སྔོ་ལྗང་གི་རི་ཆུ་ནི་ཆེས་མཛེས་པའི་གཞི་མདོག་ཏུ་འགྱུར་བར་བྱེད་དགོས།

མཚོ་སྔོན་ནི་གཙང་གསུམ་འབྱུང་ཡུལ་དང་། “ཀྲུང་ཧྭའི་ཆུ་ལྕོག”ཡིན་ལ། རྒྱལ་ཡོངས་སྐྱེ་ཁམས་བདེ་འཇགས་ཀྱི་ཁྱོན་ཡོངས་ཁྲོད་གོ་གནས་གལ་ཆེན་བཟུང་ཡོད་པ་དང་། དངོས་གནས་རྒྱལ་ཁབ་སྐྱེ་ཁམས་བདེ་འཇགས་སྲུང་ཡོལ་བརྟན་པོ་བཟོ་བའི་ཆབ་སྲིད་འགན་འཁྲི་ཁུར་ཡོད། ཉེ་བའི་ལོ་འདི་དག་གི་རིང་ལ། མཚོ་སྔོན་གྱིས་ཞིང་ཆེན་གནས་བབ་ཀྱི་ངོས་འཛིན་མུ་མཐུད་དུ་གཏིང་ཟབ་ཏུ་བཏང་ནས། རྒྱལ་ཡོངས་སུ་ཐོག་མར་རྒྱལ་ཁབ་སྤྱི་གླིང་གཙོ་གཞི་ཡིན་པའི་རང་བྱུང་སྲུང་སྐྱོབ་བྱ་ཡུལ་མ་ལག་དཔེ་སྟོན་ཞིང་ཆེན་བཙུགས་ཏེ། སྔོན་ཆད་རྒྱང་རིང་གི་ཡུལ་གྲུ་ཡིན་པའི་མཚོ་སྔོན་གྱིས་རྒྱལ་ཁབ་སྤྱི་གླིང་གི་མིང་ལ་བརྟེན་ནས་འཕེལ་རྒྱས་ཀྱི་གར་སྟེགས་སུ་བུད།

མཚོ་སྔོན་ལ་མཚོན་ནས་བཤད་ན། རྒྱལ་ཁབ་སྤྱི་གླིང་དཔེ་སྟོན་ཞིང་ཆེན་འཛུགས་རྒྱུ་ནི་ཞི་ཅིན་ཕིང་གི་སྐྱེ་ཁམས་དཔལ་ཡོན་དགོངས་པ་ལག་བསྟར་གཏིང་ཟབ་བྱེད་པའི་ལག་ལེན་དངོས་ཡིན་ལ། “ཆེ་ཤོས་གསུམ”གྱི་ཞིང་ཆེན་གནས་བབ་གཏན་འཁེལ་བྱེད་པའི་མངོན་འགྱུར་ལམ་བུ་དང་། སྐྱེ་ཁམས་སྔོན་ལ་འཇོག་པ་དང་། ལྗང་མདོག་འཕེལ་རྒྱས་ཁྲིད་ཕྱོགས་ཡིན་པའི་སྤུས་ཚད་མཐོ་བའི་འཕེལ་རྒྱས་དམ་འཛིན་བྱེད་ས་གཙོ་བོ་ཡིན། སྤྱི་ཁྱབ་ཧྲུའུ་ཅི་ཞི་ཅིན་ཕིང་མཚོ་སྔོན་འཐུས་ཚབ་ཚོགས་པའི་གྲོས་ཞིབ་ནང་ཞུགས་སྐབས་གསུང་བཤད་གལ་ཆེན་གྱི་དགོངས་དོན་ལག་བསྟར་དོན་འཁྱོལ་གཏིང་ཟབ་བྱ་དགོས་ལ། སྤུས་ཚད་མཐོ་བའི་འཕེལ་རྒྱས་ལ་བརྟེན་ནས་ཁྱོན་ཡོངས་ལ་སྤྱི་འདོམས་དང་། སྐྱེ་ཁམས་སྲུང་སྐྱོབ་བྱ་རྒྱུ་དེ་དཔལ་འབྱོར་འཕེལ་རྒྱས་དང་། དམངས་འཚོ་ལེགས་བསྒྱུར་སོགས་ཁྱབ་ཁོངས་ཀྱི་ཕྱོགས་སོ་སོའི་གོ་རིམ་ཡོངས་སུ་ཁྱབ་པར་བྱ་དགོས།

