ཀྲུང་གོ་བོད་ཀྱི་དྲ་བའི་འཕྲིན། ཟླ9པའི་ཚེས1ཉིན། རིམས་ནད་སྔོན་འགོག་ཚོད་འཛིན་ལས་དོན་གྱི་བཀོད་སྒྲིག་གཞིར་བཟུང་། མཚོ་སྔོན་གྱི་སྐྱེ་ཁམས（ཐོན་ལས）དངོས་མང་སྟོན་ཚོགས་དང་བོད་ཀྱི་ས་གདན་འགྲེམས་སྟོན་སྒྲིག་འཛུགས་ཨུ་ལྷན་རིམས་ནད་སྔོན་འགོག་ཚོད་འཛིན་པུའུ་ཡིས་མཚོ་སྔོན་རྒྱལ་སྤྱིའི་འགྲེམས་ཚོགས་ལྟེ་གནས་ཐང་ཆེན་དུ་པྲོག་གསར་གློ་ཚད་རིམས་ནད་སྔོན་འགོག་ཚོད་འཛིན་གྱི་འཕྲལ་སྡོམ་ཐག་གཅོད་ནང་སྦྱོང་རྩ་འཛུགས་བྱས། རྒྱལ་ཁབ་ཐོལ་བྱུང་དོས་དྲག་རིམས་ནད་སྔོན་འགོག་ཚོད་འཛིན་རུ་ཁག（མཚོ་སྔོན）དང་། ཟི་ལིང་གྲོང་ཁྱེར་དང་མཁར་དཀྱིལ་ཁུལ་གྱི་ཐོལ་བྱུང་དོས་དྲག་རིམས་ནད་འཕྲལ་སྡོམ་རུ་ཁག གནས་གཏན་གསོལ་ཁང་། འགྲེམས་ཚོགས་ལྟེ་གནས། བདེ་སྲུང་འཕྲོད་བསྟེན་སོགས་སྡེ་ཚན་གྱི་ལས་དོན་མི་སྣ80ལྷག་ནང་སྦྱོང་དུ་ཞུགས།
མཛུབ་ཁྲིད་ལ་ཤུགས་སྣོན་རྒྱག་ཆེད། ཆེད་དུ་ནང་སྦྱོང་གི་མ་ཡིག་བཟོས་ནས་སྦྱོང་ཚན་གསུམ་བརྒྱུད་དེ་སྐྱེ་ཁམས་དངོས་མང་སྟོན་ཚོགས་གཉེར་རིང“ནད་རྟགས་ཅན་གྱི་ནང་དཔེ”བྱུང་བ། མཉམ་འགོག་མཉམ་བཅོས་ཀྱི་ལམ་སྲོལ་ལག་ལེན་བསྟར་བ། ནད་པ་གནས་བརྗེ་དང་ཡུལ་དངོས་ཐག་གཅོད། མཐར་རིམས་ནད་གཙང་སེལ་སོགས་ཚན་པ་རེ་རེ་བཞིན་སྦྱོང་བརྡར་བྱས། ནང་སྦྱོང་དེ་དངོས་མང་སྟོན་ཚོགས་ཀྱི་དོན་དངོས་དང་དམ་པོར་བསྟུན་ནས་རྣམ་པ་བཀོད་སྒྲིག་དང་རིམས་ནད་ལད་ཟློས། མཉམ་འགོག་མཉམ་སྲུང་། འཕྲལ་སྡོམ་ཐག་གཅོད། རིམས་ནད་གཙང་སེལ་སོགས་ཀྱི་ལྷུ་ཚིགས་བརྒྱུད་སྔོན་འགོག་ཚོད་འཛིན་རུ་ཁག་གི་སྐྱེལ་འདྲེན་དང་བཀོད་འདོམས། མཐུན་སྦྱོར། མཉམ་འགུལ། གཞོགས་འདེགས་སོགས་ཕྱོགས་བསྡུས་ནུས་པ་ཁྱོན་ཡོངས་ནས་ཞིབ་བཤེར་བྱས་ཏེ་སྡེ་ཚན་ཁག་གི་མཐུན་སྦྱོར་སྔོན་འགོག་ཚོད་འཛིན་གྱི་དངོས་འཐབ་ཆུ་ཚད་མཐོར་འདེགས་ནུས་ལྡན་བཏང་ནས་སྐྱེ་ཁམས་དངོས་མང་སྟོན་ཚོགས་བདེ་བླག་ངང་འགྲུབ་པར་འགན་ལེན་ནུས་ལྡན་བྱས། །
རྩོམ་སྒྲིག་པ། རིག་འཛིན་ལྷ་མོ།
སྐྱེ་ཁམས་དངོས་མང་སྟོན་ཚོགས་ཀྱིས་པྲོག་གསར་གློ་ཚད་རིམས་ནད་སྔོན་འགོག་ཚོད་འཛིན་གྱི་འཕྲལ་སྡོམ་ཐག་གཅོད་ནང་སྦྱོང་བྱས་པ།