ཀྲུང་གོ་བོད་ཀྱི་དྲ་བའི་འཕྲིན། ཟླ9པའི་ཚེས7ཉིན། 2020ལོའི་རྒྱལ་ཡོངས་སྐྱེ་ཁམས་དཔལ་ཡོན་དང་སླར་སྐྱེས་ཐོན་ཁུངས་ལས་རིགས་ཚོགས་འདུའམ་མཚོ་སྔོན་སྐྱེ་ཁམས（ཐོན་ལས）དངོས་མང་སྟོན་ཚོགས་ཀྱི་སླར་སྐྱེས་ཐོན་ཁུངས་འཕེལ་རྒྱས་གླེང་སྟེགས་དེ་ཟི་ལིང་དུ་འཚོགས། རྒྱལ་ཡོངས་སླར་སྐྱེས་ཐོན་ཁུངས་ལས་རིགས་ཀྱི་ཆེད་མཁས་པས་སླར་སྐྱེས་ཐོན་ཁུངས་ལས་རིགས་འཕེལ་རྒྱས་ཀྱི་འདུ་ཤེས་གསར་པ་དང་སླར་སྐྱེས་ཐོན་ཁུངས་ཚུར་བསྡུ་དང་བེད་སྤྱོད་ཀྱི་བསམ་ཕྱོགས་གསར་པ་སྤྱད་དེ་གཙོ་དོན་གཏམ་བཤད་གནང་ནས་སྐྱེ་ཁམས་དཔལ་ཡོན་འཛུགས་སྐྱོང་ལ་རམ་འདེགས་བྱས།
ཉེ་བའི་ལོ་འགའི་རིང་། མཚོ་སྔོན་གྱིས་སླར་སྐྱེས་ཐོན་ཁུངས་ལས་རིགས་ཕྱོགས་སྒྱུར་རིམ་སྤོར་ཇེ་མགྱོགས་སུ་བཏང་ནས་སླར་སྐྱེས་ཐོན་ཁུངས་ལས་རིགས་གནོད་མེད་ཅན་དང་། ཚད་གཞི་ཅན། ཚད་ལྡན་ཅན། གཞི་ཁྱོན་ཅན་བཅས་ཀྱི་འཛུགས་སྐྲུན་ལ་འཚོལ་ཞིབ་དང་སྐུལ་འདེད་བཏང་བས་སྐྱེ་ཁམས་དཔལ་ཡོན་འཛུགས་སྐྱོང་དང་ལྗང་མདོག་འཕེལ་རྒྱས་ལ་གྲུབ་འབྲས་མངོན་གསལ་དོད་པོ་ཐོབ་ཡོད། “མཚོ་སྔོན་གྱི་གློག་ཤུགས་ཧི་ནན་དུ་འདྲེན་པའི”ལས་གྲྭ་དང་ཆན་ཝ་ཁྲི་སྟོང་རིམ་པའི་ནུས་རྒྱུ་གསར་པའི་རྟེན་གཞི་གཉིས་བསྐྲུན་ནས་རིམ་རྩིས་བྱས་ན་དྲ་སྦྲེལ་གྱི་ནུས་རྒྱུ་གཙང་མ་ཆན་ཝ་ཁྲི་280ཐོན་པ་དང་། སྒྲིག་སྦྱོར་བྱས་པའི་འཕྲུལ་འཁོར་གྱིས་བསྡུར་གྲངས་ཀྱི་88%བཟུང་ནས་ནུས་རྒྱུ་གཙང་མ་གསར་སྤེལ་བེད་སྤྱོད་ཀྱི་ཆུ་ཚད་རྒྱལ་ཡོངས་ཀྱི་ཨང་དང་པོར་སླེབས་ཡོད། སྒོར་དུང་ཕྱུར་སྟོང་རིམ་པའི་ཐོན་ལས་རྟེན་གཞི5དང་། ཐོན་ལས་ཁྱུ་ཚོགས10། འཁོར་སྐྱོད་ཐོན་ལས་ཕྲེང་བ12བཅས་བསྐྲུན་ནས་རྒྱལ་ཡོངས་ཀྱི་སྐྱེ་ལྡན་འབྲོག་ལས་ཐོན་སྐྱེད་རྟེན་གཞི་ཆེ་ཤོས་དང་། ཆུ་གྲང་ཉ་རིགས་ཐོན་སྐྱེད་རྟེན་གཞི། སྐྱེ་ལྡན་འཕང་འབྲས་ཐོན་སྐྱེད་རྟེན་གཞི་བཅས་བསྐྲུན་ཡོད། “སྙིགས་མེད་གྲོང་ཁྱེར”གྱི་ཚོད་ལྟའི་འཛུགས་སྐྲུན་ལ་སྐུལ་འདེད་ཤུགས་ཆེན་བཏང་ནས་ཟི་ལིང་གིས་འཚོ་བའི་གད་སྙིགས་བསྡུ་འདྲེན་དྲ་བ་དང་སླར་སྐྱེས་ཐོན་ཁུངས་ཚུར་བསྡུའི་དྲ་རྒྱའི་“དྲ་གཉིས་མཉམ་འདྲེས”དང“གསོ་ཚགས-སྙིགས་དངོས་ཐོན་ཁུངས་ཅན-འདེབས་འཛུགས་ལས་རིགས”བཅས་ཀྱིས་སྐྱེ་ཁམས་འབྲོག་ར་འཁོར་རྒྱུག་བེད་སྤྱོད་གཏོང་བའི་བྱ་ཐབས་བཟོས་ཏེ་ཟ་ཁང་གི་གད་སྙིགས་བསྡུ་འདྲེན་གཙང་བཅོས་ཀྱི“ཟི་ལིང་གི་བྱ་ཐབས”རྒྱལ་ཡོངས་ཀྱི་མདུན་གྲལ་དུ་སླེབས་ཡོད།
གླེང་སྟེགས་ཐོག“གྲོང་ཁྱེར་ལྗང་མདོག་འཕེལ་རྒྱས་དང་སླར་སྐྱེས་ཐོན་ཁུངས་ཐོན་ལས་སྦྲེལ་ཐག་གཏོད་པའི”བརྗོད་དོན་གཙོ་བོར་དམིགས་ཏེ་གྲོང་ཁྱེར་གྱི་ལྗང་མདོག་འཕེལ་རྒྱས་ཇུས་ཆེན་ལ་ཐུན་མོང་ཐོག་གྲོས་བསྡུར་བྱས་པ་དང་། སླར་སྐྱེས་ཐོན་ཁུངས་ཐོན་ལས་ལྗང་མདོག་ཅན་དང་འཁོར་རྒྱུག་ཅན། ཆེད་ལས་ཅན་བཅས་ཀྱི་འཕེལ་རྒྱས་ཀྱི་མདུན་ལྗོངས་ལ་རྒྱང་ལྟ་བྱས། གླེང་སྟེགས་ཐོག་ད་དུང་སླར་སྐྱེས་ཐོན་ཁུངས་ལས་རིགས་ཀྱི་འབྲེལ་ཡོད་ཆེད་མཁས་པ་གདན་དྲངས་ནས་བཞུགས་མོལ་བྱས་པ་རེད། །
རྩོམ་སྒྲིག་པ། རིག་འཛིན་ལྷ་མོ།
མཚོ་སྔོན་གྱི་སྐྱེ་ཁམས（ཐོན་ལས）དངོས་མང་སྟོན་ཚོགས་ཀྱི་སླར་སྐྱེས་ཐོན་ཁུངས་འཕེལ་རྒྱས་གླེང་སྟེགས་འཚོགས་པ།