མདུན་ཤོག- གསར་འགྱུར།- ཡུལ་གྲུའི་གསར་འགྱུར།- སི་ཁྲོན།

སི་ཁྲོན་རྔ་པས་བོད་རྒྱ་སྐད་གཉིས་ནས་སློབ་གསོ་གཏོང་རྒྱུར་ཤུགས་སྣོན་བརྒྱབ་པ།

  ཡོང་ཁུངས། མི་དམངས་ཉིན་རེའི་ཚགས་པར།  2014-12-06 11:01

    སི་ཁྲོན་ཞིང་ཆེན་གྱི་རྔ་པ་ཀྲོའུ་སློབ་གསོ་ཅུས་ནས་ཤེས་རྟོགས་བྱུང་གསལ།ཉེ་བའི་ལོ་ཤས་རིང་།རྔ་པ་ཀྲོའུ་ཡིས་བོད་རྒྱ་སྐད་གཉིས་ནས་སློབ་གསོ་གཏོང་བའི་ལས་དོན་ཤུགས་ཆེན་སྤེལ་བར་གྲུབ་འབྲས་ངེས་ཅན་ཞིག་ཐོབ་ནས་སློབ་ཕྲུག་ཁྲི་4ལྷག་ཙམ་ལ་ཕན་པ་ཐོབ་ཡོད།

    ཤེས་རྟོགས་བྱུང་བར་གཞིགས་ན།རྔ་པ་ཀྲོའུ་ཡིས་སྐད་གཉིས་སློབ་གསོ་གཏོང་རྒྱུ་དེ་བོད་རིགས་འདུས་སྡོད་ཁུལ་གྱི་སློབ་གྲྭ་འབྲིང་ཆུང་དཀྱུས་མའི་སློབ་ཁྲིད་བྱེད་སྟངས་གཙོ་བོ་ཡིན་པས་མཛོད་དགེ་བོད་ཡིག་སློབ་འབྲིང་དང་།རྐ་ཁོག་བོད་ཡིག་སློབ་འབྲིང་།རྔ་པ་བོད་ཡིག་སློབ་འབྲིང་།འཛམ་ཐང་རྫོང་བོད་ཡིག་སློབ་འབྲིང་།ཟུང་ཆུ་རྫོང་བོད་ཡིག་སློབ་འབྲིང་།རྔ་པ་ཀྲོའུ་མི་རིགས་མཐོ་རིམ་སློབ་འབྲིང་སོགས་སྐད་གཉིས་སློབ་ཁྲིད་བྱེད་སྟངས་རིགས་དང་པོ་སྤྱོད་པའི་སློབ་འབྲིང་ཁག་གཅིག་སྔ་རྗེས་སུ་བཙུགས་པས་ཀྲོའུ་དེ་ཡོངས་ཀྱི་སློབ་གྲྭ་འབྲིང་ཆུང་དཀྱུས་མར་བོད་ཡིག་གིས་གཙོ་བོར་བྱས་ཤིང་།ཞོར་ལ་རྒྱའི་སྐད་ཡིག་ཁྲིད་པའི“སློབ་ཁྲིད་བྱེད་སྟངས་རིགས་དང་པོ”དང་རྒྱའི་སྐད་ཡིག་གིས་གཙོ་བོར་བྱས་ཤིང་།ཞོར་ལ་བོད་ཡིག་ཁྲིད་པའི“སློབ་ཁྲིད་བྱེད་སྟངས་རིགས་གཉིས་པ”ཞིག་ཆགས་ཡོད།

    ད་ཆ་རྔ་པ་ཀྲོའུ་དེ་ཡོངས་སུ་སྐད་གཉིས་ཀྱི་སློབ་ཁྲིད་བྱེད་པའི་སློབ་གྲྭ་རྔ་པ་དང་།མཛོད་དགེརྐང་ཁོགའཛམ་ཐང་།ཟུང་ཆུ།འབར་ཁམས།གཟི་ཚ་སྡེ་དགུཆུ་ཆེན།མོང་རྫོང་།ཁྲི་ཚང་བཅས་རྫོང་10ལ་ཁྱབ་ཡོད།

    སློབ་ཕྲུག་གི་ལས་ཞུགས་ནུས་པ་མཐོ་རུ་གཏོང་ཆེད།རྔ་པ་ཀྲོའུ་ཡིས་སྐད་གཉིས་ཀྱི་འབྲིང་རིམ་ཆེད་ལས་སློབ་གསོའི་སློབ་གྲྭ་3ཆེད་བཙུགས་བྱས་པ་དང་།འབར་ཁམས་མི་རིགས་དགེ་འོས་སློབ་གྲྭས་སྐད་གཉིས་ཀྱི་སློབ་ཞུགས་གོང་གི་སློབ་གསོ་དང་།སློབ་ཆུང་གི་སྐད་གཉིས་སློབ་གསོ་གཉེར་བ་དང་།སི་ཁྲོན་ཞིང་ཆེན་རྔ་པ་འཕྲོད་བསྟེན་སློབ་གྲྭས་སྐད་གཉིས་ཐོག་ནས་ནད་སྐྱོང་བྱེད་པ་དང་།བོད་ཀྱི་གསོ་རིག་གི་སྨན་བཅོས་དང་བོད་སྨན་བསྟེན་སྟངས་སློབ་པ།རྔ་པ་ཀྲོའུ་འབྲིང་རིམ་ལས་རིགས་ལག་རྩལ་སློབ་གྲྭས་བོད་རིགས་ཀྱི་ཕྱུགས་རིགས་སྨན་པ་གསོ་སྐྱོང་དང་ཐང་ག་འབྲི་སྟངས་སློབ་པ་སོགས་སྐད་གཉིས་ཀྱི་འབྲིང་རིམ་ལག་རྩལ་སློབ་གསོ་ཐོབ་མཁན་སློབ་གྲྭར་ཡོད་མུས་ཀྱི་སློབ་ཕྲུག་866ཟིན་ཡོད།

རྩོམ་སྒྲིག་པ། མགོན་པོ།
རྩོམ་སྒྲིག་འགན་འཁུར་བ། མགོན་པོ།

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག