ཀྲུང་གོ་བོད་ཀྱི་དྲ་བའི་འཕྲིན། ཟླ12པའི་ཚེས1ཉིན། གསར་འགོད་པས་རྒྱལ་ཁབ་ཁྲལ་དོན་སྤྱི་ཁྱབ་ཅུའུ་མཚོ་སྔོན་ཞིང་ཆེན་ཁྲལ་དོན་ཅུའུ་ནས་རྒྱུས་ལོན་པ་ལྟར་ན། 2022ལོའི་ཟླ1པོ་ནས་ཟླ11པའི་བར། མཚོ་སྔོན་ཞིང་ཆེན་གྱིས་བསྡོམས་པས་འཁོར་གྲུའི་དཔྱ་ཁྲལ་སྒོར་ཁྲི1325.1ཆག་ཡང་དུ་བཏང་། དེའི་ཁྲོད་སྤྱི་པའི་འགྲིམ་འགྲུལ་རླངས་འཁོར་དང་རླངས་འཁོར་གྱི་དཔྱ་ཁྲལ་སྒོར་ཁྲི357.4ཆག་ཡང་དུ་བཏང་བ་དང་། ནུས་རྒྱུ་གསར་པའི་རླངས་འཁོར་དང་གྲུ་གཟིངས་ཀྱི་དཔྱ་ཁྲལ་སྒོར་ཁྲི184.92རྩ་ཆག་བཏང་། ནུས་རྒྱུ་གྲོན་ཆུང་གི་རླངས་འཁོར་དང་གྲུ་གཟིངས་ཀྱི་དཔྱ་ཁྲལ་སྒོར་ཁྲི782.78ཇེ་ཉུང་དུ་བཏང་།
ད་ལོ་ནས་བཟུང་། རྒྱལ་ཁབ་ཁྲལ་དོན་སྤྱི་ཁྱབ་ཅུའུ་མཚོ་སྔོན་ཞིང་ཆེན་ཁྲལ་དོན་ཅུའུ་ཡིས་མཚོ་སྔོན་ཞིང་ཆེན་འགྲིམ་འགྲུལ་སྐྱེལ་འདྲེན་ཐིང་དང་ཀྲུང་གོ་དངུལ་ཁང་འགན་བཅོལ་ལྟ་སྐུལ་དོ་དམ་ཨུ་ཡོན་ལྷན་ཁང་མཚོ་སྔོན་ལྟ་སྐུལ་དོ་དམ་ཅུའུ་དང་མཉམ་འབྲེལ་སྒོས2021ལོར་འགྲེམས་སྤེལ་བྱས་པའི《མཚོ་སྔོན་ཞིང་ཆེན་སྤྱི་པའི་འགྲིམ་འགྲུལ་རླངས་འཁོར་གྱིས་འཁོར་གྲུའི་དཔྱ་ཁྲལ་སྒྲུབ་གཉེར་དང་དཔྱ་ཁྲལ་ཆག་ཡང་དང་རྩ་ཆག་གཏོང་བའི་འབྲེལ་ཡོད་ལས་དོན་སྐོར་གྱི་སྤྱི་བསྒྲགས》ཀྱི་རྨང་གཞིའི་སྟེང་། ཞིང་ཆེན་ཡོངས་ཀྱི་སྤྱི་སྤྱོད་རླངས་འཁོར་དང་འགྲུལ་སྐྱེལ་ཀུང་སི74ཡི་རླངས་འཁོར་གྱི་ཆ་འཕྲིན་ཚད་ལྡན་ངང་བརྒྱུད་སྤྲོད་བྱས་ནས། དཔྱ་ཁྲལ་འཇལ་མཁན་གྱིས་གཟིགས་སྐྱོང་སྲིད་ཇུས་ལོངས་སྤྱོད་བྱེད་པར་སྟབས་བདེ་བསྐྲུན། །