སྟོན་མགོ་ཚུགས་རྗེས་ཀྱི་ཐེམ་ཆེན་ལུང་བ།
ཀྲུང་གོ་བོད་ཀྱི་དྲ་བའི་འཕྲིན། དབྱར་གཞུང་ཚར་ནས་སྟོན་མགོ་ཚུགས་པ་དང་བསྟུན། མཚོ་སྔོན་ཞིང་ཆེན་མཚོ་ནུབ་སོག་རིགས་བོད་རིགས་རང་སྐྱོང་ཁུལ་ཐེམ་ཆེན་རྫོང་ཁོངས་ཀྱི་ཐེམ་ཆེན་ལུང་བའི་ཡུལ་ལྗོངས་ལྟ་ན་སྡུག་པ་ཞིག་ཡིན་ལ། གནས་དེ་རུ་ཕྱོགས་གཉིས་ཀྱི་རི་བོ་ཡིད་དུ་འོང་བར་བརྗིད་ཉམས་ལྡན་པ་ཞིག་ཡིན་པས། ཁྱེད་ཀྱིས་རང་བྱུང་ཁམས་ཀྱི་བཟོ་བཀོད་ཉམས་སུ་མྱངས་ཏེ་ཡ་མཚར་བའི་མཛེས་ལྗོངས་རོལ་མྱོང་བྱེད་ཐུབ།
ཐེམ་ཆེན་ལུང་བ་ནི་ཐེམ་ཆེན་རི་བོའི་ཤར་ལྷོའི་རྒྱུད་དུ་ཆགས་ཤིང་། རི་ཀླུང་ཀུན་ཏུ་གཙང་ཆུ་ལྷང་ལྷུང་དུ་བཞུར་བཞིན་ཡོད་ལ། ཁ་མདོག་རྣམ་པར་བཀྲ་བའི་བྲག་རྡོ་སྣ་ཚོགས་ཡོད་པ་མ་ཟད། གཞན་ད་དུང་རི་སྐྱེས་སྲོག་ཆགས་གསའ་དང་། ཤྭ་སྐྱ། གནའ་སོགས་ཡོད་པས་མི་སེམས་དབང་མེད་དུ་འགུགས་པའི་གནས་མཆོག་ཅིག་ཡིན། །