མདུན་ཤོག- གསར་འགྱུར།- ཡུལ་གྲུའི་གསར་འགྱུར།- སི་ཁྲོན།

སྐབས་དང་པོའི་བི་ཤྭ་ཀརྨ་བུམ་པའི་དར་གཞོན་ཕུལ་བྱུང་ཅན་གྱི་ཐང་གའི་འགྲེམ་སྟོན་སྤེལ་བ།

རྩོམ་པ་པོ། རྩོམ་པ་པོ། བདེ་ཆེན་མཚོ།  ཡོང་ཁུངས། མཚོ་སྔོན་པོ་དྲ་བ།  2013-05-18 11:24

    སྐབས་དང་པོའི་བི་ཤྭ་ཀརྨ་བུམ་པའི་དར་གཞོན་ཕུལ་བྱུང་ཅན་གྱི་ཐང་གའི་འགྲེམ་སྟོན་གྱི་འགོ་རྩོམ་མཛད་སྒོ།

               ཐང་གའི་བརྩམས་ཆོས་ཀྱི་འགྲེམ་སྟོན་ལ་གཟིགས་བཞིན་པ།

  ཀྲུང་གོའི་བོད་ཀྱི་དྲ་བའི་འཕྲིན། ཟླ5པའི་ཚེས16ཉིན། ཀྲུང་གོའི་སྒྱུ་རྩལ་ཞིབ་འཇུག་གླིང་དང་སི་ཁྲོན་ཞིང་ཆེན་རིག་གནས་ཐིན་གྱིས་གཙོ་སྒྲུབ་བྱས་པ་དང་། སི་ཁྲོན་ཀརྨ་བི་ཤྭ་གངས་ཅན་སྒྱུ་རྩལ་རིག་གནས་དར་སྤེལ་ཚད་ལྡན་མཐུན་གཉེར་ཁང་གིས་རོགས་སྒྲུབ་བྱས་པའི་སྐབས་དང་པོའི་བི་ཤྭ་ཀརྨ་བུམ་པའི་དར་གཞོན་ཕུལ་བྱུང་ཅན་གྱི་ཐང་གའི་བརྩམས་ཆོས་འགྲེམ་སྟོན་ནམ་བོད་ཡིག་ཡིག་གཟུགས་བརྩམས་ཆོས་ཀྱི་གདན་ཞུ་འགྲེམ་སྟོན་དེ་ལྷོ་ནུབ་མི་རིགས་སློབ་ཆེན་དུ་སྤེལ་བ་རེད། བོད་ཀྱི་ཆེད་མཁས་ཐུབ་བསྟན་ཉི་མ་ལགས་དང་། བོད་ལྗོངས་སློབ་ཆེན་སྒྱུ་རྩལ་སློབ་གླིང་གི་དགེ་རྒན་ཆེན་མོ་བསྟན་པ་རབ་བརྟན་ལགས། 《ཀུན་འདུས་ཞལ་ཐང་ཆེན་མོ》འབྲི་བཞེངས་བྱེད་མཁན་བརྩོན་འགྲུས་རབ་རྒྱས་ལགས་སོགས་འགོ་རྩོམ་མཛད་སྒོའི་སྟེང་ཞུགས་པ་རེད།

  ཐེངས་འདིའི་འགྲེམ་སྟོན་བྱ་འགུལ་སྟེང་བོད་ལྗོངས་དང་སི་ཁྲོན། ཀན་སུའུ། མཚོ་སྔོན་བཅས་ནས་ཡོང་བའི་བོད་རྒྱའི་ལྷ་རིས་པ་དང་བོད་ཀྱི་ཡིག་མཁན་བརྒྱ་ལྷག་གི་བརྩམས་ཆོས་འགྲེམ་སྟོན་བྱས་ཤིང་། དེར་བརྒྱུད་ནས་བོད་ཀྱི་སྒྱུ་རྩལ་པ་རྣམས་ཀྱི་བློ་གྲོས་ཀྱི་རྩལ་དང་རང་མི་རིགས་ཀྱི་ཐུན་མོང་མ་ཡིན་པའི་རིག་གནས་ཀྱི་ཉིང་བཅུད་མངོན་པར་མཚོན་པ་རེད།

      སྐབས་དང་པོའི་བི་ཤྭ་ཀརྨ་བུམ་པའི་དར་གཞོན་ཕུལ་བྱུང་ཅན་གྱི་ཐང་གའི་འགྲེམ་སྟོན་གྱི་ཡུལ་དངོས།

  རྒྱུས་ལོན་བྱུང་བ་ལྟར་ན་ཐང་གའི་ལྷ་རིས་པ་དང་བོད་ཀྱི་ཡིག་མཁན་སོགས་མི་སྣ་འཇོན་ཐང་ཅན་སྐྱེད་སྲིང་བྱེད་པར་དམིགས་ནས། རྒྱལ་ནང་གི་ཆེད་མཁས་གྲགས་ཅན་གདན་འདྲེན་ཞུས་ནས་ཞིབ་དཔྱད་བྱས་ཏེ། ཕུལ་དུ་བྱུང་བའི་བརྩམས་ཆོས30དཔྱད་འདེམས་བྱ་རྒྱུ་རེད། །

 

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག