ཟླ2པའི་ཚེས12ཉིན་རྔ་བ་ཁུལ་དུ་ཏོག་དབྱིབས་ནད་དུག་གསར་བའི་གློ་ཚད་ནད་པ་གསར་དུ་བྱུང་མེད།

 ཀྲུང་གོ་བོད་ཀྱི་དྲ་བའི་འཕྲིན། ཟླ2པའི་ཚེས12ཉིན་གྱི་ཕྱི་དྲོའི་དུས་ཚོད་དང་པོའི་བར་དུ། རྔ་བ་ཁུལ་གྱིས་ཏོག་དབྱིབས་ནད་དུག་གསར་བའི་གློ་ཚད་སྔོན་འགོག་དང་ཚོད་འཛིན་གྱི་ལས་ཀ་སྒྲུབ་པ་གཤམ་གསལ།

གཅིག རིམས་ནད་སྔོན་འགོག་དང་ཚོད་འཛིན་གྱི་བྱེད་སྒོ་སྤེལ་བའི་གནས་ཚུལ།      

ཟླ2པའི་ཚེས12ཉིན་གྱི་ཕྱི་དྲོའི་ཆུ་ཚོད་དང་པོའི་བར་དུ། རང་ཁུལ་དུ་ཏོག་དབྱིབས་ནད་དུག་གསར་བའི་གློ་ཚད་ནད་པ་གསར་དུ་བྱུང་མེད། སྔ་རྗེས་སུ་ཁུལ་ཡོངས་སུ་ཁྱོན་དོགས་ཡོད་ནད་པ9(དོགས་ཡོད་ནད་པ7ལ་ནད་མེད་གཏན་འཁེལ་བྱས་པ་དང་། དོགས་ཡོད་ནད་པ2ཀྱི་ཐོག་མའི་བརྟག་དཔྱད་འབྲས་བུ་ཚང་མ་སྲིབས་གཤིས་ཡིན་འདུག)བྱུང་ཡོད། མིག་སྔར།  ཁུལ་མི་དམངས་སྨན་ཁང་གིས་ལོགས་སུ་བཀར་ནས་སྨན་བཅོས་བྱེད་བཞིན་པའི་ནད་པའི་(ཀུའོ་ཆེ་གེ་མོ)ནད་གཞི་བརྟན་པོ་ཡོད།

ཁུལ་རིམས་ནད་སྔོན་འགོག་ཚོད་འཛིན་ལྟེ་གནས་སུ་ཁྱོན་ཡོན་བརྟག་དཔྱད་ཚད་ལེན་གྱི་ནད་གཞི160འབྱོར་ཡོད་པ་ལས། རིམས་ནད་འགོས་པ་གཏན་འཁེལ་བྱས་ཡོད་པའི་ནད་གཞི་གཅིག་པུའི་(ཀུའོ་ཆེ་གེ་མོ)ཞིབ་དཔྱད་ཚད་ལེན་གྱི་འབྲས་བུ་གདགས་གཤིས་ཡིན་པ་ཕུད། གཞན་པའི་ནད་གཞི159ཚང་མའི་ཞིབ་དཔྱད་ཚད་ལེན་གྱི་འབྲས་སུ་སྲིབས་གཤིས་ཡིན་པ་རེད། 

གཉིས། རིམས་འགོག་གི་སྡིངས་ཆ་བཙུགས་པའི་གནས་ཚུལ།  

རིམས་འགོག་གི་སྡིངས་ཆ་བཙུགས་པར་མ་ཟད་མུ་མཐུད་དུ་ཤུགས་བསྣན་ནས། རིམས་འགོག་གི་ལས་སྣེ་བ1198དང་དམག་མི556བཀོད་སྒྲིག་བྱས་ཏེ། བསྡོམས་པས་རིམས་འགོག་གི་ལས་སྣེ་བ10980དང་དམག་མི8373བཀོད་སྒྲིག་བྱས། རྫོང་(གྲོང་ཁྱེར)སོ་སོའི་འགྲིམ་འགྲུལ་གྱི་འགག་མདོ་རུ་རིམས་འགོག་གི་སྡིངས་ཆ57གསར་དུ་བཙུགས་ཏེ། མི་དང་རླངས་འཁོར་འགྲོ་འོང་ལ་དུས་ཚོད་ཉེར་བཞིའི་རིང་བརྟག་དཔྱད་གནད་དུ་འཐིང་བར་བྱས། སྔ་ཕྱིར་རླངས་འཁོར197292ལ་བརྟག་དཔྱད་བྱས་པར་མ་ཟད། མི499834ལ་བརྟག་དཔྱད་བྱས་པས་དོགས་ཡོད་ནད་པ་གཅིག་ཀྱང་རྙེད་མེད། སྨན་བཅོས་ལས་ཁུངས་དང་རིམས་འགོག་གི་སྡིངས་ཆ་གཙོ་བོ་ཡོད་སའི་ས་ཁྱོན་སྤྱི་ལེ་གྲུ་བཞི་མ1768.38རུ་དུག་སེལ་གྱི་ལས་ཀ་ནན་གྱིས་བསྒྲུབས།      

