མཚོ་སྔོན་རྒྱལ་ཁབ་སྤྱི་གླིང་དཔེ་སྟོན་ཞིང་ཆེན་གྱི་རོང་འབྲོག་པའི་སྣོད་བཅུད་པར་ལེན་གྲུབ་འབྲས་འགྲེམས་སྟོན་གྱི་ཡུལ་དངོས།
ཀྲུང་གོ་བོད་ཀྱི་དྲ་བའི་འཕྲིན། “ས་གནས་དེ་གའི་འབྲོག་པས་རང་འགུལ་ངང་པར་ཆས་བཟུང་ནས་རྒྱལ་ཁབ་སྤྱི་གླིང་གི་རི་སྐྱེས་སྲོག་ཆགས་ཟིན་ཐོར་བཀོད་ཡོད། འདི་འདྲའི་རྨང་གཞི་སྟེང་། ང་ཚོས་ཁོ་ཚོའི་སྒྲིག་ཆས་རིམ་སྤོར་ལ་རོགས་རམ་དེ་བས་ཀྱང་བྱ་དགོས། ཁོ་ཚོར་རྒྱབ་སྐྱོར་བྱས་རྗེས་ད་གཟོད་དེ་རིང་གི་གྲུབ་འབྲས་འདི་ཐོབ་པ་རེད། ཅེས་“ཀྲུང་གོའི་རི་སྐྱེས”ལས་དོན་ཁང་གི་སྲོལ་གཏོད་མཁན་ཆི་ཀྲེ་ནུང་གིས་ཚེས28ཉིན་མཚོ་སྔོན་རྒྱལ་ཁབ་སྤྱི་གླིང་དཔེ་སྟོན་ཞིང་ཆེན་གྱི་རོང་འབྲོག་པའི་སྣོད་བཅུད་པར་ལེན་གྲུབ་འབྲས་འགྲེམས་སྟོན་ཐོག་དེ་ལྟར་བཤད།
མཚོ་སྔོན་ནི་འབྲི་ཆུ་དང་རྨ་ཆུ། རྫ་ཆུ་བཅས་ཀྱི་འབྱུང་ཁུངས་ཡིན། སྔོན་ནས“ཀྲུང་ཧྭའི་ཆུ་གསོག་མཐོ་ལྕོག”ཅེས་པའི་མཚན་སྙན་ཡོད། དེ་ལས་གཞན་རང་རྒྱལ་གྱི་སྣོད་བཅུད་བདེ་འཇགས་སྲུང་ཡོལ་གལ་ཆེན་ཞིག་དང་འཛམ་གླིང་གི་གནམ་གཤིས་འགྱུར་ལྡོག་གི་འགོ་འཛུགས་ཁུལ་དང་ཚོར་སྐྱེན་ཁུལ་ཞིག་ཡིན་ལ། འཛམ་གླིང་ཡོངས་ཀྱི་སྐྱེ་དངོས་སྣ་མང་རང་བཞིན་ཆེས་ཕུན་སུམ་ཚོགས་པའི་ས་ཁུལ་གྱི་གྲས་ཤིག་ཀྱང་ཡིན།
ཚེ་བརྟན་གྱིས་ལྟ་སྐོར་བར་རང་ཉིད་ཀྱི་བརྩམས་ཆོས་འགྲེལ་བཤད་བྱེད་བཞིན་པ།
ཉེ་བའི་ལོ་ཤས་རིང་། མཚོ་སྔོན་དུ་རོང་འབྲོག་པ་ཁག་གཅིག་གིས་རང་འགུལ་ངང་སྒྲིག་འཛུགས་བྱས་པའི“སྣོད་བཅུད་པར་ལེན་རུ་ཁག”ལ་འཕེལ་རྒྱས་ཆེན་པོ་བྱུང་ཡོད། ཁོ་ཚོས་རྨ་འབྲི་གསུམ་འབྱུང་ཡུལ་དང་མཚོ་སྔོན་པོ་དང་། མདོ་ལ་རིང་མོ། ཁུ་ནུ་རི་བོའི་དད་གུས་དང་གོང་བཀུར། ད་དུང་ཕ་ཡུལ་གྱི་དགའ་ཞེན་བཅས་ཀྱི་བརྩེ་བ་སེམས་ལ་ཉར་ཏེ། མཚོ་སྔོན་གྱི་སྐྱེ་ཁམས་དྲིལ་བསྒྲགས་དང་སྲུང་སྐྱོང་བྱེད་པའི་“སོན་འདེབས་འཕྲུལ་འཁོར”རམ“དྲིལ་བསྒྲགས་རུ་ཁག”ཏུ་གྱུར་ཡོད། མཚོ་སྔོན་གྱི་སྐྱེ་ཁམས་དཔལ་ཡོན་འཛུགས་སྐྲུན་ལ་སྐུལ་འདེད་གཏོང་བར་བྱས་རྗེས་བཞག་ཡོད།
ཤེས་རྟོགས་བྱུང་བར་གཞིགས་ན། “སྣོད་བཅུད་པར་ལེན་རུ་ཁག”གི་རོང་འབྲོག་པར་མཚོ་སྔོན་ཞིང་ཆེན་ནགས་ལས་དང་རྩྭ་ཐང་ཅུས་དང་མཚོ་སྔོན་ཞིང་ཆེན་པར་བའི་མཐུན་ཚོགས་སོགས་སྡེ་ཚན་གྱི་གསོ་སྦྱོང་དང་མཛུབ་ཁྲིད་བྱས་པར་གྲུབ་འབྲས་བཟང་པོ་ཐོབ་ཡོད། པར་ལེན་བརྩམས་ཆོས་འབོར་ཆེན་ཞིག་ལ་རྒྱལ་ཁབ་ཕྱི་ནང་གི་པར་རིས་འགྲེམས་སྟོན་དང་པར་ལེན་འགྲན་བསྡུར་ཐོག་བྱ་དགའ་ཆེན་པོ་ཐོབ་པ་མ་ཟད། རྒྱལ་སྤྱིའི་དོ་སྣང་ཡང་ཐོབ་ཡོད། །
རྩོམ་སྒྲིག་པ། ཚེ་རིང་དོན་འགྲུབ།
མཚོ་སྔོན་ནས་རོང་འབྲོག་པའི“སྣོད་བཅུད་པར་ལེན་རུ་ཁག”གི་བརྙན་རིས་འགྲེམས་སྟོན་ཐེངས་དང་པོ་བསྡུས་པ།