སྔོ་ལྗང་གི་རི་ཆུ་བསྲུངས་ནས་རྒྱལ་ཁབ་ཀྱི་སྐྱེ་ཁམས་བདེ་འཇགས་བཀག་དངོས་སྲ་བརྟན་དུ་གཏོང་བ།

      མཚོ་སྔོན་ནི་གཙང་གསུམ་འབྱུང་ཡུལ་དང་།“ཀྲུང་ཧྭའི་ཆུ་མཛོད”ཡིན་པས། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་ཞི་ཅིན་ཕིང་གི་སྐྱེ་ཁམས་དཔལ་ཡོན་དགོངས་པ་ནན་ཏན་སྒོས་ལག་བསྟར་དོན་འཁྱོལ་བྱས་ཏེ།སྔོ་ལྗང་གི་རི་ཆུ་ནི་གསེར་རི་དངུལ་རི་ཡིན་པའི་འདུ་ཤེས་བརྟན་པོར་བཙུགས་ཤིང་།“ཆེས་ཆེ་བ་གསུམ”གྱི་ཞིང་ཆེན་གནས་ཚུལ་ལ་རྐང་བཙུགས་ཏེ། “དམིགས་བསལ་གཅིག་དང་མཐོ་བ་གཉིས”ཀྱི་འཐབ་ཇུས་བཀོད་སྒྲིག་བཏོན་ཞིང་། སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ་དང་། སྤུས་ཀ་མཐོ་བའི་འཚོ་བ་བསྐྲུན་རྒྱུ་གཏན་འཁེལ་གསལ་པོ་བྱེད་པའི་ཁྲོད་ཐོག་མཐའ་བར་གསུམ་དུ་སྐྱེ་ཁམས་སྲུང་སྐྱོབ་སྔོན་ལ་བཞག་པ་དང་། སྐྱེ་ཁམས་དཔལ་ཡོན་དེ་ཞིང་ཆེན་ཡོངས་ཀྱི་ཐུན་མོང་རིན་ཐང་འཚོལ་སྙེག་དང་མཚོ་སྔོན་འཕེལ་རྒྱས་ཀྱི་རྟགས་མཚན་གསལ་པོར་འགྱུར་དུ་བཅུག

མིག་འབྲས་ལ་སྲུང་སྐྱོབ་བྱེད་པ་ནང་བཞིན་སྐྱེ་ཁམས་ཁོར་ཡུག་སྲུང་སྐྱོབ་བྱེད་པ་དང་། ཚེ་སྲོག་ལ་ལྟ་སྟངས་ཅི་འདྲ་འཛིན་པ་བཞིན་སྐྱེ་ཁམས་ཁོར་ཡུག་ལའང་ལྟ་སྟངས་དེ་འདྲ་འཛིན་དགོས་ལ། སྐྱེ་ཁམས་སྲུང་སྐྱོབ་ནི་མཚོ་སྔོན་གྱི་རྟག་བརྟན་འགྱུར་བ་མེད་པའི་བརྗོད་དོན་ཡིན་པ་དང་། རྒྱལ་ཁབ་ཀྱི་སྐྱེ་ཁམས་བདེ་འཇགས་ཀྱི་ཁྱོན་ཡོངས་ལ་འབྲེལ་ཞིང་། ཀྲུང་ཧྭ་མི་རིགས་ཀྱི་ཡུན་རིང་གི་ཁེ་ཕན་དང་གཏན་གྱི་འཕེལ་རྒྱས་ལ་འབྲེལ་ཡོད་སྟབས། རང་བྱུང་ལ་བརྩི་བཀུར་དང་། རང་བྱུང་ལ་བསྟུན་པ། རང་བྱུང་སྲུང་སྐྱོབ།གྲོན་ཆུང་སྔོན་ལ་འཇོག་པ་དང་། སྲུང་སྐྱོབ་སྔོན་ལ་འཇོག་པ། རང་བྱུང་སླར་གསོ་བཅས་གཙོ་བྱེད་པའི་བྱེད་ཕྱོགས་རྒྱུན་འཁྱོངས་དང་། རྨང་གཞི་འདིང་བ་དང་། ཡུན་རིང་ལ་ཕན་པའི་དོན་བཟང་གང་མང་སྒྲུབ་པ་དང་། མིས་བཟོས་སླར་གསོ་དང་། རང་བྱུང་སླར་གསོའི་དོན་དངོས་གང་མང་སྒྲུབ་པ་དང་། རི་ཆུ་བཅོས་སྐྱོང་དང་། ཁ་གསལ་ངོ་གསལ་གྱི་དོན་བཟང་གང་མང་བསྒྲུབས་ཏེ། “གཙང་གསུམ་འབྱུང་ཡུལ”ལེགས་པོར་སྲུང་བ་དང་། “ཀྲུང་ཧྭའི་ཆུ་མཛོད”ལེགས་པོར་སྲུང་བ། རྒྱལ་ཁབ་ཀྱི་སྐྱེ་ཁམས་བདེ་འཇགས་བཀག་དངོས་བརྟན་པོར་བཟོས་ཏེ། “གཙང་ཆབ་དྭངས་མོ་ལྷང་ལྷུང་ཤར་དུ་བཞུར་བ”ལ་ཁག་ཐེག་བྱེད་དགོས།

ཁོར་ཡུག་ནི་དམངས་འཚོ་ཡིན་ཞིང་། སྔོ་ལྗང་གི་རི་བོ་ནི་མཛེས་སྡུག་དང་། གནམ་སྔོན་པོའང་བདེ་སྐྱིད་ཡིན། སྐྱེ་ཁམས་ཀྱིས་དམངས་ལ་ཕན་པ་དང་། སྐྱེ་ཁམས་དམངས་ཀྱི་ཆེད་ཡིན་པ་རྒྱུན་འཁྱོངས་བྱས་ཏེ། སྔར་ལས་མཛེས་པའི་སྐྱེ་ཁམས་ཁོར་ཡུག་ཧུར་ཐག་སྒོས་བསྐྲུན་ཏེ། སྐྱེ་ཁམས་དང་ཐོན་སྐྱེད་འཚོ་བ་བཅས་ཀྱི་འཁོར་སྐྱོད་བཟང་པོའི་ཁྲོད་རྒྱུན་ཆད་མེད་པར་མི་དམངས་ཀྱི་ཉིན་རེར་འཕེལ་རྒྱས་འགྲོ་བཞིན་པའི་མཛེས་སྡུག་སྐྱེ་ཁམས་ཁོར་ཡུག་གི་དགོས་མཁོ་བསྐངས་ཏེ། སྐྱེ་ཁམས་དཔལ་ཡོན་འཛུགས་སྐྲུན་ཁྲོད་རིགས་སོ་སོའི་མང་ཚོགས་ལ་སྔར་ལས་མང་བའི་ཐོབ་སྣང་དང་། སྐྱིད་སྣང་། བདེ་སྣང་བཅས་ཡོད་དུ་འཇུག་དགོས། །

རྩོམ་སྒྲིག་པ། མཁའ་མཚོ་སྐྱིད།

དཔྱད་མཆན 0 ཡོད།