མཚོ་སྔོན་ཉེན་རྟོག་ཕྱོགས་ཀྱིས་བྱ་དགའ་བྱིན་ནས་འཛིན་བཟུང་བྱེད་ཀྱིན་པའི་ནག་འབྲེལ་ཉེས་ཅན31པོ་ཚང་མ་རྩད་ཆོད་པ།
ཀྲུང་གོ་བོད་ཀྱི་དྲ་བའི་འཕྲིན། ཟླ11པའི་ཚེས17ཉིན་གྱི་དུས་ཚོད13སྟེང་། ནག་ཉེས་མཁན་ཏའོ་ཡུང་ཧྥུའུ་ཡུན་ནན་ནས་རྙིད་རྒྱ་རུ་ཚུད་པ་དང་བསྟུན་ནས།རང་ཞིང་གི་སྤྱི་བདེ་ལས་ཁུངས་ཀྱིས་བྱ་དགའ་བྱིན་ནས་འཛིན་བཟུང་བྱེད་ཀྱིན་པའི་ནག་འབྲེལ་ཉེས་ཅན31པོ་ཚང་མ་རྩད་ཆོད་པ་དང་།ནག་འཇོམས་ངན་སེལ་གྱི་ཉེས་ཅན་མེད་པར་བཟོ་བའི་བྱ་འགུལ་མཇུག་སྒྲིལ།
ཀྲུང་དབྱང་དང་ཞིང་ཆེན་ཏང་ཨུ།ཞིང་ཆེན་མི་དམངས་སྲིད་གཞུང་།སྤྱི་བདེ་ལས་ཁུངས་ཀྱིས་ནག་འཇོམས་ངན་སེལ་ལ་རྒྱལ་ཁ་ཕུ་ཐག་ཆོད་པ་ལེན་པའི་ཆེད་སྤྱོད་འཐབ་རྩོད་ཀྱི་བཀོད་སྒྲིག་འོག མཚོ་སྔོན་ཞིང་ཆེན་སྤྱི་བདེ་ཐིན་གྱིས་ལངས་ཕྱོགས་མཐོ་རུ་གཏོང་བ་དང་། འགན་འཁྲི་ཇེ་དྲག་ཏུ་བཏང་ནས་ནག་འཇོམས་ངན་སེལ་གྱི་ཆེད་སྤྱོད་འཐབ་རྩོད་གཏིང་ཟབ་ཏུ་སྤེལ། 2019ལོའི་ཟླ11པར། ནག་འཇོམས་ངན་སེལ་གྱི་ཆེད་སྤྱོད་འཐབ་རྩོད་གཏིང་ཟབ་ཏུ་སྤེལ་བ་དང་། ནག་ཉེས་སྟོབས་ཤུགས་ལ་རྒོལ་རྡུང་བཏང་ནས། ཞིང་ཆེན་སྤྱི་བདེ་ཐིན་གྱི་སགཅིག་གྱུར་བཀོད་སྒྲིག་སྒོས“ཉིན་བརྒྱའི་འཛིན་བཟུང”གི་བྱ་འགུལ་སྤེལ་ཏེ། སྤྱི་བསྒྲགས་ངང་དོགས་ཡོད་ཉེས་ཅན་31པོ་ཚང་མ་འཛིན་བཟུང་བྱས།
ནག་འཇོམས་ངན་སེལ་གྱི་ཆེད་སྤྱོད་འཐབ་རྩོད་སྤེལ་བའི་རིང་ལ།མཚོ་ཤར་གྲོང་ཁྱེར་ཧུའུ་ཀྲུའུ་ཧོར་རིགས་རང་སྐྱོང་རྫོང་སྤྱི་བདེ་ཅུའུ་ཡིས་ཏའོ་ཡུང་ཧྥུའུ་སོགས་གཙོས་པའི་ཉེས་ཅན་གྱི་ཤོ་རྒྱག་ས་དང་།མགོ་གཡོག་མགོ་སྐོར་སོགས་ཀྱི་ནག་ཉེས་ཚོགས་པ་མེད་པར་བཟོས།།
རྩོམ་སྒྲིག་པ། རིག་ལྡན་རྒྱ་མཚོ།
མཚོ་སྔོན་ཉེན་རྟོག་ཕྱོགས་ཀྱིས་ནག་འབྲེལ་ཉེས་ཅན31ཚང་མ་རྩད་ཆོད་པ།