སྐྱེ་ཁམས་སྲུང་སྐྱོབ་བྱ་རྒྱུ་དེ་བློ་བརྟན་འགྱུར་མེད་ཀྱིས་སྤུས་ཚད་མཐོ་བའི་འཕེལ་རྒྱས་ཀྱི་ལམ་དུ་བསྐྱོད་པ་དང་དམངས་འཚོའི་བདེ་སྐྱིད་ལ་འཕར་སྣོན་གཏོང་བའི་སྔོན་སྐྱོད་པ་བྱེད་པ་དང་། སྐྱེ་ཁམས་སྲུང་སྐྱོབ་དང་དཔལ་འབྱོར་འཕེལ་རྒྱས་གཉིས་རྒྱལ་གྱི་རྣམ་པ་མངོན་དུ་འཇུག་པ། དོན་དངོས་ཀྱི་བྱ་སྤྱོད་ལ་བརྟེན་ནས་དངོས་གནས་སྐྱེ་ཁམས་བདེ་འཇགས་སྲུང་སྐྱོང་དང་། གཙང་གསུམ་འབྱུང་ཡུལ་སྲུང་སྐྱོབ། “ཀྲུང་ཧྭའི་ཆུ་ལྕོག”སྲུང་སྐྱོབ་བཅས་ཀྱི་ལས་འགན་གལ་ཆེན་ཕྲག་ཏུ་འཁུར་དགོས།

སྐྱེ་ཁམས་ནི་ཆེས་རྩ་ཆེ་བའི་རང་བྱུང་རྒྱུ་ནོར་ཡིན་ལ། ཆེས་རྒྱུན་སྐྱོང་ཐུབ་པའི་དཔལ་འབྱོར་རྒྱུ་ནོར་ཡིན། རྒྱལ་ཁབ་སྤྱི་གླིང་དཔེ་སྟོན་ཞིང་ཆེན་འཛུགས་སྐྲུན་ལ་སྐུལ་འདེད་གཏོང་བའི་ཁྲོད། སྐྱེ་ཁམས་ཀྱི་རིན་ཐང་དང་། སྐྱེ་ཁམས་འགན་འཁྲི། སྐྱེ་ཁམས་བག་ནུས་བཅས་ཀྱི་ནང་གནས་གཏན་ཚིགས་ལ་དོ་སྣང་དང་། སྐྱེ་ཁམས་ལེགས་པོ་དེ་ནི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ཁོར་ཡུག་བཟང་ཕྱོགས་སུ་བསྒྱུར་ནས། སྐྱེ་ཁམས་རིན་ཐང་གི་རིན་སྲུང་རིན་འཕར་མུ་མཐུད་དུ་མངོན་འགྱུར་འབྱུང་བར་བྱེད་དགོས། དུས་མཚུངས་སུ། བློ་བརྟན་འགྱུར་མེད་ཀྱིས“རི་བོ་གཉིས”ཀྱི་འདུ་ཤེས་ལག་བསྟར་བཟང་པོ་བྱེད་པ་དང་། རྒྱལ་ཁབ་སྤྱི་གླིང་དཔེ་སྟོན་ཞིང་ཆེན་འཛུགས་སྐྲུན་བྱེད་པའི་གནད་འགག་གི་བྱེད་ཐབས་འདི་ལ་དམ་པོར་དམིགས་ཏེ། ཐོན་ཁུངས་ཟད་གྲོན་གྱི་ཡས་མཐའ་དང་ཁོར་ཡུག་སྤུས་ཀའི་མས་མཐའ། སྐྱེ་ཁམས་སྲུང་སྐྱོབ་ཀྱི་དམར་ཐིག་བཅས་དམ་སྲུང་བྱས་ཏེ། ཐོན་ལས་གྲུབ་ཚུལ་དང་། བར་སྟོང་གྲུབ་ཚུལ། ནུས་ཁུངས་གྲུབ་ཚུལ་དང་འཛད་སྤྱོད་གྲུབ་ཚུལ་གྱི་རིགས་བསྒྱུར་ལ་མྱུར་དུ་སྐུལ་འདེད་བཏང་ནས། སྔོ་ལྗང་གི་རི་ཆུ་ནི་རྒྱལ་ཁབ་སྤྱི་གླིང་གི་ཆེས་མཛེས་པའི་གཞི་མདོག་ཏུ་འགྱུར་དུ་འཇུག་པ་དང་། སྐྱེ་ཁམས་མཛེས་ལ། ཐོན་ལས་ལེགས་པ། མང་ཚོགས་ཕྱུག་པ་བཅས་གཅིག་གྱུར་འབྲེལ་མཐུད་ཡོང་བ་མངོན་འགྱུར་བྱ་དགོས། །

རྩོམ་སྒྲིག་པ། མཁའ་མཚོ་སྐྱིད།

དཔྱད་མཆན 0 ཡོད།