ཀྲུང་གོ་བོད་ཀྱི་དྲ་བའི་འཕྲིན། ཟླ10བའི་ཚེས27ཉིན། གསར་འགོད་པས་མཚོ་ཤར་གྲོང་ཁྱེར་ཧུའུ་ཀྲུའུ་ཧོར་རིགས་རང་སྐྱོང་རྫོང་འགྲིམ་འགྲུལ་ཅུའུ་ནས་ཤེས་རྟོགས་བྱུང་བ་ལྟར་ན། “ལོ་ལྔ་ཚན་བཅུ་གསུམ་པའི”སྐབས་སུ་ཧུའུ་ཀྲུའུ་རྫོང་གིས་དབུལ་ཕོངས་ས་ཁུལ་གྱི་གྲོང་གསེབ་ཀྱི་གཞུང་ལམ་སྤྱི་ལེ1459.7དང་། ཟམ་པ59། ཕུག་ལམ316བཅས་བསྐྲུན་ཅིང་། མ་དངུལ་སྒོར་དུང་ཕྱུར4.85བཏང་བ་རེད། རྫོང་ཡོངས་ཀྱི་ཤང་དང་གྲོང་རྡལ19དང་སྲིད་འཛིན་གྲོང་ཚོ294ལ་གཞུང་ལམ་ཤར་གཏོང་ཐུབ་པ་དང་ཚང་མ་ཨར་འདམ་གྱི་གཞུང་ལམ་ཡིན་པ་མ་ཟད། རྫོང་ཡོངས་ཀྱི་ཤིན་ཏུ་དབུལ་བའི་གྲོང་ཚོ118ཀྱི་བགྲོད་ལམ་གྱི་རྨང་གཞིའི་སྒྲིག་བཀོད་ཕྱོགས་ཡོངས་ནས་མཐོ་རུ་ཕྱིན་ཡོད།
གནད་སྨིན་དབུལ་སྐྱོར་དང་རྒྱལ་ཁབ་གསར་སྤེལ་དངུལ་ཁང་གི་དབུལ་སྐྱོར་དངུལ་བུན་ཐེབས་རྩའི་རྣམ་གྲངས་བརྒྱུད་དེ། མ་དངུལ་སྒོར་དུང་ཕྱུར2.7བཏང་ནས་དབུལ་ཕོངས་ས་ཁུལ་དུ་སྤྱི་ལེ533.8ཀྱི་ཐོན་ཁུངས་ལམ་དང་། ཡུལ་སྐོར་ལམ། ཐོན་ལས་ལམ་བཅས་བསྐྲུན་རྒྱུར་རྒྱབ་སྐྱོར་བྱས་པ་དང་། ཕིང་ཨན་དང་ཧུའུ་ཀྲུའུ། ཏ་ཐུང་། ཀྲ་ཉན་གཞུང་ལམ་སོགས་རིམ་པ་གཉིས་པའི་གཞུང་ལམ་སྔ་རྗེས་སུ་བསྐྲུན་པ་དང་། ཏུང་ཡོན་དང་། ཧྭ་ལིན། ཁ་ཙི་ཀུ། ཧྥེང་ཐའེ་ཀུ་སོགས་ཕུག་ལམ4བསྐྲུན་ནས་རླངས་འཁོར་ཤར་གཏོང་ཐུབ་པས། ཧུའུ་ཀྲུའུ་རྫོང་དུ་ཕུག་ལམ་མེད་པའི་ལོ་རྒྱུས་མཇུག་རྫོགས་པ་རེད། །
རྩོམ་སྒྲིག་པ། བདེ་ལེགས་མཚོ།
མཚོ་ཤར་ཁུལ་གྱིས་ལོ་ལྔའི་ནང་དབུལ་ཕོངས་ས་ཁུལ་གྱི་གྲོང་གསེབ་ཀྱི་གཞུང་ལམ་སྤྱི་ལེ1459.7བསྐྲུན་པ།