ཉིན་ཉེར་ལྔའི་རིང་རྔ་བ་ཁུལ་དུ་ཏོག་གསར་ནད་པ་གསར་དུ་བྱུང་མེད།

ཀྲུང་གོ་བོད་ཀྱི་དྲ་བའི་འཕྲིན། ཟླ་2ཚེས་25ཉིན་གྱི་ཕྱི་དྲོའི་དུས་ཚོད་དང་པོའི་བར་དུ། རྔ་བ་ཁུལ་གྱིས་ཏོག་དབྱིབས་ནད་དུག་གསར་བའི་གློ་ཚད་སྔོན་འགོག་དང་ཚོད་འཛིན་གྱི་ལས་ཀ་སྒྲུབ་པ་གཤམ་གསལ།  

གཅིག རིམས་ནད་སྔོན་འགོག་དང་ཚོད་འཛིན་གྱི་བྱེད་སྒོ་སྤེལ་བའི་གནས་ཚུལ།      

ཟླ་2ཚེས་25ཉིན་གྱི་ཕྱི་དྲོའི་ཆུ་ཚོད་དང་པོའི་བར་དུ། རང་ཁུལ་དུ་ཏོག་དབྱིབས་ནད་དུག་གསར་བའི་གློ་ཚད་ནད་པ་གསར་དུ་བྱུང་མེད། ད་སྔ་བར་དུ་ནད་པ་གཅིག་བྱུང་ཡོད་པ་དེ་ད་ལྟ་དྲག་སྐྱེད་བྱུང་སྟེ་སྨན་ཁང་ནས་ཕྱིར་བུད་ཅིང་ཁྱིམ་དུ་བཀར་ཡོད། དོགས་ཡོད་ནད་པ་12བྱུང་བ་ལས་ནད་པ་11ལ་ནད་མེད་གཏན་འཁེལ་བྱས་པ་དང་། ཧུང་ཡོན་རྫོང་དོགས་ཡོད་ནད་པ་དེའི་ཐོག་མའི་བརྟག་དཔྱད་འབྲས་བུ་སྲིབས་གཤིས་ཡིན་འདུག 

ཁུལ་རིམས་ནད་སྔོན་འགོག་ཚོད་འཛིན་ལྟེ་གནས་སུ་ཁྱོན་བརྟག་དཔྱད་ཚད་ལེན་གྱི་ནད་དཔེ་253འབྱོར་ཡོད་པ་ལས། རིམས་ནད་འགོས་པ་གཏན་འཁེལ་བྱས་ཡོད་པའི་ནད་གཞི་གཅིག་པུའི་(ཀུའོ་ཆེ་གེ་མོ)ཞིབ་དཔྱད་ཚད་ལེན་གྱི་འབྲས་བུ་གདགས་གཤིས་ཡིན་པ་ཕུད། གཞན་པའི་ནད་གཞི་252ཚང་མའི་ཞིབ་དཔྱད་ཚད་ལེན་གྱི་འབྲས་སུ་སྲིབས་གཤིས་ཡིན་པ་རེད། 

གཉིས། རིམས་འགོག་གི་སྡིངས་ཆ་བཙུགས་པའི་གནས་ཚུལ།  

མིག་སྔར་ཁུལ་ཡོངས་སུ་རིམས་འགོག་གི་སྡིངས་ཆ་3(ཚང་མ་ཆུ་ཆེན་རྫོང་དུ་ཡོད།)ཡོད། དེ་རིང་རིམས་འགོག་གི་ལས་སྣེ་བ་10དང་དམག་མི་10བཀོད་སྒྲིག་བྱས་ཡོད་ལ་སྐོར་ཞིབ་རླངས་འཁོར་11བཀོད་སྒྲིག་བྱས་ཡོད། བསྡོམས་པས་རིམས་འགོག་ཞབས་ཞུའི་སྡིངས་ཆ31ཡོད་པ་དང་རིམས་འགོག་གི་ལས་སྣེ་བ་མི་275ཡིས་མི་4572ལ་བརྟག་དཔྱད་བྱས་པས་དོགས་ཡོད་ནད་པ་གཅིག་ཀྱང་རྙེད་མེད། སྨན་བཅོས་ལས་ཁུངས་དང་རིམས་འགོག་གི་སྡིངས་ཆ་གཙོ་བོ་ཡོད་སའི་ས་ཁྱོན་སྤྱི་ལེ་གྲུ་བཞི་མ་2779.44རུ་དུག་སེལ་གྱི་ལས་ཀ་ནན་གྱིས་བསྒྲུབས།      

