ཀྲུང་གོ་བོད་ཀྱི་དྲ་བའི་འཕྲིན། ཟླ10པའི་ཚེས21ཉིན་ནས་བཟུང་། མཚོ་སྔོན་ཞིང་ཆེན་དུ་བསྡོམས་པས་པྲོག་གསར་གློ་ཚད་རིམས་ནད་ཕོག་པའི་ནད་པ12ཡོད་པ་དང་། དེ་དག་རིག་ཚན་མང་པོ་དང་། ཀྲུང་ལུགས་དང་ཕྱི་ལུགས་གསོ་རིག་ཟུང་འབྲེལ་བྱེད་པ། སེམས་ཁམས་ཀྱི་སྨན་བཅོས་དང་འཚོ་བཅུད་རྒྱབ་སྐྱོར་སོགས“མི་གཅིག་ལ་བྱེད་ཐབས་གཅིག”གི་གནད་ཁེལ་སྨན་བཅོས་བྱེད་པ་བརྒྱུད། ཟླ11པའི་ཚེས30ཉིན། ནད་གཞི་གཏན་ཁེལ་བྱས་པའི་ནད་པ་ཨང10པ་ཡི་ལུས་དྲོད་ཉིན3ཡན་ལ་རྒྱུན་ལྡན་ཡིན་པ་དང་། དབུགས་ལམ་གྱི་ནད་རྟགས་མེད་པར་གྱུར། བྲང་ཁའིCTལས་ནད་ཕོག་ཚད་མངོན་གསལ་གྱི་ཇེ་ལེགས་སུ་ཕྱིན་ནས་སྣ་ཕྱིས་བུའི་ཉིང་སྐྱུར་བརྟག་དཔྱད་ཐེངས་གཉིས་བྱས་པའི་མཇུག་འབྲས་ཚང་མ་སྲིབ་གཤིས་ཡིན་པས། ཞིང་ཆེན་རིམ་པའི་སྨན་བཅོས་མྱུར་སྐྱོབ་ཆེད་མཁས་པའི་ཚན་ཆུང་གིས་དཔྱད་དཔོག་བྱས་པ་བརྒྱུད《པྲོག་གསར་གློ་ཚད་རིམས་ནད་ཀྱི་ནད་བརྟག་སྨན་བཅོས་ཇུས་གཞི（ཚོད་ལྟའི་པར་ངོས་བརྒྱད་པའི་བཟོ་བཅོས）》ལྟར། སྨན་ཁང་ནས་འབུད་པའི་ཚད་གཞི་དང་མཐུན་ཞིང་། སྨན་ཁང་ནས་བུད་རྗེས་མུ་མཐུད་དུ་དྲག་སྐྱེད་གསོ་བཅོས་བྱ་རྒྱུ་ཡིན་པ་རེད། །
རྩོམ་སྒྲིག་པ། ཚེ་རིང་རྒྱ་མཚོ།
མཚོ་སྔོན་གྱི་ནད་པ་ཨང10པ་སྨན་ཁང་ནས་བུད་པ།