གསུམ། ཕྱིར་ལོག་པའི་མི་གྲངས་ཀྱི་གནས་ཚུལ།        

ཟླ2ཚེས12ཉིན་གྱི་ཕྱི་དྲོའི་དུས་ཚོད་དང་པོའི་བར་དུ། རང་ཁུལ་དུ་ཧུའུ་པེ་ཞིང་ཆེན་ནས་ཕྱིར་ལོག་པའི་མི1241ཡོད་ལ་དེ་དག་གཙོ་བོ་མའོ་རྫོང་དང་ཝུན་ཁྲོན་རྫོང་། ཆུ་ཆེན་རྫོང་། ཁྲོ་ཆུ་རྫོང་། གཟི་རྩ་སྡེ་དགུ་རྫོང་།  རྔ་བ་རྫོང་སོགས་ཀྱི་ས་ཁུལ་དུ་ཕྱིར་ལོག་པ་ཡིན་པས་ས་ཁུལ་དེ་དག་ཏུ་ལྟ་སྐུལ་དང་དོ་དམ་ལས་ཀར་ཤུགས་བསྣན། མིག་སྔའི་བར་དུ་དོགས་ཡོད་མི་སྣ་གཅིག་ཀྱང་མ་རྙེད། 

བཞི། དམིགས་བཙུགས་སྨན་ཁང་གི་བྱ་བའི་གནས་ཚུལ།  

ཁུལ་ཡོངས་སུ་ཚ་བ་རྒྱས་པའི་སྨན་བཅོས་ལས་ཁུངས253ལྷག་བཀོད་སྒྲིག་བྱས། ཟླ2པའི་ཚེས11ཉིན་གྱི་དུས་ཚོད0ནས24བར་དུ། ཁུལ་ཡོངས་ཀྱི་ཚ་བ་རྒྱས་པའི་སྒོ་བསྟེན་ཁང་དུ་ནད་པ65ལ་སྣེ་ལེན་སྨན་བཅོས་བྱས་པ་དང་། མི21ཤུལ་དུ་བཞག་ནས་བརྟག་དཔྱད་བྱས། ཁུལ་ཡོངས་ཀྱི་ཚ་རྒྱས་སྒོ་བསྟེན་ཁང་དུ་མི1561ལ་སྣེ་ལེན་སྨན་བཅོས་བྱས་པ་དང་། མི173ཤུལ་དུ་བཞག་ནས་བརྟག་དཔྱད་བྱས། 

ལྔ། མི་སྣ་གཙོ་བོའི་རིམས་ནད་སྔོན་འགོག་དང་ཚོད་འཛིན་གྱི་གནས་ཚུལ།   

ཁུལ་ཡོངས་སུ་གཅིག་བསྡུས་ཀྱིས་བརྟག་དཔྱད་བྱེད་ས64བཙུགས་པ་དང་། གཅིག་བསྡུས་ཀྱིས་ལོགས་སུ་བཀར་བའི་ཁང་མིག964བཙུགས་ཏེ། གཅིག་བསྡུས་ཀྱིས་མི170ཤུལ་དུ་བཞག་ནས་བརྟག་དཔྱད་བྱས། དེའི་ཁྲོད་ཀྱི་ཝུའུ་ཧན་གྱི་མི་སྣ3ཡོད་པར་ནད་རྟགས་ཅི་ཡང་མེད། ཁྱིམ་དུ་ལོགས་སུ་བཀར་བའི་མི11251ཡོད། མིག་སྔར། གཅིག་བསྡུས་ཀྱིས་ཤུལ་དུ་བཞག་ནས་བརྟག་དཔྱད་བྱེད་སའི་མི325དང་ཁྱིམ་དུ་ལོགས་སུ་བཀར་བའི་མི2742བཅས་གློད་པ་རེད།

དྲུག ཁོར་ཡུག་བཅོས་སྐྱོང་གི་བྱ་བའི་གནས་ཚུལ།   

རྫོང་(གྲོང་ཁྱེར)བཅུ་གསུམ་དང་གྲོང་གསེབ་ཁ་ཤས་སུ་སྨན་ཆས་གད་སྙིགས་གཅིག་བསྡུས་ཀྱིས་བསྡུ་ས་བཙུགས་པ་དང་། ཁ་རས་དང་བདེ་ཐང་ལ་གནོད་པའི་གད་སྙིགས་ཟོ་བ2382བསྡུས། རྫོང་(གྲོང་ཁྱེར)སོ་སོ་ཡི་སྤྱི་པའི་གཙང་སྤྱོད་ཁང་དང་སྙིགས་སྒམ། སྤྱི་གླིང་། སྲང་བར་ཆེ་མ་ཆུང་གསུམ་གྱི་ཁོར་སྲུང་བཅོས་སྐྱོང་སོགས་ལ་ཤུགས་བསྣན།   །

རྩོམ་སྒྲིག་པ། ཀླུ་འབུམ་ཚེ་རིང་།

དཔྱད་མཆན 0 ཡོད།