གསུམ། ཕྱིར་ལོག་པའི་མི་གྲངས་ཀྱི་གནས་ཚུལ།    

ཟླ་2ཚེས་25ཉིན་གྱི་ཕྱི་དྲོའི་དུས་ཚོད་དང་པོའི་བར་དུ། རང་ཁུལ་དུ་ཧུའུ་པེ་ཞིང་ཆེན་ནས་ཕྱིར་ལོག་པའི་མི་1278ཡོད་ལ་དེ་དག་ལས་རིམས་ནད་ཁུལ་ནས་ཕྱིར་ལོག་པའི་མི་130ཡོད་པ་དེར་ལྟ་སྐུལ་དང་དོ་དམ་ལས་ཀར་ཤུགས་བསྣན། མིག་སྔའི་བར་དུ་དོགས་ཡོད་མི་སྣ་གཅིག་ཀྱང་བྱུང་མེད། 

བཞི། དམིགས་བཙུགས་སྨན་ཁང་གི་བྱ་བའི་གནས་ཚུལ།  

ཁུལ་ཡོངས་སུ་ཚ་བ་རྒྱས་པའི་སྨན་བཅོས་ལས་ཁུངས་253ལྷག་བཀོད་སྒྲིག་བྱས། ཟླ་2ཚེས་24ཉིན་གྱི་དུས་ཚོད་0ནས་24བར་དུ། ཁུལ་ཡོངས་ཀྱི་ཚ་བ་རྒྱས་པའི་སྒོ་བསྟེན་ཁང་དུ་ནད་པ་31ལ་སྣེ་ལེན་སྨན་བཅོས་བྱས་པ་དང་། མི་7ཤུལ་དུ་བཞག་ནས་བརྟག་དཔྱད་བྱས། ཁུལ་ཡོངས་ཀྱི་ཚ་རྒྱས་སྒོ་བསྟེན་ཁང་དུ་མི་2154ལ་སྣེ་ལེན་སྨན་བཅོས་བྱས་པ་དང་། མི་209ཤུལ་དུ་བཞག་ནས་བརྟག་དཔྱད་བྱས། 

ལྔ། མི་སྣ་གཙོ་བོའི་རིམས་ནད་སྔོན་འགོག་དང་ཚོད་འཛིན་གྱི་གནས་ཚུལ།   

ཁུལ་ཡོངས་སུ་གཅིག་བསྡུས་ཀྱིས་བརྟག་དཔྱད་བྱེད་ས་64བཙུགས་པ་དང་། གཅིག་བསྡུས་ཀྱིས་ལོགས་སུ་བཀར་བའི་ཁང་མིག་1079བཙུགས་ཏེ། གཅིག་བསྡུས་ཀྱིས་མི་45ཤུལ་དུ་བཞག་ནས་བརྟག་དཔྱད་བྱས། ཁྱིམ་དུ་བཀར་བའི་མི་3066ཡོད། མིག་སྔར། གཅིག་བསྡུས་ཀྱིས་ཤུལ་དུ་བཞག་ནས་བརྟག་དཔྱད་བྱེད་སའི་མི་540དང་ཁྱིམ་དུ་བཀར་བའི་མི་12773བཅས་གློད་པ་རེད། །

རྩོམ་སྒྲིག་པ། ཀླུ་འབུམ་ཚེ་རིང་།

དཔྱད་མཆན 0 ཡོད།