ཀྲུང་གོ་བོད་ཀྱི་དྲ་བའི་འཕྲིན། ཟླ10བའི་ཚེས27ཉིན། ཞིང་ཆེན་སྲིད་གཞུང་གི་ཏང་ཙུའི་ཁོངས་མི། ཞིང་ཆེན་སྲིད་གཞུང་གི་དྲུང་ཡིག་ཆེན་མོ་ཀྲང་ཧོང་ཡོན་གྱིས་ཞིང་ཆེན་ཞིང་ལས་གྲོང་གསེབ་ཐིན་གྱི་འགན་འཁུར་བློ་མཐུན་གྱི་སྣེ་ཁྲིད་དེ་མཚོ་ཤར་གྲོང་ཁྱེར་ལེ་ཏུའུ་ཆུས་དང་། ཧུའུ་ཀྲུའུ་ཧོར་རིགས་རང་སྐྱོང་རྫོང་། ཟི་ལིང་གྲོང་ཁྱེར་ཏ་ཐུང་ཧའེ་རིགས་ཧོར་རིགས་རང་སྐྱོང་རྫོང་བཅས་སུ་ཕེབས་ནས་ཕག་གི་ཐོན་སྐྱེད་ལས་དོན་ལ་བརྟག་ཞིབ་དང་ལྟ་སྐུལ་མཛུབ་ཁྲིད་གནང་བ་རེད།
ཕག་གསོའི་ལས་དོན་ལ་བརྟག་ཞིབ་དང་ལྟ་སྐུལ་སློབ་སྟོན་བྱེད་སྐབས་ཕག་གསོའི་ལས་ཀ་སླར་གསོ་བྱེད་དགོས་པ་དང་། ཚོང་རའི་མཁོ་སྤྲོད་འགན་སྲུང་། རིན་གོང་བརྟན་སྲུང་། ཁྱོན་ཡོངས་ལ་བསམ་བློ་གཏོང་བ་བཅས་བྱས་ནས། འགན་འཁྲི་ལྕི་བས་ས་གནས་ཁག་དང་འབྲེལ་ཡོད་སྡེ་ཁག་ཁག་གིས་ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་དང་ཞིང་ཆེན་སྲིད་གཞུང་གི་ཐབས་ཇུས་བཀོད་སྒྲིག་ལག་བསྟར་གཏིང་ཟབ་བྱེད་དགོས་པ་མ་ཟད། རོགས་སྐྱོར་བྱེད་ཐབས་ལ་ཤུགས་སྣོན་རྒྱག་པ་དང་། དམིགས་འབེན་དང་ལས་འགན་ལ་ཞིབ་བསྡུར་བྱ་དགོས་ཤིང་། ལས་ཡུན་གྱི་གོ་རིམ་ལྡོག་སྒྲིག་བྱས་ནས་འགག་རྩའི་ལྷུ་ཚིགས་ལ་དམ་པོར་དམིགས་པ་དང་། ལྟ་སྐུལ་སློབ་སྟོན་དང་ཞིབ་བཤེར་བྱེད་ཤུགས་ཆེ་རུ་གཏོང་བ། ཐབས་བརྒྱ་ཇུས་སྟོང་གིས་དཀའ་ངལ་དང་འགྲན་སློང་ཁྱད་བསད་བྱེད་པ། གཞི་ཁྱོན་ཅན་གྱི་གསོ་སྤེལ་ར་བའི་འཛུགས་སྐྲུན་མྱུར་ཚད་མགྱོགས་སུ་གཏོང་བ། འཚོ་བཅུད་ཁ་གསབ་བྱེད་པ། ཐོན་ནུས་གསར་སྣོན་དང་ཐོན་སྐྱེད་བྱེད་ཚད་མང་དུ་གཏོང་བ་བཅས་ལ་སྐུལ་འདེད་བཏང་སྟེ། ཚོང་རའི་ཕག་ཤའི་མཁོ་སྤྲོད་འགན་སྲུང་བྱེད་པ་དང་། རྒྱལ་ཁབ་ཀྱིས་དོན་པའི་ཕག་གི་ཐོན་སྐྱེད་སླར་གསོའི་དམིགས་འབེན་དང་ལས་འགན་འགྲུབ་དུ་འཇུག་དགོས། །
རྩོམ་སྒྲིག་པ། བདེ་ལེགས་མཚོ།
ཞིང་ཆེན་སྲིད་གཞུང་གི་འགོ་ཁྲིད་ཀྱིས་ཕག་གི་ཐོན་སྐྱེད་ལས་དོན་ལ་བརྟག་ཞིབ་དང་ལྟ་སྐུལ་མཛུབ་ཁྲིད་གནང་བ།