ཀྲུང་གོ་བོད་ཀྱི་དྲ་བའི་འཕྲིན། ཟླ2པའི་ཚེས23ཉིན་གྱི་ཕྱི་དྲོའི་དུས་ཚོད་དང་པོའི་བར་དུ། རྔ་བ་ཁུལ་གྱིས་ཏོག་དབྱིབས་ནད་དུག་གསར་བའི་གློ་ཚད་སྔོན་འགོག་དང་ཚོད་འཛིན་གྱི་ལས་ཀ་སྒྲུབ་པ་གཤམ་གསལ།
གཅིག རིམས་ནད་སྔོན་འགོག་དང་ཚོད་འཛིན་གྱི་བྱེད་སྒོ་སྤེལ་བའི་གནས་ཚུལ།
ཟླ2པའི་ཚེས23ཉིན་གྱི་ཕྱི་དྲོའི་ཆུ་ཚོད་དང་པོའི་བར་དུ། ཧུང་ཡོན་རྫོང་དུ་དོགས་ཡོད་ནད་པ1གསར་དུ་བྱུང་ཡོད། རང་ཁུལ་དུ་ཏོག་དབྱིབས་ནད་དུག་གསར་བའི་གློ་ཚད་ནད་པ་གསར་དུ་བྱུང་མེད། ད་སྔ་བར་དུ་ནད་པ་གཅིག་བྱུང་ཡོད་པ་དེ་ད་ལྟ་དྲག་སྐྱེད་བྱུང་སྟེ་སྨན་ཁང་ནས་ཕྱིར་བུད་ཅིང་ཁྱིམ་དུ་བཀར་ཡོད། དོགས་ཡོད་ནད་པ12བྱུང་བ་ལས་ནད་པ11ལ་ནད་མེད་གཏན་འཁེལ་བྱས་པ་དང་། དེ་རིང་ཧུང་ཡོན་རྫོང་ནས་གསར་དུ་བྱུང་བའི་དོགས་ཡོད་ནད་པ་དེའི་ཐོག་མའི་བརྟག་དཔྱད་འབྲས་བུ་སྲིབས་གཤིས་ཡིན་འདུག
ཁུལ་རིམས་ནད་སྔོན་འགོག་ཚོད་འཛིན་ལྟེ་གནས་སུ་ཁྱོན་བརྟག་དཔྱད་ཚད་ལེན་གྱི་ནད་དཔེ240འབྱོར་ཡོད་པ་ལས། རིམས་ནད་འགོས་པ་གཏན་འཁེལ་བྱས་ཡོད་པའི་ནད་གཞི་གཅིག་པུའི་(ཀུའོ་ཆེ་གེ་མོ)ཞིབ་དཔྱད་ཚད་ལེན་གྱི་འབྲས་བུ་གདགས་གཤིས་ཡིན་པ་ཕུད། གཞན་པའི་ནད་གཞི239ཚང་མའི་ཞིབ་དཔྱད་ཚད་ལེན་གྱི་འབྲས་སུ་སྲིབས་གཤིས་ཡིན་པ་རེད།
གཉིས། རིམས་འགོག་གི་སྡིངས་ཆ་བཙུགས་པའི་གནས་ཚུལ།
རིམས་འགོག་གི་སྡིངས་ཆ་བཙུགས་པར་མ་ཟད་མུ་མཐུད་དུ་ཤུགས་བསྣན་ནས། རིམས་འགོག་གི་ལས་སྣེ་བ1719དང་དམག་མི594བཀོད་སྒྲིག་བྱས་ཏེ། བསྡོམས་པས་རིམས་འགོག་གི་ལས་སྣེ་བ་མི་ཐེངས27548དང་དམག་མི་ཐེངས15397བཀོད་སྒྲིག་བྱས། རྫོང་（གྲོང་ཁྱེར）སོ་སོའི་འགྲིམ་འགྲུལ་གྱི་འགག་མདོ་རུ་རིམས་འགོག་གི་སྡིངས་ཆ64གསར་དུ་བཙུགས་ཏེ། མི་དང་རླངས་འཁོར་འགྲོ་འོང་ལ་དུས་ཚོད་ཉེར་བཞིའི་རིང་བརྟག་དཔྱད་གནད་དུ་འཐིང་བར་བྱས། སྔ་ཕྱིར་རླངས་འཁོར་ཐེངས252575