རྒྱལ་ཡོངས་དམངས་ཆེན་སྐབས་བཅུ་བཞི་པའི་གྲོས་ཚོགས་ཐེངས་དང་པོ་དང་རྒྱལ་ཡོངས་སྲིད་གྲོས་སྐབས་བཅུ་བཞི་པའི་གྲོས་ཚོགས་ཐེངས་དང་པོས་གྲོས་རིམ་སོ་སོ་ཕུན་སུམ་ཚོགས་པའི་ངང་ནས་ལེགས་འགྲུབ་བྱས་ཏེ། མི་དམངས་ཚོགས་ཁང་ཆེན་མོ་རུ་རྒྱལ་ཁའི་ངང་མཇུག་སྒྲིལ་བ་རེད། གྲོས་ཚོགས་སྐབས་སུ་མཚོ་སྔོན་འཐུས་ཚབ་ཚོགས་པའི་འཐུད་མི་དང་ཨུ་ཡོན་རྣམས་ཀྱིས་ཆབ་སྲིད་གླེང་བ་དང་སྤྱི་ཡོངས་ལ་ལྟ་རྟོག་བྱས་ལ། དམངས་གཙོ་གླེང་བ་དང་མཉམ་ལས་ལ་དོ་སྣང་བྱས་ནས། ལས་འགན་སྣ་ཚོགས་བདེ་བླག་ངང་ཡོངས་འགྲུབ་བྱས་པ་དང་། ཚད་ལྡན་གྱི་རྒྱུགས་ལན་སྤྲད་དེ། ཏང་གི་བཀའ་ལ་ཉན་པ་དང་ཏང་གི་རྗེས་སུ་འབྲངས་པའི་ཆབ་སྲིད་ཀྱི་རང་རྟོགས་མངོན་པར་བྱས་ཡོད། འཐུས་མི་ཡོངས་ཀྱིས་བློ་བརྟན་འགྱུར་མེད་ཀྱིས“གཏན་ཕབ་གཉིས”ལ་གོང་བཀུར་བྱས་པ་དང“སྲུང་སྐྱོང་གཉིས”སྒྲུབ་ཐུབ་པར་བྱས་ནས། ཆབ་སྲིད་ཀྱི་འགན་འཁྲི་འདུ་ཤེས་དང་ལོ་རྒྱུས་ཀྱི་འགན་འཁྲི་འདུ་ཤེས་མཐོན་པོས་བྱ་བའི་སྙན་ཞུ་སྣ་ཚོགས་དང་འབྲེལ་ཡོད་བཅའ་ཁྲིམས་ལ་གྲོས་ཞིབ་དང་ཞིབ་བཤེར་བྱས་པ་དང་། ཞིང་ཆེན་ཡོངས་ཀྱི་རིགས་སོ་སོའི་མི་དམངས་ཀྱི་འདོད་བློ་དང་སེམས་གཏམ་མཚོན་པར་བྱས་ལ། ཁྲིམས་ལྟར་འགན་སྒྲུབ་བྱེད་པ་དང་དམངས་ཀྱི་ཆེད་དུ་འགན་སྒྲུབ་བྱེད་པའི་བྱ་སྤྱོད་དངོས་ལ་བརྟེན་ནས་མི་དམངས་ཀྱི་འཐུས་མིས་མི་དམངས་བསམ་པའི་གཟི་བརྗིད་ཀྱི་འགན་འཁྲི་ལག་བསྟར་བྱས་པ་རེད། །
འཐབ་ལམ་གསར་བར་བྱས་རྗེས་འཇོག མ་འོངས་འབྱུང་འགྱུར་འབད་པས་བརྩོན།
ཡོང་ཁུངས། : ཀྲུང་གོ་བོད་ཀྱི་དྲ་བ།
སྤེལ་དུས། : 2023-03-14
རྩོམ་སྒྲིག་པ། : མཁའ་མཚོ་སྐྱིད།