དཀར་མཛེས་ཁུལ་རྟའུ་རྫོང་གིས་མང་ཚོགས་འགྲོ་འོང་བྱེད་དཀའ་བའི་གནད་དོན་ཐག་གཅོད་བྱས།

ཀྲུང་གོ་བོད་ཀྱི་དྲ་བའི་འཕྲིན། ཉེ་ཆར། གསར་འགོད་པས་སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་རྟའུ་རྫོང་ཨུ་དང་རྫོང་སྲིད་གཞུང་གི2017ལོའི་ལས་ཀའི་གྲོས་ཚོགས་ཐོག་ཤེས་རྟོགས་བྱུང་བར་གཞིགས་ན། ད་ལོར་རྫོང་དེས་ཤང་དང་གྲོང་གསེབ་ཀྱི་གཞུང་ལམ་འགྲིམ་འགྲུལ་གྱི་ཆ་རྐྱེན་ལེགས་སུ་གཏོང་བ་དང་ཁོངས་གཏོགས་ས་ཁུལ་གྱི་རྒྱལ་ཁབ་དང་ཞིང་ཆེན་རིམ་པའི་གཞུང་ལམ་བཅོས་བསྒྱུར་དང་སྤུས་ཚད་མཐོ་རུ་གཏོང་བའི་ཨར་ལས་དེ་ལོ་འཁོར་གྱི་དམངས་འཚོའི་ལས་གྲྭ་གཙོ་བོར་འཛིན་པ་དང་། སྔོན་དཔག་བྱས་ན་སྤྱིའི་མ་དངུལ་སྒོར་དུང་ཕྱུར10གཏོང་འཇོག་བྱས་ཏེ་གཞུང་ལམ་སྤྱི་ལེ330འཛུགས་སྐྲུན་དང་བསྒྱུར་བཀོད་བྱ་རྒྱུ་རེད།

གྲོང་སྡེར་ཤར་གཏོང་ཐུབ་པའི་གཞུང་ལམ་ཨར་ལས་དེ་རྫོང་དེའི་ད་ལོའི་འགྲིམ་འགྲུལ་འཛུགས་སྐྲུན་གྱི་ཨར་ལས་གལ་ཆེན་ནང་གི་འགངས་ཆེན་ཞིག་རེད། བསྡོམས་པས་གཞུང་ལམ་སྤྱི་ལེ150བསྐྲུན་རྒྱུའི་འཆར་གཞི་ཡོད། དེའི་ནང་དབུལ་ཐར་གྲོང་སྡེ7གྱི་གྲོང་སྡེར་ཤར་གཏོང་ཐུབ་པའི་གཞུང་ལམ་གསར་པ་དང་དབུལ་ཐར་གྲོང་སྡེ17གྱི་སྲ་འགྱུར་གཞུང་ལམ་གྱི་ཨར་ལས་འདུས་ཤིང་སྤྱིའི་མ་དངུལ་སྒོར་དུང་ཕྱུར1.0875གཏོང་བའི་འཆར་གཞི་ཡོད་པ་རེད། རྒྱལ་ཁབ་དང་ཞིང་ཆེན་རིམ་པའི་གཞུང་ལམ་བསྒྱུར་བཀོད་དང་སྤུས་ཚད་ཇེ་མཐོར་གཏོང་བ་ནི་རྫོང་དེའི་ད་ལོའི་འགྲིམ་འགྲུལ་འཛུགས་སྐྲུན་གྱི་མ་དངུལ་འཇོག་ས་གཙོ་བོ་རེད། སྤྱིའི་མ་དངུལ་སྒོར་དུང་ཕྱུར8.527981བཏང་ནས་རྟའུ་རྫོང་ཁོངས་གཏོགས་ཀྱི་གཞུང་ལམ་སྤྱི་ལེ94.523གྱི་བསྒྱུར་བཀོད་ཨར་ལས་དང་རྒྱལ་སྲུང་གཞུང་ལམ248པའི་ལམ་ཐིག་དང350པའི་ལམ་ཐིག་དཔལ་སྨད་ས་མཚམས་སུ་བརྒལ་བའི་གཞུང་ལམ་སྤྱི་ལེ7.08འཛུགས་སྐྲུན་བྱ་རྒྱུ་རེད། །

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།