ལ་བརྟག་དཔྱད་བྱས་པར་མ་ཟད། མི་ཐེངས611584ལ་བརྟག་དཔྱད་བྱས་པས་དོགས་ཡོད་ནད་པ་གཅིག་ཀྱང་རྙེད་མེད། སྨན་བཅོས་ལས་ཁུངས་དང་རིམས་འགོག་གི་སྡིངས་ཆ་གཙོ་བོ་ཡོད་སའི་ས་ཁྱོན་སྤྱི་ལེ་གྲུ་བཞི་མ2606.88རུ་དུག་སེལ་གྱི་ལས་ཀ་ནན་གྱིས་བསྒྲུབས།
གསུམ། ཕྱིར་ལོག་པའི་མི་གྲངས་ཀྱི་གནས་ཚུལ།
ཟླ2པའི་ཚེས23ཉིན་གྱི་ཕྱི་དྲོའི་དུས་ཚོད་དང་པོའི་བར་དུ། རང་ཁུལ་དུ་ཧུའུ་པེ་ཞིང་ཆེན་ནས་ཕྱིར་ལོག་པའི་མི1278ཡོད་ལ་དེ་དག་གཙོ་བོ་མའོ་རྫོང་དང་ཝུན་ཁྲོན་རྫོང་། ཆུ་ཆེན་རྫོང་། ཁྲོ་ཆུ་རྫོང་། གཟི་རྩ་སྡེ་དགུ་རྫོང་། རྔ་བ་རྫོང་སོགས་ཀྱི་ས་ཁུལ་དུ་ཕྱིར་ལོག་པ་ཡིན་པས་ས་ཁུལ་དེ་དག་ཏུ་ལྟ་སྐུལ་དང་དོ་དམ་ལས་ཀར་ཤུགས་བསྣན། མིག་སྔའི་བར་དུ་དོགས་ཡོད་མི་སྣ་གཅིག་ཀྱང་མ་རྙེད།
བཞི། དམིགས་བཙུགས་སྨན་ཁང་གི་བྱ་བའི་གནས་ཚུལ།
ཁུལ་ཡོངས་སུ་ཚ་བ་རྒྱས་པའི་སྨན་བཅོས་ལས་ཁུངས253ལྷག་བཀོད་སྒྲིག་བྱས། ཟླ2པའི་ཚེས22ཉིན་གྱི་དུས་ཚོད0ནས24བར་དུ། ཁུལ་ཡོངས་ཀྱི་ཚ་བ་རྒྱས་པའི་སྒོ་བསྟེན་ཁང་དུ་ནད་པ29ལ་སྣེ་ལེན་སྨན་བཅོས་བྱས་པ་དང་། མི་6ཤུལ་དུ་བཞག་ནས་བརྟག་དཔྱད་བྱས། ཁུལ་ཡོངས་ཀྱི་ཚ་རྒྱས་སྒོ་བསྟེན་ཁང་དུ་མི2097ལ་སྣེ་ལེན་སྨན་བཅོས་བྱས་པ་དང་། མི207ཤུལ་དུ་བཞག་ནས་བརྟག་དཔྱད་བྱས།
ལྔ། མི་སྣ་གཙོ་བོའི་རིམས་ནད་སྔོན་འགོག་དང་ཚོད་འཛིན་གྱི་གནས་ཚུལ།
ཁུལ་ཡོངས་སུ་གཅིག་བསྡུས་ཀྱིས་བརྟག་དཔྱད་བྱེད་ས་64བཙུགས་པ་དང་། གཅིག་བསྡུས་ཀྱིས་ལོགས་སུ་བཀར་བའི་ཁང་མིག990བཙུགས་ཏེ། གཅིག་བསྡུས་ཀྱིས་མི55ཤུལ་དུ་བཞག་ནས་བརྟག་དཔྱད་བྱས། ཁྱིམ་དུ་བཀར་བའི་མི3658ཡོད། མིག་སྔར། གཅིག་བསྡུས་ཀྱིས་ཤུལ་དུ་བཞག་ནས་བརྟག་དཔྱད་བྱེད་སའི་མི477དང་ཁྱིམ་དུ་བཀར་བའི་མི11786བཅས་གློད་པ་རེད། །
རྩོམ་སྒྲིག་པ། ཀླུ་འབུམ་ཚེ་རིང་།
ཧུང་ཡོན་རྫོང་དུ་དོགས་ཡོད་ནད་པ་1གསར་དུ་བྱུང་ཡོད།