲང་མིང་ཧྲིན་ཀྲིན་ལ་ཁ་གཏད་རོགས་སྐྱོར་ལས་དོན་སྒྲུབ་ཏུ་ཕེབས།

ལིའུ་ཁྲེང་མིང་ཧྲེན་ཀྲེན་ལ་ཁ་གཏད་རོགས་སྐྱོར་ལས་དོན་སྒྲུབ་ཏུ་ཕེབས།

ཀྲུང་གོ་བོད་ཀྱི་དྲ་བའི་འཕྲིན། སྤྱི་ཟླ10པའི་ཚེས19ནས་ཚེས21ཉིན་བར། དཀར་མཛེས་ཁུལ་ཨུའི་ཧྲུའུ་ཅི་ལིག་ཁྲང་མིང་གིས་ཏང་སྲིད་རྟོག་ཞིབ་ཚོགས་པའི་སྣེ་ཁྲིད་གནང་སྟེ་ཀོང་ཏུང་ཞིང་ཆེན་ཧྲིན་ཀྲིན་གྲོང་ཁྱེར་དང་ཧུའེ་ཀྲོའུ་གྲོང་ཁྱེར་དུ་བསྐྱོད་ནས་ས་ཁུལ་གཉིས་ཀྱིས་དུས་ཡུན་རིང་པོར་རང་ཁུལ་ལ་ལྷག་བསམ་ཟོལ་མེད་ཀྱིས་རོགས་སྐྱོར་དང་དཔལ་འབྱོར་དང་སྤྱི་ཚོགས་འཕེལ་རྒྱས་ཐད་ནུས་ཤུགས་ཡོད་རྒུས་རྒྱབ་སྐྱོར་གནང་བར་སྙིང་ཐག་པ་ནས་ཐུགས་རྗེ་ཆེ་ཞུས་པ་རེད། ཧྲིན་ཀྲིན་དང་ཧུའེ་ཀྲོའུ་ས་གནས་གཉིས་ཀྱིས་ཏང་ཀྲུང་དབྱང་དང་ས་གནས་གཉིས་ཀྱི་ཞིང་ཆེན་ཏང་ཨུའི་བླང་བྱ་ལྟར་སྔར་ལྷག་གིས་རོགས་སྐྱོར་གྱི་གྲུབ་འབྲས་སྲ་བརྟན་དུ་གཏོང་བ་དང་རོགས་སྐྱོར་བྱ་ཐབས་གསར་གཏོད་བྱེད་པ། སྤེལ་རེས་དང་མཉམ་ལས་ལ་ཤུགས་རྒྱག་པ་བཅས་བྱས་ནས་དཀར་མཛེས་ཁུལ་གྱི་ཐོན་ཁུངས་ལེགས་ཆ་དང་། ཧྲིན་ཀྲིན་དང་ཧུའེ་ཀྲོའུ་གྲོང་ཁྱེར་གཉིས་ཀྱི་ཁྲོམ་རའི་ལེགས་ཆ་དང་ལག་རྩལ་གྱི་ལེགས་ཆ། ཤེས་ལྡན་མི་སྣའི་ལེགས་ཆ། དོ་དམ་གྱི་ལེགས་ཆ་བཅས་ཟུང་འབྲེལ་དམ་ཟབ་བྱས་ཏེ། ཐུན་མོང་ཐོག་འཕེལ་རྒྱས་ཀྱི་ཇུས་ཆེན་བཟོས་པ་དང་སྤུས་ཚད་མཐོ་བའི་འཕེལ་རྒྱས་དང་གཉིས་ཁེ་གཉིས་ཕན་ཡོང་བ་བྱ་དགོས་པའི་ཐུགས་རེ་གནང་བ་རེད།

ལིག་ཁྲང་མིང་གིས་གསུངས་དོན། ཧྲིན་ཀྲིན་དང་ཧུའེ་ཀྲོའུ་ཡིས་སྐྲུན་རོགས་བྱས་པའི་ལས་གཞི་ཚང་མ་ནི་དཀར་མཛེས་ཁུལ་གྱི་མི་རིགས་ཁག་གི་བུ་རྒྱུད་ཚོའི་སེམས་ནང་གི་བརྗིད་ཉམས་ལྡན་པའི་རྡོ་རིང་རེ་རེ་བཞིན་ཡིན་ཞིང་། རང་ཁུལ་ལ་མ་དངུལ་རོགས་སྐྱོར་དང་རིག་སྟོབས་རོགས་སྐྱོར་བྱས་པ་དེ་བོད་རྒྱ་མི་རིགས་མཐུན་སྒྲིལ་གྱི་ལོ་རྒྱུས་དེབ་ཐེར་ནང་དུས་གཏན་དུ་བཀོད་དེ། དཀར་མཛེས་ཁུལ་གྱི་མི་རིགས་ཁག་གི་བུ་རྒྱུད་ཚོས་དྲིན་དྲན་དང་དཔའ་མཛངས་རྟུལ་ཕོད་ཀྱིས་མདུན་དུ་སྐྱོད་པར་སྐུལ་མ་གཏོང་བའི་རྒྱུ་ནོར་རྩ་ཆེན་དང་རྫོགས་མཐའ་མེད་པའི་སྒུལ་ཤུགས་ཤིག་ཏུ་འགྱུར་ངེས་རེད། 

ལིག་ཁྲང་མིང་གིས་ཕྱོགས་གཉིས་པོས་སྤེལ་རེས་མཉམ་ལས་ལ་སྔར་བས་ཤུགས་བརྒྱབ་སྟེ། དཀར་མཛེས་ཁུལ་གྱི་ཐོན་ཁུངས་ལེགས་ཆ་དེ་ཧྲེན་ཀྲེན་གྱི་ཁྲོམ་རའི་ལེགས་ཆ་དང་། ཤེས་ལྡན་མི་སྣའི་ལེགས་ཆ། ལག་རྩལ་ལེགས་ཆ། དོ་དམ་ལེགས་ཆ་སོགས་དང་ཟུང་འབྲེལ་དམ་ཟབ་བྱས་ཏེ་ཕན་ཚུན་འགྲོ་འོང་དང་སྤེལ་རེས། མཉམ་འདྲེས་བཅས་ལ་སྔར་བས་སྐུལ་འདེད་གཏོང་ཞིང་། ཐུན་མོང་ཐོག་གཉིས་ཕན་མཉམ་ཁེ་དང་སྤུས་ཚད་མཐོ་བའི་འཕེལ་རྒྱས་མངོན་འགྱུར་བྱེད་པར་སྟོབས་ཤུགས་འབུལ་དགོས་ཞེས་ཐུགས་རེ་གནང་བ་རེད། །

རྩོམ་སྒྲིག་པ། ཀླུ་འབུམ་ཚེ་རིང་།

དཔྱད་མཆན 0 ཡོད།