ཨ་མདོ་རྫོང་གི་ཉེན་རྟོག་པས་གཞུང་ལམ་ཤར་གཏོང་འགན་ལེན་བྱས་པ།

1.jpg

ཀྲུང་གོ་བོད་ཀྱི་དྲ་བའི་འཕྲིན། ཟླ3པའི་ཚེས20ཉིན། བོད་རང་སྐྱོང་ལྗོངས་ཨ་མདོ་རྫོང་གིས་བཤད་དོན། ཉེ་ཆར། རྫོང་དེའི་མཚོ་བོད་གཞུང་ལམ་གདང་ལ་རི་བོའི་རྒྱ་མཚོའི་ངོས་ལས་ས་བབས་མཐོ་བའི་ལམ་དུ་དར་ཆགས་པས་རླངས་འཁོར་ཁག་ཅིག་གི་རླངས་སྣུམ་འཁྱགས་པས་བསྡམས་པ་དང་། རླངས་འཁོར་ལ་གནད་དོན་བྱུང་ནས་དེར་ལུས་པའི་གནས་ཚུལ་ཐོན་པ་རེད། རྫོང་དེའི་མི་དམངས་ཉེན་རྟོག་པ(རམ་འདེགས)ཡིས་ཉིན་མཚན་གཉིས་ཀར་འབད་པ་བྱས་པ་བརྒྱུད། ཟླ3པའིཚེས18ཉིན་གྱི་ཆུ་ཚོད19ཐོག་གཞུང་ལམ་བདེ་བླག་ངང་ཤར་གཏོང་ཐུབ་ཡོད། 

2.jpg

ཨ་མདོ་རྫོང་སྤྱི་བདེ་ཅུས་འགྲིམ་འགྲུལ་དོ་དམ་ལྟེ་གནས་སྒྲིག་ལམ་རུ་ཁག་འབྲིང་བའི་རུ་དཔོན་དོན་འགྲུབ་ཀྱིས། མཚོ་བོད་གཞུང་ལམ་གདང་ལ་རི་བོའི་ལམ་ནི་རྒྱ་མཚོའི་ངོས་ལས་ས་བབས་མཐོ་ཚད་སྨི5000ལས་བརྒལ་ཡོད་པ་དང་། ལོ་རེའི་དགུན་ཁ་དང་དཔྱིད་ཀའི་དུས་ཚིགས་སུ་ཁ་བ་བསགས་ནས་འཁྱགས་པ་ཆགས་སླ། ཟླ3པའི་ཚེས17ཉིན། གདང་ལ་རི་བོ་ཉག་ཁ་སོགས་རྒྱ་མཚོའི་ངོས་ལས་ས་བབས་མཐོ་བའི་ལམ་དུ་ཁ་བ་བུ་ཡུག་འཚུབ་པའི་གནམ་གཤིས་བྱུང་བས། ལམ་ངོས་ལ་འཁྱག་ཆགས་ཏེ་རླངས་འཁོར་བགྲོད་མི་ཐུབ་པར་གྱུར་ཡོད། 
    ལམ་དུམ་ཁ་ཤས་སུ་ཁ་བ་བསགས་ནས་འཁྱགས་པ་ཆགས་ཚབས་ཆེ་བས། གཞུང་ལམ་ཤར་བགྲོད་ཀྱི་ཆ་རྐྱེན་ཞན། ཨ་མདོ་རྫོང་གིས་ཐོག་མར་བོད་ནས་ཐོན་པའི་རླངས་འཁོར་ལ་གནས་སྐབས་ཀྱི་འགྲིམ་འགྲུལ་དོ་དམ་ལག་བསྟར་བྱས་ཏེ། རྒྱ་ཆེ་བའི་རླངས་འཁོར་འགག་པའི་གནས་ཚུལ་སྔོན་འགོག་བྱས་པ་དང་། དེ་ནས་ས་གནས་སོ་སོའི་ལས་རེས་ཉེན་རྟོག་ནུས་ཤུགས་དང་དུས་ཐོག་ལ་འབྲེལ་བ་རྒྱུན་འཁྱོངས་བྱས་ནས། བོད་དུ་བསྐྱོད་པའི་དངོས་ཟོག་སྐྱེལ་འདྲེན་རླངས་འཁོར་ཁག་བགོས་ཤིང་རིམ་ལྡན་ངང་བཏང་སྟེ་རླངས་འཁོར་འགག་ཐེངས་གཉིས་པ་མི་ཡོང་བ་བྱས་ཡོད།

3.jpg

ཨ་མདོ་རྫོང་མི་དམངས་ཉེན་རྟོག་པ(རམ་འདེགས)40ཡིས་མཚན་གང་བོར་ཁ་བ་དང་འཁྱགས་པ་ཕྱག་པ་དང་། ཁ་ལོ་བར་གནད་དོན་བྱུང་བའི་རླངས་འཁོར་ཞིག་གསོ་བྱེད་རོགས་བྱེད་པ། འདྲེད་འགོག་བྱེ་མ་བརྡལ་བ། འདྲེད་འཁོར་ལ་འདྲེད་འགོག་ལྕགས་ཐག་རྒྱག་རོགས་བྱེད་པ་སོགས་བྱས་པས། ཟླ3པའི་ཚེས18ཉིན་གྱི་ཆུ་ཚོད19ཐོག  མཚོ་བོད་གཞུང་ལམ་ཨ་མདོ་ལམ་དུམ་ཁྱོན་ཡོངས་ནས་ཤར་གཏོང་ཐུབ་ཡོད།

དོན་འགྲུབ་ཀྱིས། ཐེངས་འདིར་ཨ་མདོ་ཉེན་རྟོག་ཕྱོགས་ཀྱིས་རླངས་འཁོར1000ལྷག་ལ་ལམ་སྟོན་བྱས་པ་དང་། གནད་དོན་ལ་འཕྲད་པའི་རླངས་འཁོར40ལྷག་ཙམ་ཞིག་གསོ་བྱེད་རོགས་དང་། ལ་དུག་བྱུང་མཁན10ལྷག་ལ་རོགས་སྐྱོབ་བྱས་པ་ཡིན་ཟེར།  ། 

རྩོམ་སྒྲིག་པ། བདེ་ལེགས་མཚོ།

དཔྱད་མཆན 0 ཡོད།