ཀྲུང་གོ་བོད་ཀྱི་དྲ་བའི་འཕྲིན། ཟླ12པའི་ཚེས7ཉིན། གསར་འགོད་པས་མཚོ་སྔོན་ཞིང་ཆེན་རིག་གནས་ཡུལ་སྐོར་ཐིང་ནས་ཤེས་གསལ་ལྟར་ན། ཞིང་ཆེན་ཡོངས་ཀྱི“མཚོ་སྔོན་གྱི་འཚེམ་དྲུབ”ལས་ཞུགས་བཟོ་ཁང་དང“མཚོ་སྔོན་གྱི་འཚེམ་དྲུབ”གསར་གཏོད་ཞིབ་འཇུག་གསར་སྤེལ་ཇུས་འགོད་ཆུ་ཚད་མཐོ་རུ་བཏང་ནས། “མཚོ་སྔོན”གྱི་མིང་གྲགས་ཅན་གྱི་རིག་གནས་ཡུལ་སྐོར་སྤུས་རྟགས་དང་། རྒྱལ་སྤྱིའི་སྐྱེ་ཁམས་ཡུལ་སྐོར་བྱ་ཡུལ་བཏོད་པར་རོགས་འདེགས་བྱ་ཆེད། ཞིང་ཆེན་རིག་གནས་ཡུལ་སྐོར་ཐིང་གིས་གཙོ་གཉེར་དང་། གྲོང་ཁྱེར་དང་ཁུལ་སོ་སོའི་རིག་གནས་ཡུལ་སྐོར་ཅུའུ་དང་འབྲེལ་ཡོད་སྡེ་ཁག་གིས་སྒྲུབ་འགན་འཁུར་བའི2022ལོའི་ཞིང་ཆེན་ཡོངས་ཀྱི“མཚོ་སྔོན་གྱི་འཚེམ་དྲུབ”གསར་གཏོད་ཞིབ་འཇུག་གསར་སྤེལ་འགྲན་བསྡུར་ཆེན་མོ་དང་འགྲེམས་སྟོན་ཆེན་མོའི་བྱེད་སྒོ་སྤེལ་མགོ་ཚུགས།
ཐེངས་འདིའི་བྱེད་སྒོར“མཚོ་སྔོན་གྱི་འཚེམ་དྲུབ”གསར་གཏོད་ཞིབ་འཇུག་གསར་སྤེལ་ཇུས་འགོད་འགྲན་བསྡུར་ཆེན་མོ་དང་། “མཚོ་སྔོན་གྱི་འཚེམ་དྲུབ”གསར་གཏོད་ཞིབ་འཇུག་གསར་སྤེལ་ཇུས་འགོད་གཉིས་སུ་དབྱེ་ནས་དྲ་ཐོག་ཏུ་སྤེལ་ཞིང་། ཟླ12པའི་ཚེས2ཉིན་ནས་ཟླ12པའི་ཚེས20ཉིན་བར་རྒྱུན་མཐུད་ངང་སྤེལ།
2021ལོའི“མཚོ་སྔོན་གྱི་འཚེམ་དྲུབ”གསར་གཏོད་ཞིབ་འཇུག་གསར་སྤེལ་ཇུས་འགོད་འགྲན་བསྡུར་ཆེན་མོ་སྤེལ་བ་ནས་བཟུང་། ཞིང་ཆེན་ཡོངས་ཀྱི“མཚོ་སྔོན་གྱི་འཚེམ་དྲུབ”ལས་ཞུགས་བཟོ་ཁང་དང“མཚོ་སྔོན་གྱི་འཚེམ་དྲུབ”ཇུས་འགོད་གསར་གཏོད་ཀྱི་བརྩམས་ཆོས་འགྲན་བསྡུར་ཆེན་མོའི་བྱེད་སྒོའི་ཁྱད་ཆོས་མངོན་གསལ་དོད་པ་དང་། དེང་རབས་ཀྱི་རིན་ཐང་མངོན་པར་མ་ཟད། ནུས་ལྡན་ངང་ཁྲོམ་རའི་དགོས་མཁོ་དང་འབྲེལ་མཐུད་བྱས་ཡོད། “མཚོ་སྔོན་གྱི་འཚེམ་དྲུབ”གསར་གཏོད་ཞིབ་འཇུག་གསར་སྤེལ་ཇུས་འགོད་འགྲེམས་སྟོན་ཆེན་མོའི2022ལོའི་ཞིང་ཆེན་ཡོངས་ཀྱི“མཚོ་སྔོན་གྱི་འཚེམ་དྲུབ”གསར་གཏོད་ཞིབ་འཇུག་གསར་སྤེལ་ཇུས་འགོད་འགྲན་བསྡུར་ཆེན་མོའི་ཕུལ་བྱུང་བརྩམས་ཆོས་འགྲེམས་སྟོན་བྱས་པ་དང་། མང་ཚོགས་ཀྱི་བསམ་པའི་རིག་གནས་འཚོ་བ་ཕུན་ཚོགས་སུ་བཏང་སྟེ། མཚོ་སྔོན་གྱི་སྲོལ་རྒྱུན་རིག་གནས་ཀྱི་ཐུན་མོང་མ་ཡིན་པའི་ཁྱད་ཆོས་མངོན་ཡོད། །