དར་མདོ་ནས་བྲག་འགོ་བར་དུ་མྱུར་བགྲོད་གཞུང་ལམ་བསྐྲུན་འཆར་ཡོད།

4e44d3e0-0c87-4290-ba1f-7a6512d486ad.jpg

ཀྲུང་གོ་བོད་ཀྱི་དྲ་བའི་འཕྲིན། ཉེ་ཆར།  སི་ཁྲོན་ཞིང་ཆེན་འགྲིམ་འགྲུལ་སྐྱེལ་འདྲེན་ཐིང་གིས་སྒྲིག་འཛུགས་བྱས་པའི་དར་མདོ་ནས་བྲག་འགོའི་བར་གྱི་མྱུར་བགྲོད་གཞུང་ལམ་གྱི་ཨར་ལས་དེ་ཆོག་འཐུས་རང་བཞིན་གྱི་ཆེད་མཁས་པས་དཔྱད་ཞིབ་བྱས་པ་དང་།  ལས་གཞི་དེ་ཞིང་ཆེན་འགྲིམ་འགྲུལ་ཇུས་འགོད་ཁང་གི་སྤྱི་གཉེར་ཁང་དང་འགྲིམ་འགྲུལ་སྐྱེལ་འདྲེན་པུའུ།  འཆར་འགོད་ཞིབ་འཇུག་ཁང་བཅས་ཀྱིས་མཉམ་དུ་ཨར་ལས་ཆོག་འཐུས་རང་བཞིན་གྱི་འབྲེལ་ཡོད་ཆེད་དོན་བཟོ་འགོད་ལས་འགན་འཁུར་བ་རེད།

ཚོགས་འདུའི་ཐོག་ཞིང་ཆེན་འགྲིམ་འགྲུལ་ཇུས་འགོད་ཁང་གི་སྤྱི་གཉེར་ཁང་ལས་གཞི་ཚོ་ཆུང་གིས་དུས་མཚམས་དེའི་དངོས་པོའི་རྩད་ཞིབ་ལས་དོན་གྱི་གནས་ཚུལ་དང་།  ལམ་ཐིག་བར་ཁྱམས་དང་ཇུས་གཞི་གདམ་གསེས།  ལག་རྩལ་ཚད་གཞི་བདམས་ཐག་གཅོད་པ་སོགས་ཀྱི་ཐད་སྙན་སེང་ཞིབ་ཕྲ་བྱས་པ་རེད།  ཆེད་མཁས་ཚོ་ཆུང་དང་ཚོགས་འདུ་ནང་ཞུགས་པའི་ལས་ཁུངས་སོགས་ལས་གཞི་ཚོ་ཆུང་གི་སྙན་སེང་ལ་ཉན་རྗེས།  ལས་གཞི་བཟོ་ཆོག་པའི་སྙན་ཞུའི་ནང་དོན་ཆ་ཚང་བ་དང་ས་གཤིས་རྩད་ཞིབ་ལས་དོན་གཏིང་ཟབ་པར་གཅིག་གྱུར་གཏན་འཁེལ་བྱས་ཏེ།  གཤིས་ཆུ་གས་སྲུབས་ས་རྒྱུད་སྤྱིར་ན་མཐིལ་རྟོགས་ཐུབ་ཅིང་།  ལམ་ཐིག་བར་ཁྱམས་དང་ཇུས་གཞི་ལུགས་མཐུན་ཡིན་པས། སྙན་ཞུའི་ནང་སྒྲིག་ཁོངས་ཀྱི་བླང་བྱ་སྐོང་བས་ཆེད་མཁས་པས་གྲོས་ཞིབ་འདིར་དཔྱད་ཞིབ་བྱས་པར་ཡིད་མཐུན་བྱུང་བ་རེད།

འཆར་གཞིའི་ལས་གཞི།  ཁྲོན་བོད་ལྷོ་བྱང་མྱུར་བགྲོད་རྒྱུ་ལམ་བར་གྱི་འབྲེལ་འདྲིས་དམ་ཟབ་བྱས་པར་ཤུགས་བརྒྱབ་པ་དང་།  ཁྲོན་བོད་ལྷོ་བྱང་ལམ་ཐིག་གི་དར་མདོ་ནས་བྲག་འགོའི་བར་གྱི་མྱུར་བགྲོད་གཞུང་ལམ་གྱི་འཆར་གཞི་བཀོད་སྒྲིག་བྱས་པ་རེད།

ཚོད་འཛིན་གནས་ཡུལ།  ལས་གཞི་དེ་ར་རྔ་ཁ་དང་ལྷ་སྒང་རྩྭ་ཐང་།  དཔལ་སྨད།  རྟའུ་ནས་བྲག་འགོ་རྒྱལ་སྲུང་གཞུང་ལམ་གྱི་ལམ་ཐིག་G4217ནས་འགོ་ཚུགས་པ་དང་།  ཚོད་འཛིན་བྱ་ཡུལ་གཙོ་བོ་ནི་ར་རྔ་ཁ་དང་རྟའུ།  བྲག་འགོ་བཅས་ཡིན།

འཛུགས་སྐྲུན་གྱི་འཕེལ་རིམ། ཁྱོན་བསྡོམས་རིང་ཚད་སྤྱི་ལེ213ཡོད་པ་དང་།  ཟམ་པ་དང་ཕུག་ལམ་གྱི་བཟུང་ཚད་བརྒྱ་ཆ51ཡོད། །

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།